আবোওয়াঃ ওয়েব পেজ : হলা ৩ জুলাই দারে-নৗড়ি দুলৗড়ি আর পদ্মশ্রী হামেটিয়ৗ যমুনা টুডুদ অৗডি মানত, সালাঃ আচ্রেন কমিটি রেন গাতেক আতে গোমহা পরবে মানাও কেদা। মৗনিজ্ টুডু আবোরেন খবরিয়ৗয় বাডায় অচ আকাদেয়া বাংমা নেশদ কোভিড-১৯ খৗতির যাও সেরমা লেকাদ সাপ্ড়াও কাতেদ্ বাংক মানাও দাড়েয়াদা।
বাডায় আকানা মৗনিজ্ টুডুদ ১৯৯৯ সাল খন গে বির-বুরু আর দারেক বাঞ্চাও দহয় লৗগিৎ মিৎ লেতাড় গে কৗমি আগুয় এদায়। আর অনা লেকাতে বির-বুরু রেন দারেক সালাঃ দাদা সে বয়হা লেকা সৗগৗই তপল আকান তায়া। আর অনাক উইহৗর তেগে যাও সেরমাগে নোওয়া গোমহা পরবরে অৗডি জাঁক জমক আতে বির-বুরু রেনাঃ দারে করে “বন প্রবন্ধন এবং সংরক্ষন মহা সমিতি” পাহ্টা খন রাখিক তল আকোওয়া। উনিয়াঃ মচা খনগে আঁজমেনা বাংমা দাড়ে-নৗড়ি কদ মৗনমি সানামাঃক চাল আকো কানা। অনা হিসৗবতে দারে-নৗড়ি কদ মৗনমি অনকালেকা চেৎহঁ বাংক এম দাড়েয়া কোওয়া। অনা লেকাতে সেরমারে মিৎ দিন নোওয়া সমিতি পাহ্টা খন দারেক আপনার লেকাতে সেবা রেনাঃগে কৗমি হরায় সাব্ আকাদা। অনাবেগর আরহঁ মৗনিজ্ টুডুয় লৗই তরা কেদা মাড়াং মৗনমি জুমিদ লৗগ্তি কানা। মৗনমি জুমিদ তাঁহেলেন খানগে বির-বুরু রেনাঃ দারে-নৗড়িক বাঞ্চাও তাঁহেনা। বির-বুরুহঁ তাঁহেনা। আর বির-বুরু তাঁহেলেন খানগে মৗনমি হঁ নাপায় তেক বাঞ্চাও তাঁহে দাড়েয়াঃআ। মৗনিজ্ টুডু নোওয়া মাহারে সানামকঠেন দারে রহয় আর দারে দুলৗড় কাতে যতন হারায় রেনাঃ আরদাশ এ দহওয়াকাদা।
 |
| যমুনা টুডু সাঁওতে সমিতি রেন রৗসিয়ৗকো |
বাডায় আকানা নোওয়া গোমহা পরবদ উড়িষ্যা আর ঝাড়খন্ড করেন আদিবাসীক সাঁওতে হড় হপন কহঁ অৗডি রৗস্কৗ সালাঃক মানাওয়া। আর আর পরব লেকাগে নোওয়ারেহঁ অড়াঃ অড়াঃ পিঠৗ-লাঠা কাতেৎক জম-ঞুয়ৗ মেন্তেহঁ বাডায় আকানা। ঝাড়খন্ড রেন মানতান মুখিয়ৗ মন্ত্রী হেমন্ত সরেন হঁ নোওয়া গোমহা পরবদ অৗডি মানত্ সালাঃ এ মানাও আকাদা মেন্তে ডগররে বাডায় ঞাম আকানা।
.webp)
