আবোওয়াঃ ওয়েব পেজ- আডি দিন খনগে আয়মা আদিবাসী গে সারনা বিল পাস তাঁগি তাঁড়াঃ রেকো তাঁহেকানা। ঝাড়খন্ড সরকার ঠেন ঘানে ঘানে গে সারনা বিল পাস রেনাঃ দাবীকো দহ আকাদা। ঝাড়খন্ড সরকার হঁ অনাতে আয়াঃ কুশপুতলা রাপাঃ রঁগঁ আতার রেনাঃ চিতৗর ঞেল কাতেগে লগন মাছা বিধান সভারে বিল পাস কাতে এলেক ছাডায়েনায়। মেনখান এনরেহঁ কুশপুতলা রাপাঃ রঁগঁ রেনাঃ নিরঘিন কৗমিদ বাং থামগৗড়ি আকানা।
নুন দিন ঞেল আকানা বাংমা সালখান মুরমু আঃ আয়ুরতে সেঁগেল অভিযান পাহ্টা খন সারনা ধরম কোড চৗলু অচয় লেকান আয়মা দাবী দাওয়া ইদিকাতে ঝাড়খন্ড রেন বিরোধী দলনেতা মানতান বাবুলাল মারান্ডি খন এহব কাতে জে.এম.এম নেতা নলিনী সরেন, মুখিয়ৗ মন্ত্রী হেমন্ত সরেন এমন চেৎ সানতাড় জৗতিরেন মিৎ মাত্র রাজ্যপাল মানতানিয়ৗ দ্রৌপদী মুরমুওয়াঃ কুশপুতলাহঁ হাঁডে নাঁডে কো রাপাঃ রঁগঁ আগু আকাদা। মেনখান নিৎ সারনা বিল পাস তায়ম সালখান মুরমুওয়াঃ কুশপুতলা হঁক রাপাঃ রঁগঁ কেদা উড়িষ্যা মাঝি পারগানা মহল আর আসেকা। মহল আর আসেকা আঃ অভিযোগ লেকাতে বাংমা সালখান মুরমু দ সানতাড় আরিচৗলি বিরুধরে রড় আকাদায়।
নঁতে আরহঁ উড়িষ্যা আসেকা আঃআয়ুরিচ্ মানতান সুন্দর মোহন হেম্ব্রম আঃ কুশপুতলা হঁক রাপাঃ রঁগঁ কেদা সালখান বাহিনী কো। যাঁহায় দ সানতাড় কোওয়াঃ আরিচৗলি বাঞ্চাও দহয় রেনাঃ কাথায় লৗলৗই কানা।
নোওয়া ঘটন লাহাহঁ উড়িষ্যারেন ঞুতুমান অনলিয়ৗ যদুমনি বেশরা আর দময়ন্তী বেশরা আঃ কুশপুতলা সালখান বাহিনীরেন হড়গেকো রাপাঃ রঁগঁ লেদা মেনতে বাডায় আকানা।
নিত নংকান ঘটন ঞেলতে আয়মা গুনিজন হড়গে কো মেমেন কানা সানতাড় সাঁওতারে চেৎ কুশপুতলা রাপাঃ রেনাঃ হাপরাও চালাঃ কানা ? আরহঁ কাথা রাকাব্ কানা বাংমা নোওয়া বুসুব্ রেন কুশপুতলারে সেঁগেল ধরাও কাতে সানতাড় সাঁওতা চেৎ শিখনৗৎ কো চাল আয় কানা?
নোওয়াকো ঞেল কাতে আর আর জৗতিরেন হড়দ দানাং খন কো লাঁদা জং কানা মেনতেগে বাডায়ঃ কানা। মেমেন কানাকো বাংমা ওনকোওয়াঃ দ অল রেহঁ রাপাচাঃ, ধরম রেহঁ রাপাচাঃ; নিৎ কুশপুতলা রাপাঃ রেহঁ হাপরাও চালাঃ কান তাকোওয়া।
তবে নিৎ ধৗবিচ্ হঁ বিহার, বেঙ্গল, উড়িষ্যা, আসাম, ঝাড়খন্ড রেন অনলিয়ৗ, অনড়হিঁয়ৗ কো মুদ্রে নোওয়া কুশপুতলা রাপাঃ রঁগঁ, নংকান নিরঘিন ঘটন বিরোধরে তিখোড় ঝারনা কলম তে রড়দারাম দ বাং ঞেল ঞাম আকানা।
.webp)
