১। নাহাঃ আতো দিসম
বৈদ্যনাথ হাঁসদা ( হুলগৗরিয়ৗ)- ১০ আগষ্ট, ২০২০
সারহাও/ তুলৗজখা - শ্রীকান্ত সরেন
বৈদ্যনাথ হাঁসদা আঃ ' নাহাঃ আতো দিসম ' পাড়হাও কাতে , আক আতোরেনাঃ নাহাঃ চিতৗর রেয়াঃ মিৎবার কাথা বাড়ায় ঞাম এনা। বাড়ায় কাতে রৗসকৗ খনদ দুখগে যৗসতি ঞাম এনা। মানতান অনলিয়ৗ গমকে, অৗডিদিন তায়ম জানাম ভিটা চালাও কাতে, আতোরেনাঃ মিৎবার বনদল মেৎরে ঢাং কাও দেয়া। বনদলে ঞেলঞাম আকাদা, অলঃ-পাড়হাও, রাজঅৗরি,সাঁওতা,কৗউডি অৗরি,সরকারী গড়সপহৎ,খেলন্ড ডৗহি এমান করে। বঙ্গাবুরু ক যথাত অকতরে হোয়োঃ কানরেহঁ (বাহা, মাঃ মড়ে, সহরায় এমান) , পৗহিললেকা দাসায়,লাগড়ে এমান এনেচ ক বাং হোয়োঃ কানা। জুয়ৗন ক বাং ক ঞেলঞামঃ কানা খেলন্ড ডৗহিরে। অক্ত সেন
বাং হুদিস কাতে বৗড়তি কায়তে অৗয়ুব আকানসে নেট দুনিয়ৗরেক ডুবুজ কঃ কানা। হুডিঞ হাপড়াঃ মানাও বাতাও ক চাবা আকান লেকাগে। ঝতখন দুখরেনাঃ কাথা, অলঃ কড়া- কুড়ি ক অলঃ অৗউরি সেঁড়ারেগে ক বৗগি কাঃ কানা। নুকুদ অকয়ে উদুঃ আকওয়া হাপেন রেনাঃ নাপায় ডাহার?
২। ' আবোতেগে আবোওয়াঃ দবন আদ্ এদা '
সনৎ কুমার সরেন - জুলাই ২৭, ২০২০
সারহাও/ তুলৗজখা- শ্রীকান্ত সরেন
সনৎ কুমার সরেন ' আবোতেগে আবোওয়াঃ দবন আদ এদা ' অনলরে মিৎবার অৗডি যথাত কাথায় অল আকাদা। অনা ক অল খৗতির ইঞ পাহটা খন আয়মা সারহাও ইঞ চাল আয় কানা। নুই আঃ অনলরে রড় করে, সাঁওহেৎ করে, পৗরসি রেয়াঃ যথাৎ বাং বেওহার কাতে ভুলবন বেওহার এদা মেনতেয় সাব্ রাকাব আকাদা ( যেলেকা: বেন/ বিন বেওহার) । অনা সাঁওতে ধরমরেহঁ বাং মিৎ কাতে হৗটিঞ এদাবন ( যেলেকা: সৗরি/ সারনা) । এনেজ্- সেরেঞ করেতহঁ ' ছাপল ' Dj box এমান ভাইরাস বল কাতে কাতে, আবোওয়াঃ , রৗসকৗ মহলরে রৗসকৗয় জাঁঙ্গে দারামে কানা। অৗডি যথাত কাথাম সাব রাকাব আকাদা। ইঞ নিয়ৗগেঞ লৗই আ- এনহঁ আবোওয়াঃ দ আবোতেগে সাব দহয় হোয়োঃ তাবনা। শিখনৗত হড়াঃ উইহৗর-ভাবনা রেয়াঃ অকত সেটের আকানা।
.webp)
