(হুডিঞ মাছা কৗহনি)
আকিলরেনাঃ কুড়হৗ ঞুতৗতরে
বিরসা কিস্কু
সুরাই দ ইস্কুলরেন মাস্টার কানরেহঁয় আয়ো বাবা ঠেন দ নিত হঁ স্টুডেন্ট গে মেনাঃ আকাদেয়া চেদা সে ইস্কুলরেন গিদরৗয় বুঝৗও দাড়েয়া ক রেঁহ আয়ো বাবা দ বাং। আয়ো বাবারেন মিৎ টান গে হপন, অনাতে আয়ো বাবা আ কাথাগে মুচৗৎ কাথা । ঞেল ঞেলতে সুরাই আ চৗকরিরেনা গেল সেরমা পারম এন রেঁহ আচ্ রেন এগাঁত আপাত সুরাই লৗগিৎ বৗহুগে বাংকিন মিলৗও দাড়েয়াঃ কওয়া। মিলৗও গে চিকৗতেক মিলৗ আ, আকিন মা আতো সরেশ বৗহুকিন পান্তেয়েদ কওয়া, অড়াঃ দুয়ৗর হঁ লৗটুঃমা, উমের তে হঁ খাটঃ মা, রূপ গুন তে হঁ সরেশঃ মা, চেদাঃ সে কৗটিচ উমেররেন কুড়ি গিদরৗ দ আকিনাঃ অৗচু চাচালাও রে……..।
পান্তে পান্তেতে নেস দ মান দিশমরেকিন পান্তে ঞাম আকাদেয়া, রলঘুটু মাঝি বাবারেন সাধের হপন এরা রুপৗলি। অড়াঃ দুয়ৗর হঁ কেটেচ গেয়াঃ কুড়ি গিদরৗ হঁ লিচৗড় গেয়া, নে হালেগে এগার ক্লাসরেয় ভর্ত্তি আকান। উমের রেয়াঃ বাং বিচৗর কাতেৎ রুপৗলিয়াঃ আখির উইহৗর কাতে কুশি দ কুশিয়েন গেয়াকিন রুপৗলি রেন আয়ো বাবা।
সার সৗগুন হঁ গটায়েনা হরঃ চিন হঁ হুয় এনতে বাপ্লারেনাঃ অক্ত হঁ নেঁডায়েনা। ফৗগুনরেনাঃ সৗগুন দিন হঁ সেটেরেনা ,লাসের হাতাং রুপৗলিয়াঃ বিনিড হঁ এতহব এনা,
সৗরি সারজম ডৗর মাডওয়া হঁ বিদ এনা, রিহিড় বিদিড় টামাক তুমদৗ হঁ সাডেয়েনা, মেনখান অক্তরে জাঁওয়ায় দ বায় সেটেরলেনা অনা বদলতে সেটেরেনা ক ইস্কুলরেন দিদিমনি সাঁওতে মিৎ গৗডি পুলিস ফৗদ ….।
.webp)
.webp)
