(হুডিঞ মাছা কৗহনি)
বুধন আঃ লৗলিস
নিকোলাস মারডি
বুধন তেহেঞ মিরলুং মেৎহা কাতেয় দুড়ুপ আকানা। চেৎ বাং এ চেকায় ? হুদিসতে বায় ঞামেদা। আচ্ সোররে তেহেঞ অকয় হঁ বৗনুঃ কোওয়া। বাং দ আচরেন পেড়া হড়কো আর বাংদ সমাজ। যতগে তেহেঞ বৗইরি লেকায় মনে কোওয়া। মিৎ সেরমা লাহা বুধন আচ্ বাবা মংগল মুরমু দ আচ্কাগে বঁগা তালাওয়াকানায়। আতোরে উনিদ আডি ভাগে হড় মেনতে্ক বাডায়ে
কান তাঁহে কানা। ওনকোদ আয়মা বয়হা কো তাঁহেকান রেহঁ আয়াঃ ভাগ রেয়াঃ হিসৗব জমি নিজের খাটাও আরজাও টাকাতেহঁ জমিয় কিরিঞ হাতাও লেদা। আর নংকা লেকাতে আচরেন গুসটি সে বয়হা কদ উনি মংগলাহাঃ জমি চেতানরে আডি লালচ তাঁহেকান তাকোওয়া। এনতে আকোওয়াঃ জমি কোমা এটাঃ জৗতিঠেন ঞু-বুল
কাতেকো আখরিঞ চাবা লেদা। আর তেহেঞ দ বকৎ তেৎ আঃ জমি ঞেলতে মেৎ সাড়ঃ কান তাকোওয়া।
যখনগে বুধন
আচ্ বাবায় বঁগা
তালায়েনা। উনখনগে আচ হপনবা তাকোদ গিদি লেকা বুধন ঠেন সে্ন সেনতে অড়াঃ করেকো মেলে মেলে বাড়ায়া। আর বুধন কো মেতায়া " বাবু আপে ঘারঞ্জ চেতানরে বঁগাকো লাগাও আকানা”। আর নোওয়াদ
ডৗন কোওয়াঃ গে কারসৗজি কানা। আর বাংখান আম বাবা তিনাঃ ভাগে হড়ে তাঁহে কানা । " আর নংকা মেনকাতে ওঝা সখা ঠেন ডৗন সাসাপ কো চালাও এনা। আর বুধন
আচ্ গগ গে , ডৗন দকো ঞাম কেদেয়া। আর বুধন দ আচ্ গ বাঞ্চাও এ খৗতির বানার এগাঁ হনকো লাগা বাহেরেৎ কিনৗ। আর আতো অড়াঃরে বাকো তাঁহে অচো আকিন কানা। বুধন তেহেঞ অকয় ঠেনে লৗলিসা, এনতে আচ্ হপনবা তাকো গে বিচৗরিয়ৗ। আর অনকো গে নিৎ আচরেন বৗইরি……..!
.webp)
