আবওয়াঃ ওয়েব পেজ- ধৗরতি জাকাত নোওয়া কোভিড-১৯ রে স্কুল, কলেজ, বন্দ আকান রেহঁ সরকার দ সারাঘৗড়িচ্গে পৗঠুওয়ৗ কোওয়াঃ খঁজ তলাস এ হাতাও ইদিয়েদ গেয়া আর ওনকো সাঁওরেগে মেনায়া। অনালেকাতে মানতানিয়ৗ মুখিয়ৗ মন্ত্রী মমতা বন্দোপাধ্যায় দ পৗঠুওয়ৗ কো লৗগিৎ মিৎ হাহাড়াঃ সিদ্ধান্তয় হাতাও কেদা, অনাদ হোয়োঃ কানা- বাংমা দারায় কান সেরমা মাধ্যমিক আর উচ্চ মাধ্যমিক লৗগিৎ নিয়ৗবার টেস্ট বিনিড বাং হোয়োঃআ। হলা ১১ নভেম্বর, নবান্নরে পনৎ মন্ত্রীসভা রেনাঃ মিৎ দুপড়ুপ্ রে নোওয়া লৗইতে সীলমোহর পাড়াও এনা। তায়মতে নবান্ন সভা অড়াঃরে খবরিয়ৗ দুপড়ুপ্রে মুখিয়ৗ মন্ত্রী বাডায় অচোকেৎ কোওয়া বাংমা ২০২১ সাল রেনাঃ মাধ্যমিক আর উচ্চ মাধ্যমিক রে সানাম বিনিডিয়ৗগে বিনিড রেকো দুড়ুপ অচো আকোওয়া। ওনকোওয়া টেস্ট বিনিড নিয়ৗবার বাং এম হোয়োঃ তাকোওয়া। করোনা খৗতির গে পৗঠুওয়ৗ কো স্কুল বাংকো সেন দাড়েয়াঃ কানা। আর অনাতেগে মধ্যশিক্ষা পর্ষদ, উচ্চমাধ্যমিক সেচেদ সংসদ আর সেচেদ দপ্তর সানাম কতেগে নোওয়াকো ঠাড় গটা কেদা। নতে মাধ্যমিক আর উচ্চ মাধ্যমিক বিনিড অক্ত মাছা হোয়োঃ আ সে বাং অনা লৗইতে নিৎ চেৎ হঁ বাং গটা আকানা মেন্তেগে মুখিয়ৗ মন্ত্রীয় সদর আকাদা। করোনা পুরিস্থিতি অকাসেন চালাঃ কানা অনা ঞেলতেগে সানামা হাপেন গটাঃআ।
.webp)
