আবোওয়াঃ ওয়েব পেজ
: কোভিড-১৯ খাতির ধৗরতি জাকাত রেনাঃ নেয়াম নীতি সানামগে উলৗট পালাটঃ কানা। প্রকৃতি রেনাঃ
নেয়াম লেকাতেদ নিত অকয়হঁ বাংক সেন দাড়েয়াঃ কানা। সানাম গে করোনা ভাইরাস খৗতির বৗড়তি
কায়তে অড়াঃ করেগে দিন ক খেমাও এদা। মেনখান নোওয়া তালারেগে সমাজ সাঁওতা রেনাঃ আয়মা কৗমি
মেনাঃ আকাদা। অনা কদ অক্ত তাঁহেনতে উন রেগে কৗমি হুয়ুঃআ। সামাংরে দারায়কানা ৯ আগস্ট
জেগেৎ জাকাত আদিবাসী মাহা। তবে চেৎ নোওয়া মাহাদ নেশ বাং মানাওয়ঃআ। নোওয়া মাহা রেনাঃ
তেতেৎ দিশম হড় ঠেন বাং সেটেরঃআ? নংকান আয়মা কাথা রেনাঃ কুক্লি অনলিয়ৗ মহলরে মিৎ ছঁট
গুরলৗও গৎ এনা। আর অনাতেগে জেগেৎ জাকাত আদিবাসী মাহা রেনাঃ সাঁদেশ সানাম দিশম হড় ঠেন
সেটেরঃ মা, অনা রেনাঃ হামাল ভৗরিয়ৗ গঃ কাতেগে অল ইন্ডিয়া সান্তাল রাইটার্স অ্যাসোসিয়েশন্
(পছিম্ বাংলা চাঁগা) মিৎ ভারচুয়াল আখড়ায় সাপ্ড়াও কেদা।
বাডায় আকানা অনা
আখড়া অন লাইন তালাতে উছৗনঃআ দারায় কান ৯ আগস্ট,ঞিদৗ ৮ বাজা খন। আরহঁ বাডায় আকানা নোওয়া
আখড়ারে মাড়াং পেড়া লেকাতে সেটের তাঁহেনায় মানতান মদন মোহন সরেন (কনভেনর,সান্তালি এডভাইজারি
বোর্ড, সাহিত্য অ্যাকাডেমি, নিউ দিল্লী),নেঁওতা পেড়া লেকাতে তাঁহেনায় সুশান্ত সরেন
(হুল সাঁদেশ সাসাপাড়াওয়িজ্), অনড়হেঁ অড়হেঁয়াকিন অনড়হিঁয়ৗ সুচিত্রা সরেন আর মালতী হেম্ব্রম
আর সেরেঞ আঁড়তিরে তাঁহেন কানাকো গোপীনাথ টুডু, লাংতিতি কিস্কু, ডিগির সরেন লেকান ঞুতুমান
সেরেঞ বাডোহি কো।
আখড়ারে সভা গোমকে
লেকাতে তাঁহেনায় মানতান টি.সি. বাস্কে। নোওয়া আখড়া রেনাঃ সানাম লেকানাঃ ডগর গাঁওতা
রেন জেনারেল সেক্রেটারী মানতান দ্বিজপদ হাঁসদা আবোরেন খবরিয়ৗ ঠেন লৗই সদর কেদায়।
.webp)
