আবোওয়াঃ ওয়েব পেজ : সান্তাড়ি আয়ো আড়াংতে অলঃ পাড়হাওরেনাঃ দাও ঞাম এনা বাঁকুড়া বিশ্ববিদ্যালয়রে। বাডায় আকানা
বাঁকুড়া বিশ্ববিদ্যালয় রে জানাম তরা খন গে সান্তাড়ি সাতাম লৗইতে পিজি,ইউজি কোর্সরে
পাড়হাও চৗলু তাঁহে কান গেয়া। মেনখান নিয়ৗবার গে পোয়লো বাঁকুড়া বিশ্ববিদ্যালয় সান্তাড়ি
পৗরসি মেনেৎ সান্তাড়ি আয়ো আড়াংতে আন্ডার গ্র্যাজুয়েট পৗঠুওয়াকোওয়াঃ অলঃপাড়হাও রেনাঃ
অনুমোদন এ ঞাম কেদা। আর নোওয়া চৗলতি ২০২০-২১ সেচেৎ সেরমা খন গে সান্তাড়ি মিডিয়ামতে
আন্ডার গ্র্যাজুয়েট পৗঠুওয়ৗকো মেনেৎ নেশ ২০২০ সালরে যাঁহায়কো এইচ্.এস.ক পাশ কেদা ওনকো
নোওয়া বিশ্ববিদ্যালয় রেগে সায়েন্স আর আর্টস বানার হৗটিঞ তেক ভরতি দাড়েয়াঃআ আর কো পাড়হাও
দাড়েয়াঃ মেন্তে বাডায় ঞাম আকানা। অনালেকাতে আরহঁ ডগর ঞাম আকানা বাংমা নোওয়া ইদিকাতে
বিশ্ববিদ্যালয় রেহঁ অৗডি তোড়জোড় এহব গৎ আকানা। অৗডি লগন গে অনলাইনতে ভরতি রেনাঃ ফর্ম
উডুকঃআ মেন্তেহঁ বাডায় ঞাম আকানা। নিয়ৗবার পোয়লো সেরমা লৗগিৎ সান্তাড়ি মিডিয়ামতে গণিত,পদার্থবিদ্যা,রসায়নবিদ্যা,
দর্শন আর ভূগোল অনার্স এমান সাতাম লৗইতে পাড়হাও হোয়োঃআ মেন্তে বাডায় আকানা।
 |
| আয়ো আড়াংতে অলঃ পাড়হাও লাগিৎ ভিসি সাঁও মিদুন অক্তে |
নোওয়া ডগর ঞাম সাঁও সাঁওতে সান্তাড়ি মিডিয়ামতে পাড়হা
কান তাঁহেকান পৗঠুওয়ৗক তালারে অৗডি রৗস্কৗরেনাঃ চিতৗর ঞেল্ ঞাম এনা। আর অনা রৗস্কৗরেনাঃ
চিতৗর দ পৗঠুওয়ৗকরেন গ-বাবা সাঁওতে শিখ্নৗৎ আর সাঁওহেৎ দরদিয়ৗ কঠেনহঁ ঞেল এনা মেন্তে
বাডায় আকানা। মিৎ বার হড়াঃ মচারেদ নংকাহঁ আঁজমঃ কানা- বাংমা অৗওরি রিমিল তেগে দাঃ দ
জৗড়িয়েনা।
নিয়ৗবার ২০২০
সালরে সান্তাড়ি মিডিয়ামতে এইচ্.এস.ক পাশ কেৎ পৗঠুওয়ৗ কোওয়াঃ কলেজ রে ভরতি রেনাঃ যাঁহা
আনাট ঞেলঃ গঃ কান তাঁহেকানা অনা অৗডিগান গে সলহেয়েনা মেন্তে আয়মা শিখ্নৗৎ দরদিয়ৗ
পাহ্টা সেন খন গে বাডায় ঞাম আকানা। নোওয়াহঁ বাডায়ঃ কানা বাংমা বাঁকুড়া বিশ্ববিদ্যালয়
রে সান্তাড়ি আয়ো আড়াংতে অলঃ পাড়হাওরেনাঃ যাঁহা পুরিকাঠামো তেয়ার এনা অনা লেকাতে ঞেলঃগঃ
কানা যে মিৎটাং পৗঠুওয়ৗ সান্তাড়ি মিডিয়ামতে আন্ডার গ্র্যাজুয়েট রে ভরতি লেনখান অনাতায়ম
অনা বিশ্ববিদ্যালয় খন গে পিএইচ্ডি,এম.ফিল. আর খঁদ্রঁদ্ রেনাঃ দাও হঁয় ঞাম দাড়েয়াঃ।
হাপেন দিন নোওয়া বিশ্ববিদ্যালয় খন সান্তাড়ি অলঃপাড়াহাও রে সান্তাড় সাঁওতারে অৗডি মারাং
শিখ্নৗৎ মার্শাল রেনাঃ আহলা ঞেলঃ গঃ কানা মেন্তে সাঁওতা রেন বুরধিজীবি হঁ আঁশ ক দহ
আকাদা মেন্তে গে বাডায় ঞাম আকানা।
.webp)
