রং তেবন এনেচ্ কান
জাহের আয়ো মুরমু
সেদায় তাঁহে কানা-
‘হড়তে রড় লেখান গে পেড়া’। নাহাঃহঁ মেনাঃ গেয়া মেনখান হরা বদল আকানা। অনারে রং মেশায়েনা
। হড়তে রড় লেখান উনরেগে পেড়া যুদি আবেনাঃ রং মেশায়েনা এনখান রড় হঁ মেশায়েনা। বাংখান
টেরা টেরা কপয়ঃ পারম। রড় সানারেহঁ বাং বেন রপড় লেনা। অজ্দ অনাগে রং বাং মিৎ লেন তাবেনা।
মেনখান বাংবেন হুদিশ লেদা আর মিৎ জৗতি রং দয় লাঁদা আবেন কানা আবেনাঃ নাহাঃ সৗগৗই ঞেলতে।
নংকাগে নিত্
আবো সাঁওতারে দং, লাঁগ্ড়ে, বাহা, সহরায়, বাপ্লা, ভাঁডান, লায়-নেমাচার, সাঁওহেৎ আখড়া এমান
এমান করে হঁ রং রেনাঃ এনেচ্ ঞেলঃ কানা। যাঁহায় যাঁহাটা রং রেন কানাকো ওনকো মিৎঠেন আর
যাঁহায় অনা রং রেন বাং কানাকো ওনকো আর মিৎঠেন। নংকা কাতে লিল, হৗড়িয়ৗর, আরাঃ, সাসাং, হেড়াঃ
কাব্রা এমান রং কতেবন জৗব্রৗ-খৗব্রৗও উতৗর আকানা। গোটা হড়মগে রং তে গাবাও আকানা।
খৗলি মেৎ তেৎ লোঁডো লোঁডো কয়ঃ কাতে ঞেলেৎ কোওয়ায় অকয় অকাটাঃ রং এ অজঃ জং আকানা। ঞেলেৎ
কোওয়ায় অকয় অকাটাঃ রং এ কুশিয়াঃ কানা আর অকয় অকাটাঃ রং রেন কানায়। ভিত্রি রেনাঃ জরং
জরং আরাঃ মায়াং হঁবন বদল দাড়েয়াঃ কানা; রং রেনাঃ দাড়ে জোরতে।
অকয় কদক মেন জং
কানা ঞামঃ কান রেদ, রং বদল তেদ কৗইদ অকারে ? যাঁহা রংতে ঞামঃআ অনা রং গে অজগ্মে। ঞেলাম
বার দিন তেগে আমাঃ রং গে পাল্টাও গদঃ তামা। তাতে সমাজ, সাঁওতা রেনাঃ চেৎ চেকায়েনা বাং
চেকায়েনা অনতেদ আলম ঞেলা।
সাঁওতারেন আয়মা
হড়গে ঞামঃ লভ্তে রং ক পাল্টাও এদা ঞিদৗ ভিতৗরতে। আর অনা রং রে তাঁহে তাঁহে তে আতো, দিশম, সাঁওতা, সমাজ
রেনাঃ আয়মা জিনিস বন আদ্ এদা। আপ্নারা রং গে সরেশ ব মেতাঃ কানা।
রং এনেচ্ দ আর
জৗতি করেহঁ দোল-পূর্ণিমা সে হোলি করে বার-পে মাহা ঞেল্ আকানা। অনা তালারে আবো সাঁওতারে
ঞেলঃ কানা গোটা সেরমাগে রং তেবন এনেচ্ কান। নুনৗগে আবোওয়াঃ রং ঢের আকানা।
মেনখান সাঁওতারে
অৗডি আয়মা হড়গে নংকান কিরিতিম রং বাং ক কুশিয়াঃআ, এনেচ্ হঁ বাং সানা কোওয়া। এনহঁ রং
এনেচ্ এনেচ্ তে পৗরুখিয়ৗ কদ, রং বাং কুশিয়াঃ হড় কঠেন দাও ঞাম লেখান গে রং লাস্রাও
তেহঁ বাংক তায়মঃ কানা। নে-হালেগে মানবাজার কাদলাগোড়া রেনাঃ সিধু-কানুওয়াঃ মুঠান রাপুদ্
হঁ অনারেনাঃ মিৎ সাবুদ্।
নিত্ আয়মা হড়াঃ বতর হিজুঃ
কানা তেহেঞ রং তেবন এনেচ্ কানা, গাপা আংরা সেঁগেলতে বাং বন এনেচ্ আতো ?
.webp)
.webp)
