আবোওয়াঃ ওয়েব পেজ : উপ রাজ্যপাল পদ খন ইস্তফায় এম কেদা গিরিশ
চন্দ্র মুরমু। বাডায় আকানা হলা সৗগুন মাহা ঞিদৗ বেড়া তালমা সরকার ঠেন আয়াঃ ইস্তফা সাকাম
এ ভেজা আকাদা। তবে চেৎ দুক্তে সে চেৎ কাঁহিস্ তে নুনৗ উসুলান আর মৗনান মৗচি খন কটা
ছাডাওয়েনা, অনারেনাঃ অজেদ নিৎহঁ আওরি বাডায়ঃআ। আর মানতান মুরমু গোমকেয়াঃ মচা খনহঁ ইস্তফা
রেনাঃ অজেদ বাং বাডায় আকানা।
মেনখান খবর পাথাম
করে খন বাডায় ঞামঃ কানা বাংমা সংবিধান রেনাঃ ৩৭০ ধারা বাতিল সেরমা পুরৗও মাহা রেগে
মানতান মুরমু গোম্কেদ উপ রাজ্যপাল পদ খন ইস্তফায় এম কেদা। অনা বেগর আরহঁ বাডায়ঃ কানা
বাংমা নিৎ চালাঃ অক্তে নানাহুনৗর সাতাম ইদিকাতে উপ রাজ্যপাল গিরিশ চন্দ্র মুরমু সাঁও
তালমা সরকারাঃ কাথা বাং পান্তে কানা। ২০১৮ সাল খন জম্মু কাশ্মীর রেনাঃ ভোট ঞুর গিডি
মেনাঃআ। মানতান উপ রাজ্যপাল যাঁহা পান্থায় হাতাও লেদা অনাতে তালমা বায় কুশি লেনা। অনাবেগর
আরহঁ বাডায় আকানা বাংমা জম্মু কাশ্মীর ৪জি মোবাইল পুরিসেবা লৗইতেহঁ তালমা সরকার সাঁও
মত বাং মিৎ আকানা। তালমা সরকার নোওয়া লৗইতে বৗই বৗইতে তাড়াম কাথায় লৗই লেৎ রেহঁ জম্মু
কাশ্মীররেন উপ রাজ্যপালদ হাই স্পিড পুরিসেবা চালু রেনাঃ মত এ সদর লেদা।
তবে আরহঁ ভিৎরি
ডগর বাডায় আকানা দিশম রেন তায়ম দারাম কম্পট্রোলার অ্যান্ড অডিটর জেনারেল ( CAG) হোয়োঃ
দৗড়রে লাহারে মেনায়া জম্মু কাশ্মীর রেন উপ রাজ্যপাল গিরিশ চন্দ্র মুরমু। চেদাসে নোওয়া
চৗল্তি হাপ্তারেগে নিৎ রেন CAG রাজীব মহর্ষিয়াঃ
উমের ৬৫ সেরমা রে পাড়াঃ কান তায়া। অনালেকাতে অনা পদ দ তিস্হঁ খৗলি দহ বাং গানঃআ। অনারেনগে
নিৎ উত্তরসুরিক পাঁজায়েৎ কোওয়া। আর রাজআরি মহল রে নিৎ অনা কাথাগে গুরলাঃ কানা বাংমা
আরহঁ মারাং পদ এ ঞাম দাড়েয়াঃআ নিৎ সইদ ইস্তফা এম আকাৎ উপ রাজ্যপাল।
তবে জম্মু কাশ্মীর
রেন উপ রাজ্যপাল গিরিশ চন্দ্র মুরমুওয়াঃ ইস্তফা ঞেলতে আয়মা আদিবাসী হড় হপন গে দুক্
ক আয়কাও আকাদা মেন্তে বাডায় ঞাম আকানা। ২০১৯ সাল রেনাঃ ৩১ অক্টোবর, গিরিশ চন্দ্র মুরমু
জম্মু কাশ্মীররেন উপ রাজ্যপাল লেকাতে মৗন মৗচিরে দুড়ুপ্ লেন ইনৗ হিলঃ যাঁহা রৗস্কৗ
হড় হপন তালারে ঞেল লেনা, নিত অনা আডি গানগে মলিন আকান গে ঞেল এনা। তবে নোওয়া লৗইতে
হড় হপন তালারেহঁ নিৎ সুগুম সুগুম গালচ্ দ হাঁডে নাঁডে আঁজমঃ কান গেয়া।
বাডায় আকানা গিরিশ
চন্দ্র মুরমুওয়াঃ বাদালতে নিৎ জম্মু কাশ্মীর রেন উপ রাজ্যপাল লেকাতে মনোজ সিনহা তালমা
সরকার পাহ্টা খন ক বাছনাও আকাদেয়া। মিৎ অক্তে মনোজ সিনহাদ মারেনিচ্ তালমা মন্ত্রীয়
তাঁহেকানা।তবে নিৎ মুচৗৎ ধৗবিচ্ রেনাঃ ডগররে বাডায় ঞাম এনা বাংমা গিরিশ চন্দ্র মুরমু CAG পদরে বাহাল লৗগিদ্ চালাঃ কানায় তালমা সরকার।
.webp)
