কৗরমু আঃ কুকমু
 |
| গুলন চন্দ্র মুরমু |
মিৎ রৗসি আতু রে কৗরমু ঞুতুমৗনিচ্ গুতি কড়ায় তাঁহে কানা। সারা বছর এ কৗমি রেহঁ,বাহা,সহরায় করে পে দিন দ সাত কাম বৗগি কাতেৎ ছৗড় এমায় হুয়ুঃ আ। অনাগে উনিয়াঃদ রৗস্কৗ তায়,নায়কে বাবা সাঁও সৗত সাপ্ড়াও কাতে ,জাহের,গট্ বঙ্গা থান্ রে সেটের কাতেৎ সানাম লেকান ষোল আনা কৗমি কয় সুসৗরা।
মিৎ দিন আতুরে হারা গদঃ জুওয়ৗন কড়া, আঃ কাটা, সে ফুলি পৗউরৗ ফুটৗনি কাতেৎ এ ঞু লেৎতে বেচারা,নাঁড়রি ক অড়েচ্ আঁড়গ লেন তায়া । আদ রাঁডি আকান্ আচ গগ দ পৗউরৗ পৗউরৗ সঃ লেদেতে মচা করেয়্ জিঁ বাড়া লেদেয়ায় অড়াঃরে। উনি কড়া দ সেতাঃতে বঙ্গা তালা এনখান,,মা চৗমটু ওঝাদ বাতার এ ঞাম কেদ্তে কৗটিচ্ কৗটিচ গিদরৗ সামাং করে খায়খয়তে লৗই বাড়া কেদায়, বাংমা আচ্ গগ গেয় জম কেদেয়ায়।
নংকাগে মিৎ হড় লাড় এ জটেদ্ লেদেতে চৗমটু ওঝা পেদিন ঝাড় কাতেৎ রেহঁ বায় বেশ দাড়ে আদেয়া,কাথাচ্ চালন গে বাং কাটাও লেনা আদ ক গতি গঙ্গা কায় লৗগিৎ,খান কারমু দ পৗউরৗ আগুক কুল কাদেয়া ষোলো আনা। গুতি কড়া তো, বাং হঁ বায় মেন্ দাড়েঃ কানা, চালাও এন গেয়ায়। আর অৗগু কাতেৎ সানাম ক ঞু হৗটিঞ বাড়া কাতেৎ দক এহব্ কেদা,হাপে সারহা রে বাংবন্ লাদে হাতাড়েয়া! যাঁহায় ডৗন এ চালন আকাৎআঃ উনি বন পাঞ্জা অৗগু লেগে। আদ হৗনি ডৗন্ ,নুই ডৗন কাতেৎ দমে ক তাপাম এনা। মুচৗৎরে মিৎ বার হড়াঃ জুলুমতে কৗমি দক পারম কেদা।
গুতি কড়া দ পৗউরৗ ক বায় ঞু বাড়ায় তে অড়াঃ রুওয়ৗড় কাতেৎ অৗডি দুঃখ সালাঃ জৗপিৎ কেদা। কুকমু তে জাহের এ সেন আকানা মারাং বুরু জাহের আয় ঠেন্,আর এ কুলি এৎ কিনৗ,এতে মারাংবুরু চেৎ খৗতির নংকান দশা? মারাং বুরু লৗলৗই কানা - অলঃঅৗকিল বিরদৗ যাহাঁ তিনৗঃ বৗড়তিঃ কানা,উনৗঃ গে ডৗন্ বিরদৗ বতর্ তে দৗড় জং কানা ক। তবে দৗড়,দৗড় তে নিৎ দ চুকু মেনাঃ কোওয়া নোওয়াক জায়গা করে - ১) সিম জম ওঝাঠেন ২)পৗউরৗ ভৗটি, আর ৩) "করে দিব"পার্টি । নঁডে খন্ সাহারে তাহেঁন পে। বাং খান তাপাম,গপচ্ কাতেৎ সান্তাড় পে ছিতির বিতির চাবাঃ আ। জাহের করে বঙ্গা বুরু অক্ত সেরমা রে মিৎ ধাও মিৎ সাঁওতে গড্ কাতেৎ,নাপায় লে তাহেঁন মা মেন্ তে বাঁখেড় হট কাঃ লেখান গে নাপায় পে তাহেঁনা। মিৎ বার রুওয়ৗ হৗসু করে দ ডাক্তার ঠেন গে চালাঃ পে,কৗরমূয় এভেন এনা। দিশৗ অৗচুর কাতেঃ মেন জং কানা,সৗরি কাথা গেতঞ কুকমু কানা। মেন্ খান গুতি কড়া হাঃ কুকমু কাথাদ অকয়ে বাতাও আ ?
.webp)
