আবোওয়াঃ ওয়েব পেজ- দারায় কান ৩১ আগস্ট হৗবিচ্ পনৎরে হাপ্তারে বার দিন কাতে পুরৗপুরি লক্ ডাউন চালাঃআ। হলা বালে মাহা তারাসিঞ বেড়া নবান্ন খনাঃ অনলাইন খবরিয়ৗ দুপুড়ুপ্রে পনৎ রিনিচ্ মুখিয়ৗ মন্ত্রী মমতা বন্দোপাধ্যায় নোওয়া কাথায় রড় সাডে কেদা। অনা আওতারে ৯ আগষ্ট লক্ ডাউন পাড়া কানা ঞেল্তে সোস্যাল মিডিয়ারে আদিবাসী কোওয়াঃ রড় দারাম হয়-ভান্ড লেকা রাকাপ্ এনা।
বাডায় আকানা জুলাই
চাঁদো রেনাঃ পারমেন হাপ্তা খনগে পনৎ সরকার হাপ্তা পিছে বার দিন কাতে পুরৗপুরি লক্
ডাউন তাঁহেনা মেন্তে রড় আকাদায়। করোনা ভাইরাস রেনাঃ মালা তপাঃ লৗগিৎগে নংকান বন্দেজ,
আর অনাগে জারি তাঁহেনা। অনালেকাতে আগস্ট চাঁদো রেনাঃ ২, ৫, ৮, ৯, ১৬, ১৭, ২৩, ২৪ আর ৩১ হিৎ
কদ পুরৗপুরি লক্ ডাউন তাঁহেনা। মেনখান বিশেষ মাহা লেকাতে ঈদ্, বক্রি, মহরম্, রাখী
বন্ধন এমান এমান মাহা কদ লক্ ডাউন আওতা বাহ্রেরে দহ হোয় আকানা আর অনাকদ লৗই সাডে
আকানা। নোওয়া খবর ঞেল্ কাতে সোস্যাল মিডিয়ারে আদিবাসী কোওয়াঃ হয়-ভান্ড লেকা রড় দারাম
ঞেল এনা। বিশেষ কায়তে ৯ আগস্ট জেগেৎ জাকাত আদিবাসী মাহা কানা। গটা ধৗরতি রেন আদিবাসী
হড় নোওয়া মাহাক মানাও আগুয়েদা। পছিম বাংলা রেহঁ আয়মা আদিবাসী হড় মেনাঃ আকাৎ কোওয়া।
আর নে-হৗবিচ্ বছর সেরমা গে পছিম বাংলা রেহঁ নোওয়া জেগেৎ জাকাত আদিবাসী মাহাক মানাও
আগুয়েদা মেন্তে দাবি রাকাপ্ আকানা। কাথা রাকাপ্ আকানা নোওয়া কি পনৎ সরকারআঃ বাডায়
বানুঃ আকাদা ? সে আদিবাসী কান তেগেক নংকান অনহেঁড়া ঞেল্ হোয়োঃ কান তাকোওয়া মেন্তেহঁ
আদিবাসী পাহ্টা খন কাথা রাকাপ্ আকানা। ঈদ্, বক্রি, মহরম্, রাখী বন্ধন এমান মাহাক
যুদি বিবেচনা মাহা লেকাতে লেখাআ এনখান আদিবাসী কোওয়াঃ ৯ আগস্ট জেগেৎ জাকাত আদিবাসী
মাহা চেদাঃ বিবেচনা মাহা লেকাতে বাং লেখা লেনা ? অনা মাহা কি ভৗবিত্ বাং গান কঃআ
? তবে চেৎ আদিবাসী কদ ভারত দিশম রেন নাগারিয়ৗদ বাং কানাক, নংকান কাথাহঁ সোস্যাল মিডিয়ারে
গুরলৗও বাডায় ঞেল আকানা। আদিবাসী এম.এল.এ. আর এম.পি. কোওয়াঃহঁ নোওয়া ঞেল্ লৗগ্তি
তাঁহে কানা মেন্তে কাথা রাকাপ্ আকানা।
অনালেকাতে আয়মা
আদিবাসী হড় পাহ্টা খনগে ৯ আগস্ট লক্ ডাউন আওতা খন তুলৗও রাকাপ্ লৗগিৎ আরজিক দহ আকাদা
মেনতেহঁ বাডায় আকানা। বাংখান ৯ আগস্ট খন গে আদিবাসীক আরহঁ নাওয়া কারতে পনৎ সরকার বিরুধরে
হুলসৗই ক এহবা মেন্তে হুঁশিয়ৗরিহঁক এম আকাদা মেন্তেহঁ বাডায় আকানা। চেদাসে নোওয়া
জেগেৎ আদিবাসী মাহা রেগে আদিবাসীক আকোওয়াঃ মানবাধিকার, পুরিবেশ লাহান্তি, সেচেৎ লাক্চার
এমান আয়মা সাতাম রেনাঃ আনাট আর সলহে চেতান গালচ্ আখড়াক সাপ্ড়াওআ মেন্তে বাডায় আকানা।
তবে মুচাৎ ধৗবিচ্
রেনাঃ খবররে বাডায় ঞাম আকানা যে, বা-বার ধাও শুধ্রৗও কাতে ২ আর ৯ আগস্টদ লক্ ডাউন
বাং তাঁহেন কানা। চেদাঃ ২ আর ৯ আগস্টদ লক্ ডাউন বাং তাঁহেনা অনারেনাঃ অজে লেকাতেদ
ধরম পরব আর বিশেষ মাহা কানা মেন্তেগে বাডায়ঃ কানা। আয়মা হড় দহড়া নোওয়া খবর বাডায় ঞাম
কাতেক রড় আকাদা যে আদিবাসী কোওয়াঃ নংকান রড় দারাম রেনাঃ অজে তেগে পালেন সরকার পিছ্লৗও
রুওয়ৗড় এনায়।
.webp)
