আবোয়াঃ ওয়েব পেজ- ওয়েস্ট বেঙ্গল সিডিউল্ড ট্রাইব ওয়েল ফেয়ার অ্যাসোসিয়েশন হুগলী জিলৗ চাঁগা পাহ্টা খন ফেক এস.টি. ইস্যুতে ডি.এম. ডেপুটেশন এম কো চালাঃ কানা আডি উসৗরৗগে। বাডায় আকানা দারায় কান ১০ ফেব্রুয়ারী জমেলায় তালাতে চুঁচুড়ারে ডি.এম. ঠেন ডেপুটেশন কো এমা।
ওয়েল ফেয়ার অ্যাসোসিয়েশন পাহটা খন অভিযোগ রাকাপ্ কানা বাংমা চারোধার লাগাম বৗনুঃ আন লেকাগে ফেক এস.টি. ধারী কোওয়াঃ হৗল বৗলতে সারিন আদিবাসী কোওয়াঃ চৗকরি ঞাম আর নানাহুনৗর সেচেৎ ঠাঁওরে এডমিশন ঞামগে অনিশ্চিত হোয়োঃ কান তাকোওয়া। নানাহুনৗর চৗকরিরে এস.টি. কোটারে অ-আদিবাসী কো এস.টি. সার্টিফিকেট জোগাড় কাতে গোটায় গে হুলৗ চুমকৗ কো সিরজৗও আকাদা। চালাঃ কান অক্তরে দুয়ারে সরকার হোয় কাতে আয়মা অ-আদিবাসী কো এস.টি. সার্টিফিকেট অডক কাতে সারিন আদিবাসী কোওয়াঃ মেৎরে রেনাঃ জৗপিৎ কো অটাং আকাৎ তাকোওয়া মেনতেহঁ অ্যাসোসিয়েশন অভিযোগ এ রাকাপ্ আকাদা। অনা বিরুধরে লাড়াওনা লৗগিৎ গে ওয়েল ফেয়ার অ্যাসোসিয়েশন জিলৗ চাঁগা পাহটা খন সানাম জিলৗ রেন ডি.এম. আর এস.ডি.ও. ঠেন মিৎ লেতাড়গে বন্দেজ হাতাও রেনাঃ দাবী বাডায় অচোকাতে ডেপুটেশন এ এম আগুয়েদা। নোওয়া হঁ বাডায় আকানা বাংমা অ্যাসোসিয়েশন পাহটা খন নোওয়া তালারেগে আদিবাসী এম.এল.এ. আর এম.পি. কঁহ ফেক এস.টি. ইস্যু লৗইতে পৗউড়ি হাতাও লৗগিৎ বেওরা সাকাম হঁ ভেজা হোয় আকানা।
.webp)
.webp)
