অড়াঃলক্ষ্মী
 |
| আকাশ মুরমু |
"ঞেল ঞেলতে এয়ায় চাঁদো হ পারোমঃ লৗগিদ কানা ডাঃ গাতেঞ মেতা আকাদেয়া গাপা গেলাং চালাঃ আ , নিয়ৗ গে মুচৗদ টেষ্ট "-কুয়ৗরাঃ নোয়া কাথারে বহঃ হুতমৗ কাতে সোহাগী দ হুডিং মাছায় হুঁ কেদা।বৗতি ক ইড়িচ কেৎতে কুয়ৗর দয় জৗপিৎ কেৎ রেঁহ সোহাগীয়াঃ মেৎ রেদ জৗপিদ বাং হেজ্লেন তায়া , নুন মারাং কিঁষৗড় মান্ডি বাখোল রেন সাধের বৗহু কিমিন । হিজুঃ কান নাওয়া ওয়ারিশ দ ভৗরিয়া কাতেয় হিজুঃ আ সে দিপিল কাতেয় হিজুঃ আ ,আর নতে কুয়ৗর আচ্ গগ চেৎ-এ খজঃ কানা , চেৎ হিসৗবগে বাং মিলৗ কান তায়া , বতর বতরগেয় অৗইকৗওয়েদা , হানা নাওয়া উইহৗর উইহৗর তেগে তিরেচয় জৗপিদ কেদা বায় বুজ দাড়েয়াদা।
ঞিদৗ সৗরদিয়েনা অকয়চয় রপড় কানা ফোনতে বায় উরুম দাড়েয়ায় কানা , এনহঁ রড় দ সাফা সাফাগেয় আঁজমেদা , " হেঁ হেঁ বাবু ! হেঁ গাপা গে ! অনাগে দরকার দ , নুন মারাং বাখোল অকয়ে ঞেলা ! লৗগ্তি হুয়ুঃ খান অনাগে করাও মে
!" সোহাগীয় চম্কাও বেরেদেনা , কুয়ৗর হঁ সাঁওতে বেরেদ কাতে গড় দাড়েয় এমাদেয়া , বুঝৗও আদেয়ায় , বুজ কেদায় , নিয়ৗ অক্ত দ নংকা হুয়ু গেয়া, মেতাদেয়ায় " 'সাওতে মিনৗঞাত চেদাম বতরঃ কানা , তালা ঞিদৗ কানা মা জৗপিদ মে !'' এনহঁ বতরান কুকমু কাথা সোহাগী দ বায় লৗই দাড়েয়াদা ।
সেতাঃ এনা বেড়ায় রাকাবেনা , হানা নাওয়া ভাবনা ভাবনাতে হুডিঞা কদয় কমিয়েদা , ঞেলকাতেৎ অড়াঃ মালকিন কুয়ৗর আচ আয়ো হেচ কাতেয় মেতাদেয়া , "বাহুয়ো ! আবেনদ আদ আলোবেন কৗমিয়ৗ । আলিং গিলিঞ সামটাও কাঃ কানা ,আবেনদ সাপড়াঃ বেন ,টিফিন লিং তেয়ারেদা "
।
চেৎহঁ বায় রড় দাড়েয়াদা , দহাবহা মনে আরো খিজলৗওয়েন তায়া । সৗত সৗপড়াওয়েনতে দহাবহা মনে বায় সামভৗড়াও দাড়েয়াদতে সেন কাতেয় মেতাদেয়া -"য়ু, হিজুঃ কানকো নাওয়া পেড়াতাবন ভৗরিয়া আতেৎ বাং কাতে দিপিল আতেৎ এ হিজুঃ খান ? "মচা গসয়েনা ,চেহরা মলিনেনা
। সুররে হেজ্ কাতেৎ মলং রে চঃ কাতেৎ হবর আতেয় মেতাদেয়া
, "বৗহুয়ো , লক্ষ্মী কিমিন রেনদো ,অড়াঃ লক্ষ্মী গেয় হিজুঃ আ "। আরহঁয় চঃ আদেয়া । গেট ঝিজ এনা , মলিন আকান চেহরা সাড় বাহা লেকা জিয়ৗড়েনা , অন্তররে মিৎটাং কাথাগে তারকো আয় কানা "অড়াঃ লক্ষ্মী" গেয় হিজুঃ আ !
.webp)
.webp)
