নোওয়া উঢৗও আখড়ারে সেটেরকো তাঁহেকানা জেলা সভাধিপতি সুজয় বন্দোপাধ্যায়, রঘুনাথ বিধান সভারেন বিধায়ক পূর্নচন্দ্র বাউরী, পুরুলিয়া জেলা ভারত জাকাত যুওয়ৗন মহলরেন সভাপতি মানতান রাজেন টুডু, ঞুতুমান অনলিয়ৗ মানতান লক্ষীনারায়ন হাঁসদা এমান।
জেলা সভাধিপতি সুজয় বন্দোপাধ্যায় লৗই সদর কেদা তেলকুপি বারনি দ আদিবাসী কোওয়াঃ জাং বাহা বোহেল ঘাট কানা। অনাতে নোওয়া ঘাট বাঞ্চাও দহয় আর উৎনৗও লৗগিৎ সরকার পাহ্টা খন আডি আয়মা লেকাতে কৗমিহরা সাব আকানা। আরহঁ নঁডে পনৎ সরকার খন মিৎটাং ‘ইকোপার্ক’বেনাও রেনাঃ আর বিজলি বৗতি রেনাঃ বন্দেজ হাতাও আকানা। নতে পুরুলিয়া জেলা ভারত জাকাত যুওয়ৗন মহলরেন সভাপতি উঢৗও আখড়ারে লৗই সদর কেদা বাংমা বারনি ঘাট ঞুতুমতে ছিয়াত্তর লাখ টাকা হেচ্ লেনা অনারে আঠাশ লাখ লেকা কৗমি হোয় আকানা আর বাকি টাকা রেনাঃদ প্রশাসনিক আর ঠিকৗদার কোওয়াঃ গড়িমসিতে কৗমি বাং পুরৗও আকানা। মানতান টুডু গোমকে আরহঁয় লৗই সদর কেদা বাংমা আরহঁ এক কোটি লেকা টাকা বারনি ঘাট উৎনৗও লৗগিৎ মঞ্জুর আকানা। আরহঁয় লৗইতরা কেদা বাংমা ‘ইকোপার্ক’ রেনাঃ কৗমি হরা আডি গান গে লাহাও আকানা আর নঁতে বাউনডারি রেনাঃ হঁ কৗমিহরা চালাঃ, শেড রেনাঃ কৗমি হোয়োঃআ, আরহঁ ঘাট উৎনৗও রেনাঃ কামিহঁ হোয়োঃআ। মানতান টুডু গোমকে পনৎ সরকার ঠেন নওয়াগে নেঁহর এ দহওয়াকাদা বাংমা দারায় কান দিনরে যাতে নোওয়া অৗগিল হাপড়াম খন হেচ্ আগুওয়াকান নোওয়া মহতান ঘাট বাঞ্চাও তাঁহেনমা আরহঁ নাপায়ঃ মা। মানতান টুডু গোমকে মুচৗৎরে নোওয়াহঁয় লৗই তরা কেদা বাংমা তেঁহেঞ যাঁহা জায়গারে তিঁগুওয়াকান নোওয়াদ বঁগা তালা আকান বুধন কিস্কুওয়াঃ লাড়াওনাতেগে হোয় আকানা। উনিগে নোওয়া রেন মুড়ুৎ লৗউড়িয়ৗয় তাঁহেকানা।
.webp)
