কোভিড-১৯ টেকাও দারাম রে ভিটামিন আর খনিজ পদার্থ ক
 |
| -ডাঃ সুরেন্দ্রনাথ মান্ডি |
পুরিবেশ রে তাঁহেন
আয়মা লেকান তাঁড়গমান জিউয়িয়ৗন (ব্যাক্টেরিয়া ভাইরাস ফানগি, প্যারাসাইট) কোওয়াঃ তাঁড়গমখন
রিহৗই ঞাম রেনাঃ এ সহদা মৗনমি হড়ম’রে ‘আজার টেকাও-দারাম দাড়ে’ বেবস্থা। মেনখান নোওয়া
দ টেঁহাড় মেনাঃআ উনি মৗনমিয়ৗ বংশগতি, উমের, জানাং নেশা বেওহার, হড়ম-ভাঁজাও (ব্যায়াম)
রেয়াঃ হেওয়া, মনেরেনাঃ বৗড়িচ্ হিনৗনিয়ৗ আবস্থা
(রৗগি, কাঁহিস, তৗপিস, দুক্, হেমেড়মেয়ঃ হুলাসভাঁগা এমান এমান)- রে তাঁহেন,আজারতে তাঁড়্গম অচরেনাঃ
নাগাম, আজার টেকাও দারাম (প্রতিষেধক টিকা হাতাও) রেনাঃ নাগাম এমান এমান চেতান। নোওয়াক
মুদ্রে ঝতম খন হামালানাঃ সে লৗগ্তিয়ানা দ কানা দিনৗম হিলোঃ লৗগতিয়ান জম-ঞু রেয়াঃ
হেওয়া।
মিৎটান কাথা চল্
মেনাঃ আ – ‘ইঞদ উনিগে, অনকাগে, জাঁহা ইঞিঞ জম্’। একেন হামাল সে ওজন সুমুং দ বাং, মায়াম
রে শর্করা (কার্বোহাইড্রেট/সুগার) রেনাঃ পুরিমান আর এটাঃ বিপাকীয় সাতাম, আবো জাঁহা
কবোন জম-ঞুয়েদা,অনা চেতান হড়ম-সাঁওয়ার দ টেঁহাড় আ। মোটামিটি মিৎ হড়াঃ দিনৗম হিলোঃ জমাঃ-ঞুওয়াঃরে তাঁহেন মা কার্বোহাইড্রেট, প্রোটিন,ফ্যাট
আর এটাঃ ভিটামিন্স্- মিনারেলস্ দ শায়কাড়া অতম-তায়ম ৫০:২৫:১৫:১০ হিঁস্ লেকা।
মৗনমি হড়ম’রে
আজার টেকাও-দারাম দাড়ে-য় সারভারা ‘শ্বেত রক্তকণিকা’। নোওয়া ‘শ্বেত রক্তকণিকা’ কদ মৗনমি
হড়ম’রে সেনা-ফাদ্ লেকা। অনা কদ সারাঘাড়িগে আজার বিরুদ্রে লৗড়হৗই লৗগিৎ সাপ্ড়াও তাঁহেনা
আর নোকো সেনা-ফৗদ দ চেৎ রেঁগেচ্ লাচ্ তেকো লৗড়হৗই দাড়েয়াঃআ ? অনাতে আবোওয়াঃ সুঠিক
জমাঃ ঞুওয়াঃ জম-ঞু তেগে ওনকো ‘শ্বেত রক্তকণিকা’ সেনা-ফৗদ কদ আকোওয়াঃ কৗমিক কৗমি দাড়েয়াঃআ।
আজার টেকাও-দারাম
বেবস্থা জতন হাতাও রেনাঃ ঝতম খন লৗগ্তিয়ান সানাফানা দ হোয়োঃ কানা প্রোটিন। অনাবেগর
এটাঃ পুষ্টিয়ানা জমা-ঞুওয়াঃ জাঁহাকদ আজার টেকাও দারাম লৗগিৎ একাল তে লৗগ্তিয়ানা
বিশেষ কায়তে শ্বাসতন্ত্র রেনাঃ তাঁড়গম টেকাও দারাম রে, অনাদ ভিটামিন ‘সি’ আনাঃ জমাঃঞুওয়াঃ
জেলেকা – সানাম লেকান জ-বিলি বিশেষ কায়তে আমলকি,সানাম লেকান লিবু,আনারস,আঁজির এমান
এমান জ-রে ঞামঃ আ। সানাম লেকান রোগ আজার টেকাও দারাম দাড়ে বেবস্থা জাতে নাপায় লেকায়
কৗমি দাড়েয়াঃ, অনকানা জমাঃ কদ হোয়োঃ কানা-ভিটামিন ‘এ’,ফলিক অ্যাসিড, ভিটামিন ‘বি6’,
ভিটামিন বি12’, ভিটামিন ‘ডি’, ভিটামিন
‘ই’ আর জিংক, তাঁবা, মেড়হেৎ, সেলেনিয়াম এমান খনিজ পদার্থ ক মেনাঃ আকাৎ জমাঃ ঞুওয়াঃ।
সানাম লেকান ভিটামিন্স্ আর খনিজ পদার্থ কগে জমাঃ মাধ্যমতে আবোওয়াঃ হড়ম’রে বলনা; মেনখান
ভিটামিন ‘ডি’ দ মিৎ বার জমাঃ রেগে ঞামঃ আ,জৗস্তি ঞামঃ আ বেড়া তারাস খন। অনাতে সেতাঃ
১০টা খন তারাসিঞ ৩টা হৗবিচ্ মুধরে দিনৗম হিলোঃ ১৫-২০ মিনিট গান সিতোংরে তাঁহেন, বাংখান
জাঁহান কৗমি কৗমিয় হোয়ঃআ। নংকা কাতেগে আবোওয়াঃ হড়ম’রে ভিটামিন ‘ডি’ সাঁঞ্চআওয়ঃআ। নোওয়া
করেনাঃ জাঁহানাঃ মিৎটান রেনাঃ অকুলিয়ৗন হোয়লেনখান গে সানাম লেকান রোগ-আজার টেকাও দারাম
দাড়ে রাপুদ্ দাড়েয়াঃআ। অনাতে নোওয়াক জমাঃ ঞুওয়াঃ জৗস্তি কায়তে জম ঞু হোয়োঃআ।
হুডিঞ লেকাতে
মেন লেখান মেন গানঃআ- দিনৗম হিলোঃ সানাম লেকান
দাল, দাঃরে লহৎ আংকুরানা ছলা, আড়াঃ সাকাম, জ-বিলি,আদা-রাসুন-পেঁইয়াজ-গোলমারিচ্, উতুরে
বেওহার সানাম লেকান মসলাপৗতি আর এটাঃ সুষম জমাঃ ঞুওয়াঃ জম-ঞুতে আবোওয়াঃ হড়ম’রে রোগ
আজার টেকাও দারাম দাড়ে দ বাড়হা গেয়া। দাকা-দামৗডি, খৗজৗড়ি-তাবেন, রুটি-পরোটা সাঁও সাঁওতে
আড়াছাড়া জম দাড়েয়াঃ খান জিল,হাকো, বেলে,তওয়া খজ্ বেনাওয়াঃ জমাঃ-ঞুওয়াঃ, উৎ-পুটকা জম
হঁ বাড়িচ্ দ বাং হোয়োঃ আ। আর হেঁ, দিনৗম হিলোঃ উরগুম-লল দাঃ কম সে কম ২ লিটার ঞুয়
হোয়োঃআ।
.webp)
