(হুডিঞ কৗহনি)
জজম বঙ্গা
 |
সূর্যদেব মুরমু
মিৎ দিন সিঙ্গাড় বেড়া, গড়ম বুঢি গড়ম তেদ কড়ায় মেতায় কানা - এ বাবু উনাঃ ঞিদৗ ঞুতৗ দ একলা আলম দাঁড়ানা, হই সে...? গড়ম বুঢি চেদাঃ নংকান মানা কাথায় রড় এদা? সিরজন বাড়ায় সানা কেদেয়া। আদ গড়ম বুঢি এ মেন কেদা - বাড়ায়াম সে গড়ম ! অনা কুলহি মুচৗৎ দ-বৗটি রে মেনাঃ বাড়ে দারে রে , মিৎ জজম বঙ্গায় তাঁহেনা। সিরজন - চেদ চং এম মেন গড়ম? ইঞত রোজ অনাতেঞ হিজুঃ সেনঃ কানা। উকুর অনকা ত চিলি হঁ বৗঞ ঞাম বাড়া আকাদ কওয়া? গড়ম বুঢি - হেঁ বাবু , সৗরি কান গেয়া। উনি বঙ্গা দ হানা নাওয়া ছিন তেয় অডকঃ আ। অনাতে ঞিদৗ একা- দুকা অকয় হঁ বাংক চালাঃ আ।
হানে তিস কাথায় , মাঝি করেন গুতি কড়া ডাংরি পাঁজা সেন লেন রে , বঙ্গায় জাপাড় আদে তাঁহেন তে ; আৗডি আৗঁট গেয় রুওয়ৗ লেন তাঁহেনা। আদ সিরজন নংকায় আঁজম কেদ খান , হড়ম দ কৗটিচ শিহরৗও ঞঃ এন তায়া। এন রেঁহ মনেরে দিল কাতেঃ এ মেন কেদা- ছাড় সে অকারে চং চিলি? ইঞ দ অনকান ভূত- প্রেত কদ বৗঞ পৗতিয়াও আকওয়া।
দিনৗম গে সিঙ্গাড় বেড়া অক্ত , সিরজন দ আচ্ গড়ম বুঢি সাঁওতে মিৎ পারকম রে পান্তে কাতেৎ ; কুদুম-
কৗহনি ক কিন থুতি গালমারাও- আ। ইনৗ তায়ম অলঃ এ দুড়ুবঃ-আ। সিরজন হুডিঞ উমের খন হোস্টেল রে তাঁহে কাতে হারা-বুরু আকান রেহঁ , আপনার সাঁওতা আৗরিচালি দ বাং এ হিড়িঞ আকাদা। দিশম রে নিতঃ বতর আনাঃ করোনা আজার ছড়িয়াও আকানতে , ভারত সরকার লকডাউন এ জৗরি আকাদা। স্কুল ,কলেজ বন্ধ মেনাঃ তে , অড়াঃ রেগেয় তাঁহেন কানা। দিনৗম হিলঃ গে সেতাঃ পোন বাজা বেরেত্ তরা গডা এ সেনঃ আ। ব্যায়াম বাড়া কাতেঃ , তুরুই বাজাঃ তে দ অড়াঃ এ রুওয়ৗড় হিজুঃ আ। আদ খান অনকা গে মিৎ দিন সিঙ্গাড় অক্ত রেনাঃ কাথা। সিরজন দ , টৗঁডি তেয় সেন লেনা। রুওয়ৗড়ঃ তে কাটিচ এ বিলম গত লেন তাঁহে কানা।
এনে গে বেড়া হঁয় দানাং গত আকানা ; সুর-সুপুর করে তেদ আৗপছা - আৗপছা মালুমঃ কানা। একলা গেয় তাড়াম আকাদা , আচকৗ গে আচ সামাং তে , বাং দয় পুষি কান ; বাং দ তুয়ু , ঠৗওকৗ সাঁহিচ দ বাং এ মালুম লেনা। ঞেল কেদেয়ায় , অনা সা খন - নওয়া সা তেয় পারম এনা। নংকা ঞেল ছট , সিরজন আর হঁ আৗটু-পৗটু তাড়াম এ এহব কেদা। কুলহি মুচৗৎ দ- বৗটি দয় পারম পারমঃ কানা। ঠিক আকান অক্ত রে , আচকৗ গে ; আচ খন কৗটিচ সাহা ঞঃ রে - অকয়ে গৗয়ুচ এদ লেকা গে মেৎ রে ঝৗলকৗও আদেয়া। ঞেল সাঁওতেয় তিঙ্গু গত এনা। আচকৗ গে গড়ম বুঢি আঃ কাথা লুতুর রে তারক গত আদেয়া। মনে-মনে তেয় মেন কেদা- তাহলে কি গড়ম বুঢিদ সৗরি গে.....বাং বাং , অনা কদ আৗঁধা পৗতিয়ৗও কানা। হাপেঞ ঞেলে লেগে অকয় কানায়? কৗটিচ বতরঞঃ আড়াংতে- অকয়...? অকয় কানা পে অঁডে দ? হ-হ সাঁও- সাঁওতে সুর রেনাঃ ঝুড় রে রস-পস সাডে গত এনা। দ- বৗটি রে মেনাঃ বাড়ে দারে রেন ককর ক হঁ রারাঃ ক এহব এনা। হড়ম চুমুল এন তায়া , এন হঁ মনে কেটেচ কাতেঃ এ লাহা ইদি এনা। কিছু গান লাহা কাতেঃ , তিঙ্গু এনায় ; এন হঁ বাং এ মালুমঃ কানা। কড়াম ধাক-ধাকঃ কান তায়া , যত সেন বেঁগেৎ আচুর কাতেঃ ; আর হঁ বৗই- বৗইতে লাহা ইদি এনায়। সেন সুর-সুর এনায় , নিতঃ দ মালুমঃ কানা। ঞেল দয় অঁডে দ অকয় হঁ বানুঃ কওয়া। সুর কাতেয় ঞেল দ , অঁডে গে মিৎ টাং লিকিত্-লিকিত্ বালে ভেন্ডরা পহা দারে দ ; সান বঙ্গা রেনাঃ হুলুয়- হুলুয় হয় তে আচ কুশি লেওের- কদর গৗয়ুচ, আতে এ হিলৗ জং কানা।।
.webp)
