আবোওয়াঃ ওয়েব পেজ,৪ আগস্ট- মেদিনীপুর জিলৗ রেনাঃ কেরানিচটি ঠেন মেনাঃ আকাদ্ বিরৗদালি সিধু-কানু মুঠৗন চারোধার তাঁহেলেন কিছু রাজঅৗরি রেনাঃ পতাকাক অচঃ কেদা মেদিনীপুর সদর বিডিও আর কোতোয়ালী থানা প্রশাসনিয়ৗ।
বাডায় আকানা পারমেন ২৮ জুলাই মেদিনীপুর কেরানিচটিরে মেনাঃ আকাদ্ ভারত দিশম ফুরগৗল লৗড়হৗই রেন বিরৗদালি সিধু-কানু মঠৗন বেনাও আকান খৗতির উনকিন সম্মান এম হোয় আকানা। মেনখান উনকিনৗ চারোধার বেশ কিছু রাজঅৗরি রেনাঃ পতাকা ঞেল্তে শিবুলাল মুরমু মেন্তে মিৎ সমাজ সচেতনিয়ৗ শোস্যাল মিডিয়ারে পোস্ট তালাতে প্রশাসনিয়ৗহাঃ নজররে আগু লেদায়। নোওয়াক রাজঅৗরি রেনাঃ পতাকা ঞেল কাতে মানতান মুরমুওয়াঃ মনে হোয় লেন তায়া যে নোওয়াক পতাকাকতে সিধু-কানু মুঠৗন এসেদঃ কানা আর উনকিন হঁ অসম্মান এম হোয়োঃ কানা।
অনামোতাবেক লেকাতে পারমেন ৩০ জুলাই বাং হৗটিঞ মেদিনীপুর জেলা ভারত জাকাত মাঝি পারগানা মহল পাহ্টা খন মেদিনীপুর সদর বিডিও আর কোতোয়ালী থানা প্রশাসনিয়াঃ ঠেন অলবেল তালাতেকো বাডায় অচ লেৎ কিনৗ। অনাগে তেহেঞ ৪ আগস্ট বিরৗদালি সিধু-কানু মুঠৗন চারোধার তাঁহেলেন কিছু রাজঅৗরি রেনাঃ পতাকাক অঁডেখনক অচঃ কেদা মেদিনীপুর সদর বিডিও আর কোতোয়ালী থানা রেন প্রশাসনিয়াঃ ।
প্রশাসনিয়ৗ আলেয়াঃ কাথা কিন দহ আকাদা মেন্তে মাঝি পারগানা মহল দাবিই আকাদায় আর মেদিনীপুর সদর বিডিও আর কোতোয়ালী থানারেন প্রশাসনিয়াঃ, বাং হৗটিঞ মেদিনীপুর জেলা ভারত জাকাত মাঝি পারগানা মহল পাহ্টা খন অৗডি অৗডি সারহাও ক চাল আকাৎ কিনৗ মেন্তেহঁ বাডায় আকানা।
.webp)
