তেহেঞ ১৪ এপ্রিল ভারত দিসম রেনাঃ সংবিধান বে-বেনাওয়িচ্
ডঃ ভীমরাও আম্বেদকর আঃ জানাম মাহা। উনিয়াঃ নোওয়া সৗগুন জানাম মাহারেগে ‘আবোওয়া কাথা’
খবর পাথাম পোয়লো পৗউড়িয় গিডি লেদা সাঁওতে ‘আবোওয়াঃ ওয়েব পেজ’ হঁ চালাওয়েন সেরমা তেহেঞা
দিন রেগে ‘তেৎরে’ পাথাম সাসাপাড়াওয়িচ্ মানতান মহাদেব হাঁসদা গোমকে ওয়েবনার তালাতেগে
উঢৗও লেদায়। তেহেঞ ‘আবোওয়াঃ ওয়েব পেজ’ আডি গরব আতে মিৎ সেরমায় লেবেদ্ কেদা।
নোওয়া মিৎ সেরমারে আপে সানাম পাঠকিয়ৗ, খবরিয়ৗ,
অনলিয়ৗ, অনড়হিঁয়ৗ, সাঁওহেদিয়ৗ, খঁদরঁদিয়ৗ, তুলৗ
জখায়িয়ৗ, সাঁদেশ চাচালাওয়িয়ৗ আর সানাম ফেসবুক গাতে কো লৗগিৎ তাঁহেয়েনা দুলৗড়,
সারহাও আর জোহার। আপে সানাম কোওয়াঃ গড় গপড়ঃতেগে তেহেঞ নুন সাঁগিঞ এ চাচো হেচ্ আকানা।
আরহঁ আঁশ তাঁহেয়েনা হাপেন দিন লৗগিৎ হঁ তাঁহেনা আপেকোওয়াঃ দুলৗড়, আশিষ আর থুম।
পারমেন সেরমা ধৗরতি জাকাত (কোভিড-১৯) করোনা ভাইরাস
খৗতির দিশমরে পাড়াও এনা লক ডাউন। মিৎ মিৎতে ঞু-জম দোকান খন এহব কাতে অফিস, আদালত, ইসকুল,
কলেজ, কারখানা,ছাপাখানা সানাম রেনাঃ সিলপিঞ সিঞ ইদিয়েনা। দিশমরে মিৎ হাহাড়া চিতৗর ঞেল
এনা। সাঁগিঞ দিশম খন নামালিয়ৗ কোওয়াঃ ৩০০ কিমি খন ১০০০ কিমি তাড়াম তেগে অড়াঃ রুওয়ৗড়
রেনাঃ মিৎ বতরান চিতৗর। অনা তাড়ামরে আয়মা হড়গে অড়াঃ বাংকো তিয়োঃ দাড়েয়াৎ তাঁহেকানা।
আৎরা হর রেগে জমা বাংতে রেঁগেচ্তে-তেতাংতে জিউয়ি বৗতি ইঁড়িচ্ লেন তাকোওয়া। তেহেঞ
ওনকো সানাম কো লৗগিৎ ‘আবোওয়াঃ ওয়েব পেজ্' গৗহির দুখ এ সদর এদা।
গৗহির দুখ এ সদর এদা নোওয়া মিৎ সেরমারে আয়মা অনলিয়ৗ,
অনড়হিঁয়ৗ, সাঁওহেদিয়ৗ, খবরিয়ৗ, সাঁওতা দরদিয়ৗ, সেরেঞ বাডোহি, মাঝি বাবা, পারগানা বাবা,, মাঝি হপন-এরা-
যাঁহায় কোওয়াঃ জিউয়ি দাঃ দড়মেন তাকোওয়া ওনকো লৗগিৎ।
আর অনা লকডাউনরে যাঁহায়কো সে যাঁহা গাঁওতা, ক্লাব
আর গ্রুপ করে খন আপনার জিউয়ি আলায় কাতে দুওয়ৗর দুওয়ৗর সেন কাতে সে ক্যাম্প কাতে রেঁগেচ্-নাচার
হড় লৗগিৎ জমাঃ গড় পে এম চাল আৎ কো তাঁহেকানা ওনকো সানামকো লৗগিৎ আডি আডি সারহাও এ চাল
আপে কানা। সারহাও এ চাল আকো কানা উন অক্তে যাঁহায় কো সিঞ-ঞিদৗ দিশম রেনাঃ খবর হাতাও
কাতে, খবর বেনাও কাতে শোস্যাল মিডিয়ারে, ডিজিটাল ডেস্করে, ওয়েব পেজরে খবর কো পাশনাও
লেদা।
নংকান মিৎ মুহিম অক্তরেগে আবোওয়াঃ কাথা ওয়েব পেজ
হঁ যাঁহা তিনাঃ এ দাড়েয়াৎ তাঁহেকানা আয়াঃ কুরুমুটু লেকাতে মিৎ মিৎতে খবর খন এহব কাতে
সাঁওহেদ্ রেনাঃ মিৎ-বার হৗটিঞ হঁ (সানাম লেকান পাঠকিয়ৗ কোওয়াঃ
কাথা দিশৗ কাতে) উছৗন আগুওয়াকাদায়। তায়ম দারাম আরহঁ সাঁগে ডগর উছৗন রেনাঃ হঁয় মনসুবৗ আকাদা।
আবো সানাম কোওয়াঃ গড় তেগে আবোওয়াঃ লাহান্তি।
ঞেল ঞেলতে তেহেঞ এখেন ভারত দিশম হড় সুমুং দ বাং
USA, France,Russia, Bangladesh, Canada, Japan, Jermany, Indonesia, Thailand,
Netherland এমান দিসম করে খন এহব কাতে গোটা ধৗরতি জাকাত হড় গে ‘আবোওয়াঃ ওয়েব পেজ’ কো
ঞেল এদা।
নিৎ ধৗবিচ্তে খবর আর সাঁওহেদ্ অনল লৗইতে ৬০০
গটাং খন হঁ বৗড়তি উছৗন আকানা। বাডায় আকানা খবর সাঁওতে ‘হুডিঞ মাছা কৗহ্নি’ আর সিঁগি
মাহা রেনাঃ ‘চেরেচ্ আড়াং’ সাঁগে হড়াঃ অন্তর খুঁদড়ি রে ঠাঁও এ ঞাম আকাদা। চালাঃ কান
অক্তে পে লাখ খনহঁ বৗড়তি পেজ ভিউয়ার কো সেলেদ্ গৎ আকানা।
আবোওয়াঃ জানাম রড়, আবোওয়াঃ জানাম পৗরশি, আবোওয়াঃ
সাঁওহেদ্, আবোওয়াঃ লায় লেকচার- ‘আবোওয়াঃ ওয়েব পেজ’ তালাতে যাওগে জিয়ৗড় তাঁহেন মা।
আর আবোওয়াঃ সনৎ দুলৗড়-সৗগৗই আবো তালারে সাং নৗড়ি বাঁদো নৗড়ি লেকাগে এধে বেধে তল তাঁহেন
মা বাড়ে।
.webp)
.webp)
