জেগেৎ মানওয়ারি মাহা, ১৯ আগস্ট দিসৗকাতে
-সুরেন্দ্রনাথ
মান্ডি
মানওয়ারি, মেন
দ মানবিকাতা স্যেচ্তে ঞেল লেখান ধৗরতি জাকাত রেনাঃ ঝতম খন বে-মানওয়ারি আনাট-এঁটকেটঁড়ে
দ হোয়োঃ কানা উদ্বাস্তু আনাট। নিতোআঃ নোওয়া আনাট ক মুদ্রে রোহিঙ্গা কোওয়াঃ আনাট-এঁটকেটঁড়ে
দ অৗডিগে ঞুমানাঃ কানা এন্তে নিতোঃ রোহিঙ্গা ক হেঁতেল-গেঁজেল আবস্থারে মেনাঃ কোওয়া।
রোহিঙ্গা কোওয়াঃ আনাট-এঁটকেটঁড়ে ক এহব কাতে বার্ সেরমা পারমেনা, আয়মা হড়াঃ মনে–মেৎ
খন রোহিঙ্গা কোওয়াঃ আবস্থা হোয় থ পয়দং-মালছৗওয়াকানা, তবে জাঁহায় কো নোকোওয়াঃ এঁটকেটঁড়ে
খন পারাংগত ঞাম অচ কো লৗগিৎ তে মানওয়ারি-কৗমি কো কৗমি কানা, ওনকো দ লৗগয়ৗপাড়াও গে মেনাঃ
আকাৎ কোওয়া।
২০১৭ সাল রেনাঃ
২৫ আগস্ট, মায়ানমার দিসম রেয়াঃ রাখাইল পনত খন রোহিঙ্গা তুড়ুক কো পোহো লেকা বাংলাদেশ
আর ভারত দিসম তে দৗড় খাদ্লেঃ তেকো বড়হে লেনা, মেনমা আপনার আতো-দিসম খন ক লাগা ডিগ্লৗও
অচ- ওয়াকানা। মায়ানমার রে রোহিঙ্গা তুড়ুক চেতান ধরম ইদিকাতে আঁদাঃ কচলন, অঁডেরেন সেনাফৗদ্
কোওয়াঃ ওনকো চেতান নাহাচার খৗতির গে নংকান আবস্থা দ তেয়ারা কানা। খৗতির রোহিঙ্গা কোওয়াঃ
নিতোঃ মারাং তানাহেন ঠাঁও দ হোয় কানা বাংলা দিসম আর ভারত দিসম গে। ধৗরতি রেন আয়মা শরনার্থী
কো লেকা রোহিঙ্গা শরনার্থী কো অৗডি হেঁতেল-গেঁজেল জিয়ন ক বিতৗও এদা। নোকো রোহিঙ্গা শরনার্থী কোওয়াঃ আনাট-এঁটকেটঁড়েরে
সানাম লেকান মানওয়ারি গড়সপহৎ নিহাৎগে লৗগ্তিকানা জেলেকা, অনকাগে ধৗরতি জাকাত রে নিতোঃ
সানাম আদিবাসী জাঁহালেকা হেঁতেল-গেঁজেল আবস্থা রে মেনাঃ কোওয়া,ওনকো স্যেচ্ মানওয়ারি
অন্তর-মনেতে কয়ঃ লেক্ কানা।
বিরবুরু,দারেনৗড়ি
আর বিরবুরু তাপল ঠাঁও কগে কানা ধৗরতি জাকাত রেন আদিবাসী কোওয়াঃ বাঞ্চাও তাঁহেন রেনাঃ
মিৎ মারাং আস্রা। অনাক বেওহার তেগে আদিবাসী কদ হেঁসেচ্’ সেক্রেচ্ জিয়ন কো বিতৗও
আগুয়েদা জুগ জুগ খন। মেনখান নিতোঃ ঞেলঃ কানা সরকার, ব্যবসায়ী ক হতেচ্তে বিরবুরু, দারেনৗড়ি
ক উজৗড় কাতে বিরবুরু তাপল ঠাঁও খন আদিবাসী কক লাগা ডিগ্লৗও অচঃ কানা।আদিবাসী কোওয়াঃ
আপনার উতৗরাঃ জুগ জুগ খন ক বাঞ্চাও দহ আগুওয়াকাৎ রিলৗমালা-লেগ্চার-ধরম-পৗরসি রেনাঃ
নিতোঃ অৗডিতেৎ মুহিম দসা,নিপৗট রোহিঙ্গা কোওয়াঃ দসা লেকা। নোকো আদিবাসী কো দোঃ লৗগিৎতেহঁ
সানাম মানওয়ারি-কামিয়ান কোওয়াঃ উইহৗর-ভাবনা লেক্ কানা, লাহা হিজুঃ লেক্ কানা; তবেয়ানাঃ
গে জাও সেরমা ১৯ আগস্ট মানাও-বাতাও সে উদ্যাপন হোয়োঃ কান ‘জেগেৎ মানওয়ারি মাহা’
(World Humanitarian Day) রেনাঃ হামাল তেৎ জওয়াঃ আ।
২০০৩ সাল রেযাঃ
১৯ আগস্ট, বাগদাদ রেনাঃ খাল হোটেল রে বম্ হাম্লা তেকো গচ্ অচলেনা ২২জনা, ওনকো মুদ্রে
ওনকো চেতান কৗমিভার লাদে তাঁহেকান জৗতি সংঘরেন মানবাধিকার কমিশনার, হাই কমিশনার আর
ইরাক সেক্রেটারি জেনারেল রেন বিশেষ প্রতিনিধি এমান কো তাঁহেকানা। ওনকো উইহৗর কাতে আর
ওনকো লেকান মানওয়ারি কৗমিরে জপড়াও তাঁহেন ধৗরতি জাকাতরেন সানাম মৗনমি কো সন্মান এমাওয়াকো
লেক্ কানা মনে কাতেগে ১৯ আগস্ট মাহাদ দিসৗ রুওয়ৗড়ঃআ।
নোওয়া সাঁওতে
ধৗরতি জাকাত রেনাঃ চ্যালেঞ্জ মেনমা – রেঁগেচ্, জানাং আন জপড়াও (লিঙ্গ ভিত্তিক) নাহাচার,
মৗনমি কোওয়াঃ হাহ’পাপ আবস্থা (জাঁহা খৗতির গে হোয় অচওয়ান- রোগ-আজার খৗতির হঁ হোয় দাড়েয়াঃআ),
নাপায় ঞু দাঃ বাং ঞাম এমান এমান এঁটকেটঁড়ে সলহেয় লৗগিৎ জাঁহায় কো মানওয়ারি কৗমিরে লৗগয়ৗপাড়াও
মেনাঃ, ওনকো সন্মান স্যে ওনকোওয়াঃ কৗমিহরা ড়ে উদ্গৗও আর গড়সপহৎ এমাওয়াকো রেনাঃ দিসৗ-রুওয়ৗড়
মাহা কানা ১৯ আগস্ট দ।
.webp)
