(হুডিঞ মাছা কৗহনি)
পরান  |
| নিকোলাস মারানডি |
উনহিলোঃ যখন দবাটিয়ৗরে পরান দ এটাঃ জৗতি রেন পে-পোন হড় মিলৗউ কাতেকো দালে কান তাঁহেনা , উন দ অঁডে তাঁহেলেন আয়মা হড়গে চাহাপ কাতেকো কয়ঃ আকাৎ তাঁহেন। অকয়হঁ হাঁহাঃ বাকো মেনলেদা। উনি ছাডাওয়ে বাং কাতে আয়মা হড়কো মেনেৎ তাঁহে , " চেৎ এ বৗড়িচ্ আকাদায়, অনাতেগে পাশেচ্ চকো দালে কানা। ঠিক ইনৗ অকতেরেগে সোর আতোরেন ঝাদে মাহাশয় দ সাইকেল তেয়ে পারমঃ কান তাঁহেনা , আদ উনিগেয়ে ছিনডৗউ বাড়াকেৎ কোওয়া । আদ অঁডে তেঁগো কাতে ঞেঞেল্ হড়ে মেতাকো কানা - আপেদ চেৎ লেকান হড় , মিৎ হড় মুহিমরে ঞেল কাতেহঁ বাংপে ছিনডাউ এদেকানা। আদ মিৎ হড়ে মেন কেদা ," বৗড়িচ্ আকাদায় মহাশয় ।" আদ ঝাদে মাহাশয় দ অৗড়িস মাছা কাতেয় রড় কেদা - আরে বাবা বৗড়িচ্ আকাদায় সেয় চেকা আকাদা , অনাদ তায়ম রেয়াঃ কাথা, আদকো দালেয়া চেদাঃ, বিচৗর দ মেনাঃ আসে বাং? আছা উনিগে এটা হড়ে তাঁহেলেন খান , যাঁহা তিনৗঃএ বৗড়িচ্ আকাৎ, হাতেম লাগাও দাড়েয়াঃ কেয়া ? জৗনিচ্ বাং যত সব নে হড় বেলা রেগে নওয়া আবসথা। আর নোওয়াগে হড় হপন চেদাঃ বাপে বুঝৗও এদা ।" আর অনাক রড় বাড়া কাতেয় চালাও এনা ।
উনহিলোঃ আঃ নোওয়া ঘটন তায়ম , পরান দয় বদলেনা । আতোরেন হড় সাঁও আদ ঠিক মত বায় রড়া। বরং অনারেয়াঃ উল্টৗ বেওহারে এহপ এনা । অকা দবাটিয়ৗরে পরান কো দাল লেদেয়া অনা মিৎটেন মোড় লেকান জায়গা কানা । অঁডেদ সেতাঃ অৗয়ুপ মারকেট বাজার হোয়োঃ কানা । অনাদ মেইন সড়ক আড়ে রেয়াঃ ভাগে পজিশন জায়গা কানা । আর অনাদ মিৎ অক্তে একেন হড় হপনাঃগে তাঁহেকানা আর নিতহঁ কিছু কিছুদ মেনাঃ গেয়া বাকো আখরিঞ চাবা আকাদা । আদ অনা জায়গাগে যখন পৗহিল পৗহিল হড় হপনকো অৗডি কম দামতে এটাঃ জৗতি হড় ঠেন কো আখরিঞ এৎ তাঁহেনা । উনদ পরানগে হড় হপনকোয় মানায়েৎকো তাঁহেনা যেমন আলকো আখরিঞ মা । এনতে হড়াঃ জমি হড় কড়াকো গে দকান পাটকো বেরেদা , নংকা আয়াঃ হুদিস তাঁহে কান তায়া। আদ যখন হড়ে মানায়েৎ কো তাঁহেনা, আর যখন আয়মা হড়গে এটাঃ হড় ঠেন জমি বাং আখরিঞ রেয়াঃকো মেনেৎ তাঁহেনা , উনদ আয়মা এটাঃ জাতি হড় পরানরেন বৗইরি কো হোয়লেনা ।
তবে এনহঁ ওনকোদ ছলেবলে কৌশলে দকান লৗগিৎ জমিকো হাতাও লেৎ গেয়া । আর পরান দ দেওনিয়ৗ মাছা হড়ে তাঁহেকানা । অনাতেহঁ এটাঃ জৗতি হড়দ অৗডি গেকো এদ্রে আয়া। আর উনি চেতান রাঁগাওদ তাঁহে ইদিলেন গে তাকোওয়া । অনাবেগর উনহিলোঃ আঃ ঘটনারে পরানাঃ দোষ গেবাং অকারে তাঁহে লেন তায়া। ঘটনা দ চা দোকান খন গে এহপ আকানা । অনা চা দোকানরে দুড়ুপ আকান আর কদ হড়াঃগেকো অক্তায়েৎ তাঁহেন। আর অঁডে তাঁহেকান পরান দয় লকা দারাম গৎ কেদা ।এনতে অৗডি দিনখন আজঁম আঁজমতেয় অৗড়িস আকান তাঁহেনায় । আর উনহিলোঃ দয় রড়দারাম কেৎখান, ওনকোদ কো উনি বিরুদ এনা আর উনি চেতান তি-কো লাগাও লেদা। আর দোষদ উনিয়াঃগে হোয়েন তায়া। দসার মাহা খবর কাগজ রে বাডায় ঞাম এনা বাংমা দবৗটিয়া মোড়রে মিৎ হড় ঞু-বুল কাতে হড় সামাং করে আলতু-ফৗলতু মেন খৗতির সাঁগে হড়াঃ দালে জম আকাদা।
.webp)
