পছিম বর্ধমান রেনাঃ চাঁপাডাঙ্গা প্রাথমিক বিরদৗগাড় সান্তাড়ি মিডিয়াম লেকাতে চালুয় এনা

আবোওয়াঃ ওয়েব পেজ, দুর্গাপুরঃ -  কোভিড-১৯ খৗতির সানাম বিরদৗগাড় কো বন্দগে মেনাঃ আ। এনহঁ অনা তালারেগে পছিম বর্ধমান রেনাঃ চাঁপাডাঙ্গা  প্রাথমিক বিরদৗগাড় সান্তাড়ি মিডিয়াম লেকাতে চালুয় রেনাঃ অনুমোদন এ ঞাম কেদা। হাপেন সানাম বিরদৗগাড় কো ঝিচ্‌ লেনখান ২০২১ সেচেৎ সেরমা খনগে চাঁপাডাঙ্গা প্রাথমিক বিরদৗগাড় রে সান্তাড়ি মিডিয়াম লেকাতে পৗঠুওয়াকো অলঃপাড়হাও কো এহব দাড়েয়াঃআ। 

বাডায় আকানা পছিম বর্ধমান রেনাঃ চাঁপাডাঙ্গা প্রাথমিক বিরদৗগাড় গে পোয়লো একালতে পছিম বাংলা সরকারাঃ গড়তে সান্তাড়ি মিডিয়াম লেকাতে চালুয় এনা। তবে নোওয়াহঁ বাডায় আকানা বাংমা নোওয়ারে পছিম বর্ধমান জেলা ASECA (W.B.) আঃ কুরুমুটু মিৎ লেতাড় গে তঁগে তাঁহে কানা। বাডায় আকানা পছিম বর্ধমান জেলা ASECA (W.B.) সান্তাড়ি মিডিয়াম চালুয় লৗগিৎ আয়মা লেকান আঁদোড় মেনেৎ S.I., D.I. এমন চেৎ D.M. ঠেনহঁ গনডেপুটেশন কো এম আগুওয়াকাদা।  

পছিম বর্ধমান রেনাঃ চাঁপাডাঙ্গা  প্রাথমিক বিরদৗগাড় সান্তাড়ি মিডিয়াম লেকাতে চালুয় এন খৗতির হলা ১৭ ডিসেম্বর চাঁপাডাঙ্গা প্রাথমিক বিরদৗগাড় উনুঢৗও মিৎ লাকচার আখড়া কো সাপড়াও লেদা। অনা আখড়ারে মারাং পেড়া লেকাতে S.I.of School, Durgapur Noth Circle, B.D.O. দুর্গাপুর, ফরিদপুর ব্লক, চাঁপাডাঙ্গা আতো মাঝি বাবা মানতান শুকু মুরমু, জেমুয়া গ্রাম পঞ্চায়েত প্রধান মল্লিকা লোহার, শম্ভুনাথ ব্যানার্জী ( মুড়ুৎ মাচেৎ  চাঁপাডাঙ্গা আদিবাসী পাড়া প্রাঃ বিরদৗগাড়) আর পছিম বর্ধমান জেলা রেন আসেকা সভাপতি মানতান রূপচাঁদ কিস্কু, আসেকা সম্পাদক মানতান শুকু মুরমু এমান গোমকে কো সেটের তাঁহেকানা।