মামনিয়াঃ দিলৗই
 |
- নিকোলাস মানডি
মামনি দ আতোরেন যতখন মঁজ আর সরেস অলঃ পাড়হাঃ কুড়ি কানায়। তবে দুক রেয়াঃ কাথা আচ্ বাবাদ বৗনুয়া। অড়াঃরেদ একেন এগাঁহন মত গেকিন তাঁহেনা। নঃঅয় ত নিয়ৗবারাঃ মাধ্যমিক পরীক্ষারে অৗডি মঁজে রেজাল্ট কেদা আর আকো ইস্কুলরেন কুড়ি হপনকো মুদরে পোয়লো ঠাঁও এ হামেট আকাদা। অনা খৗতির আকো ইসকুল পাহটাখন সারহাওকো চাল আদেয়া আর উদ্গৗউ হঁ যাতে আরহঁ ভাগে অলপাড়হাও কাতে ইসকুল রেয়াঃ ঞুতুম সাঁওতে আদিবাসী সমাজে আরশালা। আর নিতদ আরহঁ ঞুতুমান ইস্কুলরে গেলমিৎ কেলাস রেয়ে ভরতি আকানা। মেনখান কোরোনা ভাইরাস খৗতির ইস্কুল ক বন্দ মেনাঃতে অড়াঃরেগে
মেনায়া।
মামনি যেমন অলঃ অৗকিল তেয়ে লাসেরা, অনকাগে ঞেলঃ তেহঁ বায়কমা। ঠিক ইনৗকো তাঁকরেগে আডেপাশে আতোরেন মিৎ কিসাঁড় কড়া উনি বাপলায়ে লৗগিৎএ ছাটপাটাও এনা। আর খবর হঁয় কোল কেদা এনকাথায় অৗডি সুক রেগেলে দহয়েয়া। আর নোওয়া কাথা মেন কাতে রায়বার হঁয় কোল কেদেয়া। মেনখান মামনিয়াঃ ঘৗরিয়ৗ জবাব উনি আয়াঃ কেরিয়ার বায় বেনাও লেখান বায় জাঁওয়ায়ঃআ। বাপ্লা রেয়াঃ লোভ লালচ্ এম কাতে নংকা তিনাঃ তিরলৗ হপন তালা হররে পাড়হাও কো বৗগি আকাদা। আর জাঁওয়ায় অড়াঃরে আয়মাগে দৗসি কৗড়মিকো হোয়োঃ আকানা। এনডেখান মামনিয়াঃ দিলৗই- দেলা কুড়িকো পৗহিলরে অলঃ অৗকিল বন সেঁড়ায় মা, ইনৗপরে আপনার জাঁগাতে তেঁগো কেটেজ্ কাতে ঘারঞ্জ বোন তলা –নোওয়াক মেন্ মেন্তে
অড়াঃসেনে বলয়েনা।
.webp)
