আবোওয়াঃ ওয়েব পেজ্, ১৮ আগস্ট : মাচেৎ অসিত রঞ্জন মান্ডি দ আর বৗনু গেয়া।
বাডায় আকানা মাচেৎ অসিত রঞ্জন মান্ডি দ পুরুলিয়া রেয়াঃ বান্দোয়ান এ.এন.ঝা বিরদৗগাড়
রেন মিৎ ঞুতুমান মচেৎ এ তাঁহে কানা। তেহেঞ ঞিদৗ সেন দুর্গাপুর রেয়াঃ মিৎ নার্সিং হোম
রে উনিয়াঃ জিউয়ি বৗতি দ ইঁড়িজ্ এন তায়া। উমের দ হুয় লেন তায়া ৫৯ সেরমা। বাডায় আকানা
চাকরি জিয়ন খন জিরৗওঅঃ লৗগিৎ আর মাত্র পোন চাঁদো গান বাকি তাঁহে কান তায়া। বাডায় আকানা
বেশ কিছুদিন মাড়াং খন গে হড়ম’রে বেশ বায় বুঝৗও এৎ তাঁহেকানা। নুয় পৗঠুওয়ৗ দরদিয়ৗ মাচেৎ-আঃ
নংকা আদিন দিন রে বঁগা তালায়েন রেনাঃ খবর আঁজম কাতে গটা বান্দোয়ান গে দুক্ রেনাঃ উমুল
ঞেল্ এনা।
বাডায় আকানা মাচেৎ
অসিত রঞ্জন মান্ডিয়াঃ জানাম আতোদ তাঁহেলেনা অনা জিলৗ রেনাঃ গে বরাবাজার থানারে মেনাঃ
খাওয়াসডি আতোরে। বাডায় আকানা অড়াঃরে অৗজিজ্ অড়াঃ গংকে আর মিৎ হুডিঞ হপন এরায় বৗগি
হট আৎ কিনৗ আর মারাং ইচ্ হপন এরা দ মাড়াং তেগেয় গং আকাদেয়া মেন্তে বাডায় আকানা। আচ্ বাবা সুরেন্দ্রনাথ মানডি দ প্রাইমারী মাচেৎ এ তাঁহে কানা।
 |
| ৺অসিত রঞ্জন মান্ডি |
বাডায় আকানা অসিত
রঞ্জন মান্ডিদ বান্দোয়ান এ.এন.ঝা বিরদৗগাড় রে ১৯৮৮ সালরে মাচেৎ লেকাতেয় বাহাল লেনায়।
আর উন খন গে অনা বিরদৗগাড় রেগে অৗডি মৗন সালাঃ আয়াঃ মাচেৎ জিয়ন-এ খাঁডাওয়েৎ তাঁহে কানায়।
উনিদ ইংরেজী সাঁওহেৎ রেন মাচেৎ এ তাঁহেকানা মেন্তে বাডায় আকানা। অসিত রঞ্জন মান্ডি
লৗইতে বাডায় আকানা বাংমা মাচেৎ লেকাতে অসিত বাবুওয়াঃ ঞুতুমদ অৗডিগে বৗড়তি তাঁহে কান
তায়া। উনিদ সানাম পৗঠুওয়ৗ আর পৗঠুওয়ৗরেন গৗলিম কঠেনহঁ অৗডি গুণ মানাওয়ান মাচেৎ এ তাঁহে
কানা। অনা বিরদৗগাড় রেন গে মিৎ গাতে মানতান সতন সরেন গোম্কে লৗই কেদায় - অসিত বাবুদ
মাচেৎ লেকাতে অৗডি গুণান আর পৗঠুওয়া দরদিয়ৗয় তাঁহে কানা। সরেন গোম্কে আর হঁয় লৗই সদর
কেদা বাংমা ঞেল আকানা উনিয়াঃ মটর সাইকেল রেনাঃ ডিকি রে সারাঘৗড়িচ্ গে ইস্কুল রেনাঃ
পুঁথি-পতব ক তাঁহেন কান তায় তাঁহেনা। আর ইস্কুল রেনাঃ লিজার অক্তে উনিদ পুঁথি-পতব গেয়
পাড়হা কান তাঁহে কানায়। মানতান সরেন, মনেরে দিগ্ধৗ বাং দহ কাতেগে সদর আকাদায় যে উনি
লেকান আপডেট মাচেৎ নিৎ অৗডি কম গে মেনাঃ আকাৎ কোওয়াঃ মেন্তে। মানতান সরেন গোম্কে অসিত
বাবুওয়াঃ আদিন দিন রে জিউয়ি বৗতি ইঁড়িজ্ এন তায় খৗতির অৗডি দুক্ এ সদর আকাদায়।
‘তেৎরে’ পাথাম
সাসাপাড়াওয়িচ্ মানতান মহাদেব হাঁসদা গোম্কেহঁ অসিত বাবুওয়াঃ নোওয়া দাঃ দড়ম এন রেনাঃ
খবর আঁজম কাতে গৗহির মন দুক্ এ সদর আকাদা। মানতান হাঁসদা গোম্কে লৗই আকাদায় বাংমা
অসিত বাবুদ মিৎ অক্তে সান্তাড়ি গায়ান হঁয় অলেৎ তাঁহে কানা। মানতান হাঁসদা গোম্কে ঠেন
খন গে আরহঁ বাডায় ঞাম এনা বাংমা অসিত বাবুওয়াঃদ সান্তাড়ি সাঁওহেৎ চেতানরে অৗডিগে দুলৗড়
তাঁহে কান তায়া। চাকরি জিয়ন খন জিরৗও লেনখান গে সান্তাড়ি সাঁওহেৎ লৗইতে অলবেল রেনাঃ
সানায় সদর লেদা মেন্তেহঁ মানতান হাঁসদা গোম্কে ঠেন খন গে বাডায় ঞাম এনা। মেনখান উনিয়াঃ
অনা সানা বাং পুরুন লেন তায়া।
বান্দোয়ান এলাকারেন
সানাম গাঁতাত রেন হড়গে অসিত বাবুওয়াঃ নোওয়া আদিন দিন রে বঁগা তালায়েন খৗতির গৗহির দুক্
ক সদর আকাদা মেন্তে বাডায় আকনা।
পুরুলিয়া জিলৗরেনাঃ
আড়ষা থানারে মেনাঃ কান্টাডি শিক্ষা সত্র হাই ইস্কুল রেন মিৎ মারে পৗঠুওয়ৗ গোপীনাথ হেম্ব্রম
অসিত বাবুওয়াঃ নোওয়া দাঃ দড়ম এন খবর বাডায় ঞাম কাতে অৗডি দুক্ এ সদর আকাদা মেন্তে
ফোন তালাতে আবোরেন খবরিয়ৗয় বাডায় অচ আকাদেয়া। উনি ঠেন খন গে বাডায়েনা বাংমা ১৯৮৪ সালরে
অসিত বাবুদ বি.এড. ট্রেনিং টিচার লেকাতে কান্টাডি শিক্ষা সত্র হাই ইস্কুল-এ হেচ্ লেন
তাঁহেনা। উনরে উনিয়াঃ ইংরেজী পাড়হাও রেনাঃ টেকনিক আর উনিয়াঃ পৗঠুওয়ৗ চেতান দুলৗড় এনেম
নিৎহঁ বায় হিড়িঞ দাড়েয়াকাদা মেন্তে লৗই সদর আকাদায়, নিৎ কোলকাতা হাই কোর্টরে চাকরি
কান মানতান গোপীনাথ হেম্ব্রম গোম্কেদ। মানতান হেম্ব্রম আয়াঃ পৗঠূওয়ৗ জিয়নরে মাত্র
কয়েক চাঁদো লৗগিৎ মাচেৎ লেকাতেয় ঞাম লেদে, উনি বঁগা বারাক্ মাচেৎ অসিত বাবু যেমন স্বরগ
পুরিরে নায়তে,নাপায়তে তাঁহেন মায় বাড়ে মেন্তেহঁ চট্ চাঁদো ঠেনে নেঁহর আকানা।
.webp)
