কারু মাঝি আঃ জানাম দ হোয়লেন তায়া ১৯৫৭ সাল রেয়াঃ ৬ জুন, ঝাড়খন্ড পনৎ পুরুব সিংভুম জেলা রেনাঃ ফুলজুড়ি আতোরে। বাডায় আকানা কারু মাঝি আঃ পৗরিস দ কিস্কু তাঁহেকানা। মেনখান উনবিদৗল স্কুল রে মাঝি কো অল লেদেয়া। আর উন খন গে উনিদ কারু মাঝি মেনতেগে কো বাডায় আগু কেদেয়া। আচ্ বাবা আঃ ঞুতুম দ ছোটা কাসু কিস্কু আর আয়ো ঞুতুম দ তাঁহেকানা টুসু কিস্কু।
বাডায় আকানা কারু মাঝি দ মানপুর হাই স্কুল খন ১৯৭৭ সালরে মেট্রিক, ১৯৮২ সালরে করনডি এল.বি.এস. এম. কলেজ খন বি.কম. আর ১৯৮৫ সালরে রাঁচি ইউনিভারসিটি খন সানতালি তে এম.এ. পাস লেদা। অনা তায়ম করনডি এল.বি.এস. এম. কলেজ রে অ্যাসিস্টেন্ট প্রফেসর লেকাতে বাহাল লেনায়। মুচৗৎরে ২০১৫ সাল খন উনি দ কলহন ইউনিভার্সিটিরে সানতালি তে হেড অফ্ দি ডিপার্টমেন্ট লেকাতেয় কৗমি কান তাঁহেকানা।
বাডায় আকানা কারু মাঝি দ পাড়হা বিদৗল খনগে সাঁওহেৎ চারচাও এ এহব লেনা। উনিয়াঃ অনল সেরেঞ পুঁথি ‘মিৎ গাঁডো মিৎ মিৎ মৗচি’ উছৗন আকান তায়া। তবে বাডায় আকানা আয়মা অল পুঁথিগে বাং ছাপা কাতে তাঁহেয়েন তায়া।
কারু মাঝি দ ইন্টারন্যাশনাল সানতাল কাউন্সিল, অল ইন্ডিয়া সানতালি ইন্টেলেকচুয়াল ফোরাম সাঁওতে আয়মা সমাজ ভৗলৗই গাঁওতা কো সাঁও জপড়াও এ তাঁহেকানা।
প্রফেসর কারু মাঝি দাঃ দড়মেন খৗতির আয়মা অনলিয়ৗ আর সাঁওহেদ্ দরদিয়ৗ গৗহির দুক্ কো সদর আকাদা মেনতে বাডায় আকানা।
.webp)
