মানতান সাসাপড়াওইচ, আবোওয়াঃ কাথা,
সিঁঙ্গিমাহা সাকাম 'চেরেচ আড়াং'- লেখা-২৩
৩১জানুয়ারী, ২০২১
তুলৗজখা- শ্রী কা ন্ত স রে ন
১।।
মুরুম
সুবুদিয়া মূর্মূ
সুবুদিয়া মূর্মূ আঃ নওয়া অনড়হেঁ রে বিনতি রেনাঃ থড়া সধাড় শ মেনাঃ আ। মানতান অনলিয়ৗ গমকে, মূর্মূ জৗত আঃ পৗরিস কাথা, হুডিঞমাছা তেয় পাসনাও আকাদা। মেনখান ছন্দ দ আডি গাবাড-গুবুড গেয়া।
২।।
চাঁন্দো মামা
গোপেশ্বর মান্ডি
গোপেশ্বর মান্ডি আঃ ' চান্দো মামা ' দ গিদরৗ কওয়াঃ মনে বুলৗও লেকান, মিৎটাং হুডিঞ গিদরৗ বৗউলী কানা। নওয়া বৗউলীরে পৈলো সেৎ ছন্দ বেওহার নাপায় গে রেহ, মুচৗৎ সেৎ দ বাং ঠিক আ।
৩।।
গিদরৗ বৗউলী
এভেন কুয়লী সরেন
এডেন কুয়লী আঃ ' গিদৗর বৗউলী ' গিদৗর ক অলঃ রে রৗস্কৗ ঞাম লেকানাঃ অনড়হেঁ। মেনখান মুচৗৎ সেৎ রেনাঃ ছন্দ দ, বৗই-বাইতে আৎ এন লেকা বুঝাউ এনা।
৫।।
ছামডা লাতার
বাড়তাং সরেন
বাড়তাং সরেন আঃ নওয়া পে থার অনড়হেঁ ছন্দ দ,থড়া এটাঃ লেকানাঃ। লৗই গানঃ আ, মন্দির চূড়ৗ গড়হন রেনাঃ উলটৗ গড়হন নওয়া অনড়হেঁ রেনাঃ। মেনখান নওয়া দ গিদরৗ সাঁওহেৎ খৗতির, হৗন্ডি ঞু কাথা দ বাং অল লেখান জৗনিচ আরহঁ নাপায় কঃ আ।
৬।।
উপৗল
দুগাই টুডু
মানতান দুগাই টুডু আঃ ' উপৗল ' , মেৎ ইড়িচ লেকা পুখরিরে সাড় আকানা। উপৗল ডৗন্টিজ আর বাহারেনাঃ এটাঃ লেকান বেওহার অল পাসনাও খৗতির, উপৗল আঃ মৗন বৗড়তি আকানা।
৭।।
তাড়াম মেসে
সনাতন টুডু
সনাতন টুডু আঃ বার থক অনড়হেঁ রে, জিয়নভোর তাড়াম রেনাঃ অক্সিজেন মেনাঃ-আ। নওয়া দ নাপায় উইহৗর-ভাবনা রেনাঃ মিৎটাং নাপায় অনড়হেঁ।
৮।।
অলঃ জিয়ন
বিভূতিভূষণ সরেন
বিভূতিভূষণ সরেন মি-মিৎটাং থকরে পোন থার বেওহার কাতে,ছন্দসেৎ আডি নাপায়ে মেৎ- লুতুর আকাদা। গিদরৗ কওয়াঃ অৗখির নওয়ারে তপা মেনাঃ আ মেনতেঞ মনেয়া।
৯।।
দড়পং হাড়াম
বাবলু সরেন
বাবলু সরেন ইচ ' দড়পং হাড়াম ' নাপায় গে রেহয়, নুইদ খাম-খেয়ালি হাড়াম ছৗটয়ৗর লেখান জৗনিচ বৗড়িচ দ বাং হোয়োঃ আ। ছন্দ বাং ঠিক খৗতির,পাড়হাওরে বাং জুতগে বুঝাঃ কানা।
১০।।
সাঁজি বিটি
কিস্কিন্ধা মূর্মূ
কিস্কিন্ধা মূর্মূ ইচ ' সাঁজি বিটি ' লিটি ঘিটিয় কৗমি আকাদা। আর থড়া নাপায় ঞঃ এ কৗমি লেখান, পৗঠুয়ৗক নাপায় রৗস্কৗক ঞাম কেয়া।
১১।।
হপন মৗই আঃ কুকলি
দুলৗড় বিটি
দুলৗড় বিটি আঃ নওয়া অনড়হেঁ পাড়হাওরে নাপায় বুঝাঃ কানরেহঁ, ভাবনারেদ নাপায় বাং বুঝাঃ কানা। গ-গ ( আয়ো) ক জাঁহা ক কৗমি দাড়েয়াঃ আ,বাবা ক অনা কদ বাং ক কৗমি দাড়েয়াঃ আ। আর অনারেনাঃ উলটৗ সাব লেখান লৗই গানঃ আ, বাবা ক জাঁহা ক কৗমি দাড়েয়াঃ আঃ গ-গ ক দ অনা ক বাং ক কৗমি দাড়েয়াঃ আ। নওয়া অনড়হেঁ রে তর্ক মেনাঃ আ।
.webp)
.webp)
