২০ ,২১ & ২৪ নভেম্বর,২০২০
মহাদেব হাঁসদা,
সারহাও- শ্রীকান্ত সরেন
মানতান অনলিয়ৗ মহাদেব হাঁসদা গমকে আঃ 'সহরায় পরব- এনাং আর নিত ' ( ২০ ,২১ & ২৪ নভেম্বর, ২০২০) পাড়হাও কাতে, সহরায় আতে সাফা সাঁহিচ মিৎটাং অনল বন ঞাম কেদা। অনলরে সহরায় বাখরা , এতহব খন মুচৗৎ হৗবিচ আডি নাপায়ে অল সদর আকাদা। গৗই-কাডা কওয়াঃ সারহাও খন ' সহরায় ' আর গুন কীর্তন বা বন্দনা খন ' বাঁদনা ' হোই; নওয়াদ আডি যথাত যুক্তি। মড়ে মাহা সহরায় ( উম,বঙ্গা,সৗরদি/খুন্টৗউ, খুন্টিতোৎ,জালে) রেনাঃভেগার- ভেগার নায়- নেমাচার সেরেঞ তালাতে আডি নাপায়ে সাব রাকাব আকাদা। উমহিলোঃ গোডেৎ আঃ সিম হপন- চুরুজ চাউলে আদাই আর নায়কেয়াঃ খঁডরে, গৗই ক বেলে লেবেৎ হচ কাতে; সরেস গৗই বাছনাও আডি গনং আন সেরওয়া কাথা। বঙ্গাহিলোঃকড়া কওয়াঃ সারু ঝিঙৗ কঁহডা বেঁগাড় এমাৎ গৎ আর ' খল তিরয় হাসা তুমদাঃ/ দেলাং তিরয় কুলহি- কুলহিতে ' সেরেঞ আঁজম লেখান কুলহি সেৎগে মেৎ মনেয় দাড়া। সৗরদি/ খুন্টৗউ হিলোঃ আঃ খুন্টি বিৎ আরিচৗলি আর ' গাডাম লা-লা কানদ চিলিম তলেয়া/ কাডাম তলেরেদ শাড়িঞ বাঁদেয়া/ ডাংরাম তলেরেদ শাংখাঞ হরগা ' সেরেঞ আবোওয়াঃ লাকচার রেনাঃ মিৎ জেয়েৎ সৗবুদ। আর খুন্টিতোৎ সাঁওতে কড়া কওয়াঃ ' আলেদ খুন্টি তোতোৎ ক বাবা/ আলেদ ভুরনি তাড়াও ক বাবা ' সেরেঞ , নিতহ আতো-আতো করে বাঞচাও মেনাঃ আ। জালে দিনদ বাংমা জতখন রৗস্কৗ রেনাঃ দিন। কুলহি দ ঞঁহড় তিরয়ো আর এনেচ-সেরেঞতে আঁদোড় কঃ আ। অড়াঃ খনহঁ গুঁদুর গুঁদুর রৗস্কৗ আঁজমঃ আ। উনাঃ রৗস্কৗ রেনাঃ সহরায় কানরেহ, মিৎবার নেমাচার কদ বাংমা আদঃ কানা মেনতে দুখে সদর আকাদা। আর ' চেতান কুলহি লাতার কুলহি/ দাঁড়া রাকাব দাঁড়া আড়গ/ দাঃ দ নায়ো তিতাং কিদিঞা ' ... সেরেঞ আঁজম কাতে, মনে কদ চেতান কুলহি লাতার কুলহি করেগেয় অটাং বাড়ায়া।
মানতান অনলিয়ৗ গমকেয়াঃ নংকান মিৎ দামান অনল পাড়হাও কাতে,রৗস্কৗতে ইঞ পাহটা খন তাঁহেয়েনা আয়মা - আয়মা সারহাও।
.webp)
