সাঁওতারেন ‘Role Model’
পিলচু হাড়াম পিলচু বুড়হি রেন পপঁগ্ড়াকো অল্পড়নরে তেহেঞ অকা হররে ? তিনৗঃ ঠাঁওরে ? নোওয়া তেহেঞ শায়-কাড়াং টাকারেয়াঃ কুক্লি ? মিৎ অক্তে গরবান সান্তাড়ি পৗরসি, ছৗতিক কোদ “ঠার” কো মেতাঃকান তাঁহেন। ঠার মানে দ হোয় এনা-চেঁড়ে চুপ্রুৎ কোওয়াঃ চেরবের। “ইয়ারা ঠারে বোলছ্যে। পালা,পালা-ইয়ারা ‘মাঝি বঠে’। নংকানাঃ আয়মা লেকান ভেন্তা- ইরিচ্চিকি কাথা। ওনকো হড় হপন গে তেহেঞ মাধ্যমিক বোর্ড বিনিড রে টপ্ টেন রেকো হিজুঃকানা নোওয়াদ হুডিঞ কাথাদ বাং কানা। মাধ্যমিক রে তেহেঞ মৗই চয়নিকা মুরমু –(৬৮৩ নম্বর), বাবু কৃষ্ণ মুরমু (৬৬৯), মন্দিরা মুরমু (৬৫১),মার্শাল মান্ডি (৬৪৪), রাখহরি হাঁসদা (৬৪২), কিশলয় সরেন (৬৩৮) বিক্রম সরেন (৬৩৬), লাংতিতি কিস্কু (৬২৮),সারিনা হাঁসদা (৬১৭), সান্তাড়ি মিডিয়াম খনহঁ বাবু বুদ্ধদেব মান্ডি (৫৭৭),জয়দেব মাঝি (৫৫৮),সাহেব রাম মান্ডি (৫০৭) আরহঁ আয়মা বিরদৗগাড় রেন ঞুতুম বাং বাডায় আকান বৗবু-মৗই কো অৗডি নাপায় কো রেজাল্ট আকাদা।
এইচ্.এস. বিনিড রেহঁ নংকাগে হাহাড়া অর্জকো হামেট আকাদা হড় হপনকো। যেলেকা মৗই অলংকিনী বাস্কে (৪৭৩),অর্ক মাঝি (৪৭৩),রাহ্লা মান্ডি (৪৬৭) নতে সান্তাড়ি মিডিয়ামতে বৗবু অমরদ্বীপ টুডু (৪৪০),বিজয় মুরমু (৪৩৮),চন্দনা মুরমু (৪৩৬),শিবানী মান্ডি (৪৩১) সাঁওতে আরহঁ ঞুতুম বাং বাডায়তে বাং অলেন আপে সানামকোগে অৗডি অৗডি সারহাও আর দুলৗড় থুম তাঁহেয়েনা।
তবে সাঁও সাঁওতে বৗবু মৗই তেকোঠেন মিৎ বার আঁশ সে দাবী। বৗবু মৗই তেকোওয়াঃ দিশৗ দহয় লেগ্ কানা – আপেকোগে তেহেঞ খেরওয়াল সাঁওতারেন ‘Role Model’ । আপেকো মোদ্রে হাপেন দিনরে অকয় কোদ ডাক্তার, অকয়কোদ ইঞ্জিনিয়ার,অকয়কোদ আপিসার,প্রফেসার পে বেনাঃ তাবোনা। ভোগবাদী সমাজরে তেহেঞ ঞেলঃ কানা আয়মা হড়গে চৗকরি-বৗকরি ঞাম কাতে এরা-উরু আতে নাগার-বাজাররে গিরৗবাসী তায়ম মিৎ আলেদা বেড়াহায়কো তেয়ার এদা। ছৗতিক করেন আয়োবাবা মাতো কোর্টরে মামলা-মকদ্দমা কাতে হপন ঠেন খরপোষ ক আদায় এদা। দিশৗ দহয় লেগ্কানা যাঁহা সমাজ সে সাঁওতা খনবন রাকাব্ হেচ্ আকানা মান মৗচিরে দুড়ুপ্ তায়ম অনা সাঁওতা রেন রেঁগেচ্ নাচার,দুখৗলিয়ৗ,মুরুখ মৗনমিকো মোদ্রে মার্শাল ডাহার উনুদঃ রেয়া আঁগিভারহঁ আবোকোওয়াঃগে । চেদাসে ওনকো সানাম আবোকোওয়াঃ হারাবুরু, অলপড়ন লৗগিৎ টেক্স কো এম আকাদা,দায়া-দুলৗড় এম কাতেকো চাচো আকাৎ বনা। তবেই খানগে আবোদ ‘Role Model’ ।
মিৎ অক্তে সাধুরামচাঁদ মুরমু,পন্ডেৎ রঘুনাথ মুরমু এমান সুসৗরিয়ৗ,অনলিয়ৗ নংকা ‘Role Model’ লেকাতেকো তেঁগোলেন খৗতিরগে খেরওয়াল হপন লৗইতে তেঁহেঞ হড় হপন কোওয়াঃ কড়াম চেটাঃ কারধৗনি। তেহেঞ সানতাড় সাঁওতারে ‘Role Model’ অৗডি অভাব। গেয়ান-বিঞ্জান-প্রযুক্তি রে আপড়েতে লাহা কাতে সাঁওতারেন এটাঃ কহঁ অনা মার্শাল হর তেকো চাচো চালাঃমা নোওয়া হর উদুঃ রেয়াঃ দায়িত্হঁ আপে কোওয়াঃগে ।
নোওয়া করোনা আওহালরে সানামকো বেশতে, নায়-নাপায়তে তাঁহেন তাবোন পে। দিশম সাঁওতারে ‘Role Model’ বেনাঃপে, ‘Role Model’ তেয়ার কো তাবোন পে।
জহার সালাঃ-
ডঃ জলধর কর্মকার
সান্তাড় সাঁওতা আর লাগ্চার খঁদ্রঁদিয়ৗ
যাদবপুর বিশব্বিদ্যাল্য, কোলকাতা
মৗহিৎ- ২৪ শে জুলাই, ২০২০
.webp)
