(হুডিঞ মাছা কৗহ্নি)
মোবাইল রেয়াঃ অরসংতে
নিকোলাস মারান্ডি
নিকোলাস মারান্ডি
হপন বাবু দ নিতহঁয় গিতিচ আকান অকানা। মোবাইল সাডে কানা, অনা আজঁমতে, লৗটু গ দয় মেন গৎ কেদা, " অতে ফোন হেচ আকান , হপন বৗবু দয় আজঁম এদা সে বাং" ? ডেৎ কুড়িয় মেনকেদা , অনা ফোন দ বাং কানা লৗটু গ , অনা দ এলাম সাডে কানা। উনি দ ঠিক ইনৗ অকতে রেগেয় বেরেদঃআ, অনাতে এলামে সেট আকাদা, যাতে ঠিক টাইম রেয় বেরেদঃ।
হেঁদানা আলে দ আপে লেকা দ বালে তাঁহে কানা। আলে দ ঘুড়ি আর মোবাইল তেহঁ বালে বেরেৎ কান তাঁহেনা। আলে দ সিমরাঃ সেতাঃ রেলে বেরেৎআ আর যে যার কৗমিলে ধুরৗঃআ। আর নেতার রেন গিদরৗ মা হানে দিনমান মোবাইল আর মোবাইল, আর ঞিঁদৗহঁ আডি ঘৗড়ি ধৗবিচ অনা গেকো ওয়োং কাঃআ , আর সেতাগঃ রেহঁ বাংকো দিশৗয়া।
"এনা বুডি নোওয়া দ যুগ রেয়াঃ হেরফের কানা, অনা সাঁও তাল মিলৗও কাতে চালাঃ হোয়োঃ কানা। অনাতে আমাঃ আসকেত দ চেৎ" ? "চেৎ হঁ বাং না , চেৎ হঁ বাং! বেড়া রাকাপ আর সিম সাঁডি রাঃ দ নিতহঁ বাং মুচৗৎ আকানা। অনাকো এতম কাতে যদি মোবাইল এম হাঁবুৎ কাঃআ, তবে দ মুসকিল পাড়াও আমা। " মুসকিল দ অকারে লৗটু গ , নিত দ লাহাখন ঢের সুবিধা হোয় আকানা। অড়াঃ রে দুড়ুপ কাতে দুনিয়ৗ রেয়াঃ যত লেকান খবরেম ঞামেদা সেম বাডায় দাড়েয়াঃ কানা। এডেঁখান মুসকিল দ অকারে। আরহঁ মোবাইল রেগে ঘুড়ি, দিন - তারিখ, জমি রেয়াঃ খতিয়ান হিসৗব-কিতৗব জোতোওয়াঃ ঞামঃআ।"
ঠিক ইনৗঃ খানগে ডেৎ কুড়ি আচ বাবায় হেচ এনা বাহরে খন, আদয় কুলি কেদা এনকাথায়, হপন বাবু দয় বেরেৎ আকানা সে বাং ? আদ ডেৎ কুড়ি দয় মেন গৎ কেদা , "হেঁ বা , নেঃএ নিত মাছা গে য়ে বেরেৎ আকানা। "
আদ আচ বাবায় মেন কেদা , " ইয়ৗ , তাহালে উসৗরা ডৗবরৗ কাতে সাপড়াঃ মেতায় মে , জম রেডি কাতে। আসলরে, বাবু মিৎ বার চাঁদো খন মেৎতে কমগেয় ঞে-ঞেল কানা, অনা খৗতিরগে কৗটিচ ডাকতার ঠেন ঞেল অচোয়িঞ ইদিয়ে লৗগিৎ ……।
.webp)
