আবোওয়াঃ ওয়েব পেজ্ – পছিম্ বাংলা ২২ আনাঃ SET বিনিড ২০২০,
রেনাঃ রেজাল্ট অডং আকানা। অনারে নিয়ৗবারহঁ আয়মা হড়াঃ নজর এ হৗর কেদা সিধো-কানহো-বিরসা ইউনিভার্সিটি। নিৎ ধৗবিচ্ তে বাডায় ঞাম আকানা ইউনিভার্সিটি খন ৪৭ গটাং পৗঠুওয়ৗ SET রেক কোওয়ালিফায়েড আকাদা। অনামুদ্রে বাডায় আকানা অনা জেগেদ বিরদৗ গাড় খন সান্তাড়ি ডিপার্টমেন্টরে নিত্ ধৗবিচ্ তে ১৬ গটাং পৗঠুওয়ৗ বৗবু-মৗই SET
রেক কোওয়ালিফায়েড আকাদা। উনকু কদক হোয়োঃকানা-১.শ্যামল টুডু ২. দেবব্রত কর্মকার ৩.বুদ্ধদেব
হাঁসদা ৪. মানসিং বাস্কে ৫.সুভাষ চন্দ্র মান্ডি ৬. গোবিন্দ মান্ডি ৭. অসীম কুমার মুরমু
৮.জীবনানন্দ টুডু ৯. ডাক্তার সরেন ১০. সহিত হাঁসদা ১১. লালু প্রসাদ মান্ডি ১২. ধনীরাম
টুডু ১৩. রমলী মান্ডি ১৪. শিঊলি হাঁসদা ১৫. মিরুবাহা হাঁসদা ১৬. পরমেশ্বর মুরমু।
নংকান রেজাল্ট
খৗতির সিধো-কানহো-বিরসা ইউনিভার্সিটিরে পৗঠুওয়ৗ আর মাচেৎক তালারে কুশি রেনাঃ ঝালাক্
ঞেল এনা। পুরুলিয়ৗ জিলৗ রেহঁ নোওয়া খবর পাশনাও সাঁও সাঁওতে আয়মা শিখনৗতিয়ৗ হড়হঁ রৗস্কৗক
সদর আকাদা। আয়মা হড়াঃ মচারেগে জিলৗ রেনাঃ গরব কাথা গেক সদর আকাদা।
নংকান রেজাল্ট
ইদিকাতে সিধো-কানহো-বিরসা ইউনিভার্সিটি, সান্তাড়ি ডিপার্টমেন্টরেন মুড়ুৎ মানতান শ্রীপতি
টুডু গমকে ঠেন আবোরেন খবরিয়ৗ আয়াঃ প্রতিক্রিয়া বাডায় লৗগিৎ কুক্লি দহ লেৎরে মানতান
টুডু গমকে লৗই সদর কেদা- নোওয়া “সিধো কানহো বিরসা জেগেৎ বিরদৗগাড় রেন সানতাড়ি বিভাগ রেন পৗঠুওয়ৗ কদ লেতাড় গে NET আর
SET বিনিড রে নাপায় অর্জ ক আমেট ইদিয়েদা। নওয়া রে আলে মাচেৎ কোওয়াঃ জাঁহা তিনৗঃ উদগৗও মেনাঃআ, অনাখন পৗঠুওয়ৗ কোওয়াঃ কুরুমুটু দ আরহঁ ঢের মেনাঃআ। ইঞাঃ আঁস মেনাঃআ, হাপেন দিনরেদ UPSC, WBCS লেকান বিনিড রেহঁ ভাগে অর্জ ক আমেটা। আগাম রে মিৎদিন হিলোঃ নুকু পৗঠুওয়ৗ গে দিসম রেয়াঃ ঞুতুম ক রাকাবা। উনকু আঃ আগাম জিয়ন লৗগিৎ ইঞাঃ দুলৗড় থুম তাহেঁয়েনা”।
.webp)
.webp)
