(হুডিঞ মাছা কৗহনি)
পেড়া দাদা জহার গে
 |
| গুলন চন্দ্র মুরমু |
ভাদর বঙ্গা পাড়াও এনা,কাম-কাজ হঁ অনকা বৗনু আনা। এনেগে মোড়রে দুড়ুপ দুড়ুপ চা লে ঞুঞু কানা। ইনৗ খানগে মিদ্ হৗলি বয়স রেন কড়া ঞেল তেদ সান্তাড়াঃ মহডা লেকা গে ঞেলঃ কানায়। বাংদ পেড়া অড়াঃএ চালাও লেন্ বাংদ আর যাঁহা সেন,সাইকেল রেনাঃ তায়ম কিরিয়া রেদ ঝৗলি লাদে মেনাঃ তায়া।
অকারে চেৎ চিকৗয়েন চং কড়া গিদরৗ দ সাইকেল খন্ এ ঞুর এনা হর ধারে রেগে দোকান দুওয়ৗর সুর রে। একদমে অবর উতৗর আকানা,সাইকেল হঁ আচ্ সুর রেগে ভিঁদাড় মেনাঃআ। সানাম গেক কয়ঃ আকাদেয়া,অকয় হঁ বাংক দৗড়্ সুরুঃ কানা। আর আচ্ মাতো হাজার এ চেষ্টায়েদা বেরেদ লৗগিদ্,মেনখান বাংগে দাড়েয়াঃ কানা। ডাঁডা রৗপুৎ আকান তায় লেকাগে অবর হৗপি আকানায়। মিৎ ছক্রা কড়া সাইকেল তেদ্ বেরেদ কাতেৎ উনি রাকাপ রেনাঃ এ চেষ্টা কেদা,মেনখান বাং এ দাড়ে হাদেতে উনি হঁয় বৗগি হট আদেয়া।
দুড়ুপ আকান সানাম কঞ মেতাদ কোওয়া চল বন্ ঞেলেয়া,চিকৗও আকানায়? সানাম গেক মেন কেদা বাং তাহেঁ হচওয়ায়। নুয় সান্তাড় দয় বুল আকানা,নিশৗ ছুটৗও লেন তায় খানগে বেরেদ্ আয়। পাছেৎ বাং এ বুল আকান্ নংকা মনে কাতেঞ বেরেদ কাদে গেয়া।
আদ অৗডিগেয় রৗস্কৗ এনায়,আর এ মেতাদিঞৗ পেড়া দাদা জহার গে,ইকৗ কাঞাম! ইঞদ পেড়া অড়াঃ ইঞ চালাও লেনা মেনখান দাকা রেঁগেচ লিদিঞ রেহঁ পৗউরৗ গেক অৗগু অৗদিঞৗ! আদ সন্মান খৗতির ঞু গে লাগাও কিদিঞৗ। পেড়া দাদা মা তবে জহার গে। ইঞ রুওয়ৗড় হিজুঃ ঞেল্তে গাতেক অকা লেকা চংক লাঁদাও অৗদিঞৗ……। মেনখান ইঞাঃ মনেরে নিৎহঁ উনি কড়া গিদৗরাঃ কাথা কগে বার বার দিশৗ হেচ্ অৗঞ কানা।
.webp)
