আবোওয়াঃ ওয়েব পেজ্- ভারত জাকাত মাঝি পারগানা মহল ঞুতুম তে
তেহেঞ ১৪ আগস্ট হিৎ হিলঃ বাঁকুড়া রেনাঃ ‘মুরুৎ বাহা ইকো পার্ক’ রে যাঁহা মিদুন সাপ্ড়াও
লেন তাঁহে অনাদ বাং সৗখি সভা লেনা মেন্তে বাডায় আকানা। অজে লেকাতে নিৎ ধৗবিচ্ চেৎ
হঁ বাং বাডায় আকানা। যাঁহায় কোওয়াঃ সৗহিজুহিতে অনা মিদুন সাপ্ড়াও লেনা ওনকো গে অঁডে
অক্ত নৗপিত্ মা বাংগে তিকিন তারাসিঞ এন্ রেহঁ ওন্কোওয়াঃ চেৎ পাত্তাগে বাং ঞেল ঞাম
লেনা মেন্তে আবোরেন বাঁকুড়া জিলৗ খবরিয়ৗয় বাডায় অচ আকাৎ বোনা।
আরহঁ বাডায় ঞাম
আকানা বাংমা অনা জায়গারে বাঁকুড়া জিলৗ গডেৎ মানতান বিপ্লব সরেনাঃ দেলাতে ভারত জাকাত
মাঝি পারগানা মহল পাহ্টা খন আডি মারাং মিছিল ঞেল্ ঞাম্ এনা। আর অনা মিছিল তালা খনগে
আঁজমেনা সাঁন্তাড় সমাজ হাপৗটিঞ কিন নিত্যানন্দ হেম্ব্রম, রবিন টুডু সাহাঃ বিন। সান্তাড়
সাঁওতারেন হুতি নিত্যানন্দ হেম্ব্রম গো ব্যাক, সান্তাড় সাঁওতা রেন বৗঈরী রবিন টুডু
গো ব্যাক এমান এমান শ্লোগান তে মিছিল আঁদোড় রেনাঃ গার্জাও আঁজম আকানা।
বাঁকুড়া জিলৗ
গডেৎ মানতান বিপ্লব সরেন ‘মুরুৎ বাহা ইকো পার্ক’ রেনাঃ গেট সামাং রে সাপ্ড়াও লেন মিৎ
ঘৗড়িচ্ রেনাঃ মঞ্চ রে লৗই কেদায়- “তেহেঞ যাঁহায় সৗরি, সনৎ সৗরিয়ৗড় লেবেৎ লটম পারম
কাতে, ভারত জাকাত মাঝি পারগানা মহল ঞুতুম তে নঁডে মিদুনক দহ লেদা। ওনকো নঁডে অকয়গে
বাংক সেটের আকানা, অনাতে ওনকো ঠেন চেৎ কুক্লি রেনাঃ দাওগে বাং ঞাম লেনা”। মানতান সরেন
গম্কে আর হঁয় লৗই কেদা- “বাংমা যাঁহায় গে আচ্ লেকাতে সে রাজআরি নাংসাতে লিটৗ চাল
সাঁওতা তালম কাতে নংকান পরিকাঠামোয় বেনাও-আ সে সাঁওতায় লিখ্রৗয়া অঁডেগে আবোক ঞির সুরঃ
হোয়োঃ তাবোনা সে অনারে গার্জাও আতে অঁডে রড় দারাম হোয়োঃ তাবোনা আর ওনকো হুতি বন চিয়ৗ
কোওয়া”। মুচৗৎ রে মানতান সরেন গম্কে সেটের লেন দিশম হড় ঠেন নেঁহর এ দহ কেদা রাজআরি
লেকাতে যাঁহা নংকান পরিকাঠামো বেনাঃ কান অনা বিরুধ্ রে সানাম কো জুমিদঃ রেনাঃ কাথা
হঁয় লৗই সাডে আৎ কোওয়া।
.webp)
