আবোওয়াঃ ওয়েব পেজ্, ২০ আগস্টঃ দারায় কান ২৯ আগস্ট ‘করম পূজা’ লাসাড়হেৎতে পনৎ সরকার রেন কৗমিয়া
ক লৗগিৎ ছুটি বাঁখেড় এনা। মেন গানঃআ মুখিয়ৗ মন্ত্রী মমতা বন্দোপাধ্যায় হেচ্ তায়ম খন
গে নানা-হুনৗর গাঁতাৎ রেন হড় কোওয়াঃ পরব-পার্বন লৗগিৎ ছুটি মঞ্জুর আকাদায়। অনা লেকাতে
পনৎ রেন আদিবাসী কৗমিয়াকো ‘করম
পূজা’রেনাঃ ছুটিক ঞাম আগুয়েদা মেন্তে বাডায় আকানা। নিয়ৗমুদ্রেগে কৗউডি দপ্তর পাহ্টা
খন নোওয়া লৗইতে নোটিশ জৗরিয়াকানা বাংমা অঁডে রড় আকানা বাংমা ২৯ আগস্ট পনৎ সরকার অধীন
রে তাঁহেন সানাম আপিসার কৗমিয়াকোওয়াঃ ছুটি তাঁহেনা। অনা সাঁওতে বাডায় আকানা চা বাগান
রে কৗমিকান আদিবাসী গাঁতাৎ রেন কৗমিয়া কঁহ অনা দিন ছুটিরেক তাঁহেনা।
আদিবাসী সরকারি
কৗমিয়া কদ অনা মাহারে ছুটিক ঞামা অনাদ গরব আর রৗস্কৗ রেনাঃ কাথা কানা মেনখান ইস্কুল,
কলেজ, বিশ্ববিদ্যালয় করে আকোরেন পৗঠুওয়ৗ গিদৗর কো লৗগিৎ দ অনা মাহারে ছুটি বৗনু আকাৎ
তে অনা রৗস্কৗদ আয়মা কৗমিয়া কোগে বাংক ভুঁপুজৗও দাড়েয়াঃ কানা মেন্তে দুক্ ক সদর আকাদা।
চেদাসে ইস্কুল, কলেজ খুলৗও তাঁহেন খান মা পৗঠুওয়ৗ গিদৗরকো চালাও হুয় আকোগেয়া। অনা মাহারে
বাংক চালাও লেনখান অনা মাহারেনাঃ পাড়হাও সেন্ তেক তায়মঃআ মেন্ তেহঁ আয়মা কৗমিয়া কগে
আকোওয়াঃ নংকান অভিযোগ ক রাকাব্ আকাদা। অনালেকাতে বাডায় আকানা আয়মা কৗমিয়া কোগে ছুটিরে
তাঁহেন সানা লেদেরেহঁ গিদৗর-পিদৗর ক অড়াঃরে বাংক তাঁহেন খৗতির আচ্হঁ অড়াঃরে বায় তাঁহে
দাড়েয়াঃকানা, আর অনা রৗস্কৗ মাহা রেনাঃ দাও খনহঁ সানাম কক পুচুজঃ কানা মেন্তেহঁ নোওয়া
ছুটি লৗইতে বেজার হঁক সদর এদা। ওনকোওয়াঃ দাবি দ আদিবাসী সরকারি কৗমিয়া ক ছুটি এমঃ হোয়োঃ
খান অনা মাহারে আকোরেন গিদৗর-পিদৗর কোওয়াঃ সেচেৎ ঠাঁওক যেন বন্দ তাঁহেন মা।
বাডায় আকানা বাংমা
আয়মা আদিবাসী সংগঠন গে নোওয়া মাহা ইদিকাতেৎ নংকান ছুটিদ বাংক খজ্ আকাদা। সংগঠন কোওয়াঃ
দাবিগে তাঁহে্কানা আদিবাসী কোওয়াঃহঁ পরব-পার্বন ক আর কো লেকাগে মানাও বাতাওয়ঃআ মেন্তে।
নংকাগে আরহঁ সংগঠন কোওয়াঃ দাবি তাঁহেকানা মেন্তে বাডায় আকানা বাংমা বাহা,সহরায়, দাঁশায়,
সাধু রামচাঁদ মুরমু জানাম মাহা, পন্ডিত রঘুনাথ মুরমু জানাম মাহা, আদিবাসী পৗরসি মাহা,আদিবাসী
জেগেৎ মাহা এমান এমান। নোওয়া করে খনগে ৩০ শে জুন ‘হুল দিবস’ আর ‘করম পূজা’ লৗইতে বারয়া
ছুটি ঞাম আকান রেহঁ আয়মা হড়গে নংকান ছুটি ইদিকাতেৎ দুক্ গেক সদর আকাদা মেন্তে বাডায়
ঞাম আকানা। অজে লেকাতেদ বাডায় ঞাম আকানা বাংমা সেচেৎ আখড়াক বন্দ বাং তাঁহেনতে আকো করেন
গিদৗর-পিদৗর কগে অনকান লৗগ্তিয়ৗন মাহারে সেচেৎ আখড়া বৗগি কাতেৎ বাংক সেলেদ্ তাঁহে
দাড়েয়াঃ কানা।
ছুটি করেনাঃ ঞুতুম
ইদিকাতেৎহঁ আয়মা হড়গে কাঁহিশ ক সদর আকাদা মেন্তেহঁ বাডায় আকানা। ‘করম পূজা’ বদলতে ‘কারাম পরব’ হুয় লৗগ্তি
তাঁহেকানা অনকাগে ‘হুল দিবস’ বদলতে ‘হুল মাহা’গে হুয়ুঃ লৗগ্তি কানা মেন্তেহঁ আয়মা
হড় গে আকোওয়াঃ মতামত ক সদর আকাদা। আরহঁ আয়মা জায়গারে ‘হুল উৎসব’ ক অল খৗতির আয়মা হড়-হপন
গে বেজার ক সদরা মেন্তেহঁ বাডায় আকানা। নিৎহঁ ‘সিধু-কানহু ডাহার’ রে ডহর বাবু গেক
পাঁজা ঞামে কানা।
অনালেকাতে ঞুতুম
ইদিকাতেৎহঁ নাপায় দিশ-হুদিশ কাতেৎ অল গে নাপায়া মেন্তে আয়মা হড়ক রড় আকাদা। যেলেকা
ঞেল আকানা ঈদ্-উল্-ফিতর, ঈদ্-উল্-জুহা এমান ছুটি করেনাঃ ঞুতুম ক অকয় নোওয়া রেনাঃ
মানে বুজ্ কেৎ বায় বুজ্ কেৎ এনহঁ উচ্রৗড় দ বাং বদলঃ কানা। এনখান আদিবাসী কোওয়াঃ
বেড়ারেগে নংকা চেদাঃ হোয়োঃ কানা অনাতে আয়মা হড়গে অভিযোগ ক রাকাব্ এদা মেন্তে বাডায়ঃ
কানা। যাঁহায়া মচা খন নংকান বেড়জাঃ রড় যাঁহায়ে আঁজমা উনিয়াহঁ হৗনি শুধ্রৗও কায় রেনাঃ
লৗগ্তি মেনাঃ আ মেন্তেহঁ আয়মা হড়গে নেহঁর হঁক দহওয়াকাদা মেন্তে বাডায় আকানা। আদিবাসী
এম.এল.এ. আর এম.পি. কহঁ নোওয়াক ইদিকাতেৎ আরহঁ তুনখি-তলাশ দহ রেনাঃ লৗগ্তি মেনাঃআ মেনতেহঁ
আয়মা হড় গে আরজিক দহওয়াকাদা।
.webp)
