আবোওয়াঃ ওয়েব পেজ্- পুরুলিয়া জিলৗ মানবাজার ২ নং ব্লক রে মেনাঃ বুরুডি মোড় রে
হলা ১৫ আগস্ট, দিশম ফুরগৗল মাহারে সান্তাড় হুল রেন বিরৗদৗলি সিধু-কানু তিকিনাঃ মুঠৗন
উঢৗওয়েনা। নোওয়াদ তামাম আদিবাসী সান্তাড় হড়-হপন ঠেন দ আডি রৗস্কৗ আর গরব রেনাঃ গে কাথা।
মেনখান বাডায় আকানা অনা এলাকা সে টঠারেন আয়মা হড় গে নোওয়া ডগর বাডায় বাংতে অনকা লেকা
হড় বাংক হোয় লেনা। অনা এলাকা সে টঠারেন আয়মা অনলিয়ৗ,মাচেৎ, সোর-সোপোর মাঝি বাবা, পারগানা
বাবা তাকো মেনাঃ আকাদ্ ক রেহঁ নংকান মহতান আখড়ারে সেটের তাঁহেন বাংক ঞেল লেনা মেন্তেগে
বাডায় ঞাম আকানা। আরহঁ বাডায় আকানা বাংমা মিৎ রাজঅৗরি দলরেন হড় আতেগে নুন মারাং সৗগুনান
কৗমি হরাক পারম কেৎতে এলাকারেন আয়মা দরদিয়ৗ হড়গে মনে দুক্ ক সদর আকাদা মেন্তেহঁ বাডায়
আকানা। তবে যাঁহা জায়গারে সিধু-কানু মুঠৗন বৗইসাওয়েনা (যাঁহারেদ ঞুতুমান দুল দুল বোরো
পাতা হোয়োঃ, নেবেতারদ অনাগে পালু টুডু পাতা হঁক মেতাঃ কান, যাঁহারে মিৎ সেন মানবাজার
চালাঃ হর, আর মিৎ সেন বান্দোয়ান চালাঃ হর, আরহঁ মিৎ সেন জামতোড়িয়া চালাঃ হর মেশা আকানা)
নোওয়ারেদ অকয়াঃহঁ নিৎ ধৗবিচ্ বার মত্ দ বাং আঁজম আকানা। বাডায় আকানা বাংমা বুরুডিরে
নোওয়া সিধু-কানু মুঠৗন বেনাওয়েন, নোওয়াদ পুরুলিয়া জেলা পরিষদ আঃ গড়তেগে হোয় আকানা।
আরহঁ আঁজমঃ কানা
বাংমা নঁডে ভগ্নাডি খন সিধু-কানু তেকোওয়াঃ অড়াঃ ছাট্কা রেনাঃ হাসা আগুলেনা সাঁওতে
নোওয়া সোর-সোপোর বোরো,বান্দোয়ান,বরাবাজার আর মানবাজার করে আদিবাসী সান্তাড় কোওয়াঃ
আপান-আপিন আতো রেয়াঃ সে মাঝি কঠেন আতো রেয়াঃ মিমিৎ চুপুৎ কাতে হাসা হঁ কয় হোয় লেনা
মেন্তে বাডায় আকানা। তবে তিনাঃ গান ক আগু লেদা অনাদ বাং বাডায় আকানা। মাড়াং সেন নোওয়া
ইদিকাতেৎ আতো আতো জাহের থান করেনাঃ হাসা কয় রেনাঃ কাথা রাকাপ্ লেনরে আবোরেন খবরিয়ৗ
ঠেন পুরুলিয়া জেলা ভারত জাকাত মাঝি পারগানা মহল রেন জেলা পারগানা মানতান রতন লাল হাঁসদা
গম্কে রড় দারাম লেদায়- বাংমা সিধু-কানু তৗকিন হঁ জাহের আয়ো ঠেন কিন নেঁহর জোহার লেনা,
আর যাঁহা জাহের থান রে জাহের আয়োয় তাঁহেনা, অঁডেনা হাসা চেৎ লেকারে সিধু-কানু তিকিনাঃ
জাঁগা লাতাররে তাঁহেনা ?
নতে নোওয়া সিধু-কানু
মুঠৗন উঢৗওয়েন ইদিকাতে বিরোধী দল কদ অভিযোগ ক রাকাপ্ আকাদা বাংমা শাসনিয়ৗ দল আঃ জাঁগারেনাঃ
হাসা বৗই বৗইতে চাবাঃ কানা মেন্তে সিধু-কানু সামাং কাতে আদিবাসী সান্তাড়াঃ ‘সেন্টিমেন্টাল’,
কৗমিরেক লাগাও এদা। তবে নোওয়া এলাকারে সিধু-কানু মুঠৗন থাপন এন খৗতির আয়মা হড়গে গরব
ক আটকার আকাদা মেন্তে বাডায় আকানা।
.webp)
