(হুডিঞ কৗহ্নি)
কৗমি কুড়ৗই
 |
| সীতেন মাণ্ডি |
আমাঃ কৗমি রে পৗতিয়ৗও দহয় মে,অক্ত রে কৗমি তালা তেগে কৗমি কুড়ৗই ঞামঃ আ সে অক্ত রেনাঃ যাঁহা গনং অনাদ পাঞ্জা ঞামঃ আ। কৗমি মাড়াং রেগে কৗমি কুড়ৗই চেৎ ঞামঃ আ সে বাং ঞামঃ আ, অনাক ইদি কাতেৎ অৗডি বন গুনি.ভৗবিঃ আ। সংস্কৃত তে মিৎটান কাথা মেনাঃ আ “মা ফলেষু কদাচন" অকয় কদ বন মেনা এটাঃ হড় কৗমিরে অৗউরি ক ধুরৗঃ আ,আয়মা অক্ত মেনাঃ গেয়া। কাথারে মেনাঃআ অক্ত আর উমের দ গাডা দাঃ লেকা গে লিঙ্গি আকা গে মেনাঃ কিনৗ। হালে গে অডক আকান M.P & H.S Exam 2020 রেনাঃ Result রে যাঁহায় মৗই বৗবু তাকো অৗডি ভৗগি সে Out standing result কাতে আবো সাঁওতা রে Role Model সে " জুলুঃ ইপিল" লেকাক মারশাল আকানা অনারেনাঃ কারণ এ লৗই আকাদা অক্তমাছা আকোওয়াঃ কৗমি ক করাও আকাদা ,কৗমি বাং সৗত্ ( complete) ধৗবিচ্ বাংক থির আকানা। অনকা গে আবো সানামক যথাৎ অক্ত রে আবোওয়াঃ কৗমি বন কৗমি লেখান সরগ পুরিরেন দেবলোক হঁ কুশি রৗস্কৗতে থুম সে অৗশীষ ক চাল আবোনা। নওয়া কাথা তিনৗঃ সৗরিয়ৗ মিৎটান হুডিঞ কৗহ্নি তেগেবন.বুঝ ঞামা- যেলেকা আষাড় বঙ্গা সেটেরেনা এন হঁ বায় দাঃ এৎতে পুন্য়ৗ, চৗষি হড় ক গাপাল মারাঃ কানা, চেৎবন চিকৗয়া? চাষ কৗমি বাং হুয় লেনখান চেৎবন জম্ ঞুয়ৗ ? উনকু মুদরে মিৎহড়ে মেন কেদা সেরমা জৗড়ি আঁড়গ লেকান দাড়েত বৗনুঃ তাবোনা, আবো দ আবোওয়াঃ কৗমি অক্ত রেগেবন করাওআ। নুই চৗষিয়াঃ কাথা আঁজম কাতে ইংরেজি মিৎটান কাথা দিশৗ হেচ্ এনা "Make a habit of doing it now" দশার হিলঃখন গে উনকুদ ক্ষেত বৗইদ্রে কুরুমুটু কাতে চাষ, কৗমিক এতহব কেদা। নুকু ঞেলতে মারাঃ চেঁড়েদ অৗডি ভাবনারেক পাড়াও এনা। মেনাক তাই তো দাঃ মাত বায় জৗড়ি আকাদ্ এন হঁ নুকু চৗষি হড় দ আকোওয়াঃ কৗমি ক ছুটৗও এনা। আবো হঁ আবোওয়াঃ কৗমি বন করাওআ। আদ মারাঃ চেঁড়েদ অৗডি জোর জোর তে রাঃ রাঃ ক এতহব কেদা। মারাঃ রাঃ আঁজম কাতে রিমিলে মনে য়েদা ইঞ বাং সাডে তেগে চেদাঃ ক রাঃ এদা? বুঝৗও কেদায় অক্ত রেগে সানাম ক কৗমিয়েদা। উন দ রিমিল অৗডি জোর হাড্ হুডেনা,আর নওয়া সাডে আঁজম কাতে সরগ পুরিরেন দেবালোক ক কুশি-রৗস্কৗতে দাঃ জৗড়ি রেনাঃ ক গটা কেদা আর সাঁও সাঁওতে সেরমা খন ঝামার ঝামার দাঃ জৗড়ি এহব এনা
.webp)
