আবোওয়াঃ ওয়েব পেজ :
সান্তাড়ি মিডিয়ামতে এইচ্.এস. পাশ আকাৎ পৗঠুওয়ৗ কোওয়াঃ কলেজরে ভরতি আনাট রেনাঃ কাথা
দিশৗ কাতেৎ পে-পে গটাং জিলৗরে ডি.এম. ঘেরাও আর ডাহার জাগেদারাম রেনাঃ হুঁশিয়ৗরি এম
কেদায় ভারত জাকাত মাঝি পারগানা মহল।
বাডায় আকানা মেদিনীপুর,ঝাড়গ্রাম
আর বাঁকুড়া জিলৗ খন নিয়ৗবার এইচ্.এস.রে সান্তাড়ি মিডিয়ামতে ১৪৩ গটাং পৗঠুওয়ৗকো পাশ
আকাদা। মেনখান অনাক জিলৗরে অকারেগে সান্তাড়ি মিডিয়াম কলেজ বাংতে ভরতি রেনাঃ অৗডি মারাং
আনাট তিঁগুওয়াকানা মেন্তে বাডায়ঃ কানা। দারায় কান আগস্ট রেনাঃ ১০ হিৎ হিলঃ খন সানাম
পৗঠুওয়ৗ লৗগিৎ সানাম কলেজরে ভরতি রেনাঃ কৗমি হরা এহবঃ কানা। মেনখান সান্তাড়ি মিডিয়ামতে
১৪৩ গটাং পাশ আকাৎ পৗঠুওয়ৗকদ অকা কলেজ রেক ভরতি আ ? নোওয়া নিৎ অৗডি মারাং আনাট সিরজৗও
আকানা সান্তাড়ি মিডিয়ামতে পাস আকাৎ পৗঠুওয়ৗ কঠেন।
নতে পেনে জিলৗরে
মেনাঃ আকাৎ ভারত জাকাত মাঝি পারগানা মহল পাহ্টা খন বাডায়ঃ কানা মেদিনীপুর,ঝাড়গ্রাম
আর বাঁকুড়া রেন জিলৗ শাসনিয়ৗ সাঁওতে পছিম্ বাংলারেন প্রশাসনিয়ৗ কৗমিয়ৗক আর সেচেৎ হৗটিঞরে
মাড়াং খনগে বাডায় অচ কাতেৎ রেহঁ তেহেঞ ধৗবিচ্ উনকু সান্তাড়ি মিডিয়ামতে পাশ আকাৎ পৗঠুওয়ৗক
লৗগিৎ অকা কলেজ হঁ বাং লৗই সদর লেনা। মহলাঃ দাবি সরকার ঠেন কিছু কলেজ রেনাঃ ঞুতুম ভেজা
লেন রেহঁ অনারেনা চেৎ তেলাহঁ বাং ঞাম লেনা।
দারায় কান ১০
আগস্ট খন কলেজরে এটাঃ মিডিয়াম রেন পৗঠুওয়ৗক অন লাইনতে ভরতি আকো আর অনা জায়গারে সান্তাড়ি
মিডিয়ামতে পাশ আকাৎ পৗঠুওয়ৗকদ তিঁগু তাঁহেনা সে সাহারেক তাঁহেনা- নোওয়াদ আদিবাসী সান্তাড়
সমাজ তিসহঁ বাকো মানাও দাড়েয়াঃআ আর ভারত জাকাত মাঝি পারগানা মহল হঁ বায় মানাও কেয়া
মেন্তে অৗডি আঁট এ রড় আকাদা।
অনাতে দারায়কান
৯ আগস্ট ধৗবিচতে মেদিনীপুর,ঝাড়গ্রাম আর বাঁকুড়া জিলৗ করে সান্তাড়ি মিডিয়াম কলেজ ঞুতুম
বাং উছৗন লেনখান দারায় কান ১০ আগস্ট খন পেনে জিলৗরেগে মিৎ লেতাড়গে ডি.এম. ঘেরাও আর
ডাহার জাগেদারাম কৗমি হরা তঁগে তাঁহেনা যাঁহা তিনাঃ দিন বাং অলবেল লেকাতে সরকারি অনুমোদন
ঞাপাম কান। নংকান হুঁশিয়ৗরি কাথাগে পেনে জিলৗরেন ভারত জাকাত মাঝি পারগানা মহল পাহ্টা
খন বাডায় ঞাম আকানা।
.webp)
