আবোওয়াঃ ওয়েব পেজ- পারমেন ১১ নভেম্বর হিলোঃ ঝাড়খন্ড বিধান সভারে মানতান মুখিয়ৗ মন্ত্রী হেমন্ত সরেন সারনা ধরম বিল পাশ তায়ম দসার দিনগে সোশ্যাল মিডিয়ারে সারনা ধরম বার হৗটিঞতে হৗটিঞ ঞেল এনা। বাডায় আকানা মিৎ হৗটিঞ দ সানতাড় হড়-হপনাঃ যাঁহা সেদায় আরি কানা, অনা আরি রেনাঃ কাথাগেকো রড় এদা আর মানাও-বাতাও রেনাঃ কাথাকো হঁক সদর আকাদা। মেনখান আর মিৎ হৗটিঞ দক লৗলৗই কানা বাংমা নাওয়া আরি আর নাওয়া ডাহার রেনাঃ কাথা। যাঁহারেদ অকা বঁগা-বুরু রেহঁ হাঁডি বেওহার বাং চালাঃআ। ধরম হাঁডি বদলতে বেরেল দাঃতে বঁগা বুরু রেনাঃ কাথা কো সদর আকাদা। রুম-বুলঃ হঁ বাং চালাঃ আ মেনতেকো লৗই এদা।
নতে উড়িষ্যা মাঝি পারগানা মহল আর উড়িষ্যা আসেকা সারনা ধরম রেন নাওয়া ডাহার আঃআয়ুরিচ্ মানতান সালখান মুরমুওয়াঃ কুশ-পুতলাঃ কো রাপাঃ কেদা মেন্তে বাডায় আকানা। সালখান মুরমু বিরুধ্রে মহল আর আসেকা অভিযোগ হঁকিন রাকাব্ আকাদা বাংমা সালখান মুরমুয় লৗই আকাদা যাঁহায় সানতাড় কো যাঁহায় আদিবাসী কো হাঁডি কো বঁগায়া উনকুদ সেতা কানাকো, আর যাঁহা তিনাঃগে মাঝি-পারগানা, আতো মঁড়ে হড় মেনাঃ কোওয়াঃ ওনকো দ বুল-ভুতৗড়, জুম্বড়ি কানাকো, চোর-গুন্ডৗ কানাকো এমান এমান।
নতে আরহঁ বাডায় আকানা সালখান মুরমু দ মিৎ রাজনীতি হড় কান রেহঁয় সারনা ধরম লৗইতে আডিদিন খন গে প্রচার আগুয়েদায়। উনিদয় মেমেন কানা বঁগা-বুরু ঞুতুমতে হাঁডি চডর বাং গানো আ। মেনখান পারগানা মহল আর আসেকা দক লৗই এদা বাংমা নোওয়া কদ সানতাড়াঃ আরিচৗলি কানা। চেদাসে সানতাড় হড়-হপন দ বাহারে, সহরায়রে, বঁগা-বুরুরে জানাম ছৗট্য়ৗররে, গুজুঃ-বুরুরে, ভাঁডানরে হাঁডি চডর রেনাঃ চল মেনাঃআ, বাংমা হাঁডি দ ধরম রেনাঃ কানা। নোওয়া হঁক লৗলৗই কানা বাংমা যাঁহায় কো নোওয়াকো বাংক কুশিয়াঃআ কানা সে বিরোধিতায় এদা ওনকো দ সানতাড়াঃ আরিচৗলি, লেগ্চার-নেমাচার গেকো হিরখৗওয়াঃ কানা। সালখান মুরমু সানতাড়াঃ আরিচৗলি বিরুধরে রড় এদায়, অনা খৗতির তেগে মাঝি পারগানা মহল আর উড়িষ্যা আসেকাদ সালখান মুরমুওয়াঃ কুশ-পুতলা কো রাপাঃ কেৎ তায়া মেন্তে বাডায় ঞাম আকানা।
নওয়া মাড়াং হঁ ঞেল আকানা বাংমা সারনা ধরম রেনাঃ দাবি ঞুম কাতে সালখান মুরমুআঃ আয়ুরতে ঝাড়খন্ডরেন রাজ্যপাল, মুখিয়ৗ মন্ত্রী্যাঃ কুশ-পুতলা রাপাঃ রঁগঁ রেনাঃ চিতৗর হঁ হাঁডে নাঁডে ঞেল আকানা।
.webp)
