( দসার হৗটিঞ)
“জেগেৎ, গিদ্রৗকো এঁগাত্-তোওয়া
নুনুওয়াকো হাপ্তা” দিসৗকাতে
 |
| -ডাঃ সুরেন্দ্রনাথ মান্ডি |
নিরলৗ, থিরলৗ মনেয়াতে একলা অড়াঃ নিরিবিলি রে দুড়ুব কাতেৎ, কড়াম-তওয়া
রেনাঃ হেঁদে ভর্ ( Areolar ) গিদ্রৗওয়াঃ মচারে সাঁবাও কাতে নুনুওয়ায় লেক্ কানা।
রৗগি, লাঁগা, বতর তায়ম তায়ম গে, গিতিচ্ কাতেৎ, গিদ্রৗ কড়াম–তওয়া চেপেচ্ চেপেচ্তে
জৗপিৎ সে কড়াম–তওয়া ডগ্ (Nipple) বাং সাফা (দিনমান রে বার ধাওগান আরুব্ সাফা হোয়োঃআ,
আর এঁগাত্ হরঃ আঃ পাল্টাও হোয়োঃআ) কাতে গিদ্রৗ নুনুওয়ান দ ঠিক বাং কানা। আর জাও ধাওগে
গিদ্রৗ নুনুওয়ায় তায়ম গিদ্রৗ ঢেকার অচয়ে হোয়োঃআ বার্প কাতেৎ, মেন্মা- তারেন রে তাবের
অচ কাতেৎ আর বাংখান গিতিচ্ সড়তা অচ কাতেৎ দেয়ারে নাসে থাপ’ থাপ’ওয়ায় হোয়োঃআ, তাহলেখান
তওয়া চেপেচ্ অক্তে জাঁহা হয়্ গিদ্রৗওয়া লাচ্রে বললেনা, অনায় ঢেকার অডকা,খৗতির গিদ্রৗ
লাচ্ বাং হাসোয়েয়া। গিদ্রৗওয়া মড়ে চাঁদো উমের হৗবিচ্ দ এটাঃ দাঃ সে তওয়া আর বাংখান
দুমুর রাসা এমান চেৎ গে এম রেনাঃ লৗগ্তি বৗনু আনাং। গিদ্রৗওয়াঃ লাচ্ হাসোরে “গ্রাইপ
ওয়াটার’ দ এম গানঃ আ। গিদ্রৗ তওয়া উৎ তায়ম আরহঁ মচা তেক অডক গেয়া,পৗগুর পৗগুর তে আরহঁ
লাচ্ ভিত্রি কো খৗড়া, আর বাংখান নাসেনাঃ দক উলৗ তোৎ গেয়া – নোওয়াদ স্বাভাবিক কানা।
জাওদিন ঢেরতেৎ গে এঁগাৎ কড়াম তওয়ারে তওয়া সেতেঞ জাওরা লেনখান, লিন বাংখান পাম্প অডক
কাঃ হোয়োঃআ, আর বাংখান ‘মিল্ক ব্যাঙ্ক’ রে জমা কাঃ হোয়োঃআ।
গিদ্রৗ কো তওয়া নুনুয়তেদ
রেঁগেচ্ মারত্, পুষ্টি সুমুং দ বাং হোয়োঃ তাকোওয়া, গিদ্রৗ কোওয়া-
A. Allerjee বাং হোয়োঃআ।
B. Brain develop হোয়োঃআ।
C. Cough & cold, মেনমা খুঃ মাদা রুওয়া বাং হোয়োঃআ।
D. Diarrhoea আর Diabetes হোয়োঃ রেনাঃ ঝুঁকি কমঃআ।
E. Enteric আজার, মেনমা পাত্লা পায়খানা,আমাশা,
দাঃসেন বাং কাঠা (Constipation) আ।
F. Fascial growth napay হোয়োঃআ।
G. Growth মেনমা, মোটা নাদুস-নুদুস হড়ম বাং হোয়োঃআ।
নাপায় হড়ম মনে তেয়ারঃ তাকোওয়া।
এঁগাত্ কোওয়াঃ জমাঃ ঞুওয়াঃ
সেন লোগোদ লেক্ কানা-
গিদ্রৗ নুনুওয়াকো অক্তে দিনৗম হিলোঃ এঁগাত্ কোওয়াঃ আয়মা ক্যালোরি
খরচঃ আ। অনাতে সলিড আর লিকুয়িড দিনৗম দিন হিলোঃ রেনাঃ বানার লেকানাঃ জম্-ঞু সাঁওতে
বৗড়তি কাতেৎ দাঃ, ডাব্ দাঃ, লিবু রাসা, এটাঃ ফল্ ডল্ ক, আড়াঃ সাকাম জম-ঞুয় হোয়োঃমা।
তবে নিয়ৗ অক্তে হাঁডি-পৗউরা সে এটাঃ জাঁহান নেসা খন সাঁগিঞ রে তাঁহেন হোয়োঃআ। এঁগাত্
কোওয়াঃ খুঃ-মাদা-আছিম অক্তে দ মাস্ক বেওহার হোয়োঃআ।
মুচৗৎ কাথা- গিদ্রৗ
নুনুওয়াকো দ এঁগাত্ তেকোওয়াঃ দায়িক সুমুং দ বাং কানা, গিদ্রৗ সাঁও চেরেচ্-রপড় হঁ
কানা; জাঁহা দ গিদ্রৗওয়াঃ চিরক্দিন রেয়াঃ তাড়াম ডাহারে ফায়লায়া, চিঁকৗড়া। গিদ্রৗ
এঁগাত্ তেকো– সুঠিক পদ্ধতিতে গিদ্রৗ নুনুওয়াকো পে, আপনারাঃ জম-ঞূ-জিরৗও-রৗস্কৗ মনে
সেৎ খেয়াস পে। আপে নাপায় পে তাঁহে লেনখান গে
গিদ্রৗ কহঁ নাপায় কো তাঁহেনা, জাত্-সমাজ হঁ নাপায়
তাঁহেনা।
.webp)
