( হুডিঞ মাছা কৗহনি )
জড় কিশনি
 |
| গুলন চন্দ্র মুরমু |
আলে বেড় ভিতির কুঞ রেগে মিদ্ জুরি কিশনি চেঁড়ে কিন্ তুকৗ আকাদা। উনকিন কিশনি দ কুঞ বুটৗ সেন লেন খান্ গে উডৗও দৗড়্ গৎ কাঃআ কিন, আর হড় এম দৗড় লেখান গে আরহঁ কিন্ উডৗও আঁড়গ গদঃ আ। একলা গেকিন তাহেঁ না,এটাঃ কিশনি সাঁও দ বাং কিন মেশা আ।
দিন দ কানা ঝেঁট মুচৗদ্ মুচৗদ্। কুঁঞ রেনাঃ দাঃ হঁ অৗডি লাতার রেগে মেনাঃ আ। তবে অঁডে খন্ ৫০ মিটার গান সুর রেগে মিৎটাং বাড়ে দারে রে অৗডিগান কিশনি চেঁড়ে হেজ্ জাওরা কাতেৎ দমে ক চের বের আ। মনে হুয়ুঃ আ,জৗনিচঃ চেৎ চংক আচার বিচৗর এদা। হয় দাঃ দিন কানা তো। অকা করে বোন্ তাঁহেনা,অকা করে বোন্ তুকৗ বাসাঃআ,অনা কগে ক পালে গালমারাও গোটায় এদা।তবে নুকিন দ উনকুওয়ৗগ্ সুরসূপুর হঁ বাং কিন্ চালাও বাড়াঃ আ। একলা একলা গে দমে কিন্ নিন্দা কোওয়া,যে লেকা,,,,,জম্ ঞু কাতেঃ কৗমি গে পালেন বৗনুঃ তাকোওয়া,জাওরা কাতেৎ দমে গোল মাল ক ধুরৗও আকনা । আলাং যাঁহা জায়গা রে তূকৗ লাং বেনাও আকাদা সে, চিলি চাঁদ হঁ বাং ক বৗড়িচ কেয়া, বাং সে ? আদ দমেকিন চঃ চেরেজঃআ আর মনে মনে তিমিন গরব জংআ।
নং কা গে দিন্ ক পারম এনখান্ আষাঢ় বঙ্গা মুচৗদ্ সেন্ দমে জৗপুৎ কেদায়। কুঁঞ মা দাঃ তে পেরেজ্এন্,। তুকৗ ক,বেলে ক জতনাঃ উকুল ডুবুল ডুবুচ্ চাবায় এন তৗকিনা। অৗকিন মা উডুক কাতেৎ ঝামার ঝামার দাঃ রে ডুডুর্ কুচ্ কাতেৎ কিন্ রাঃ জং কানা । জৗনিচ্ খান পালে অনা জাওরা ঠেন কিন্ সেন লেন খান দুঃদারাম রেনাঃ বুরধি হঁ কিন্ ঞাম কেয়া।
দাঃ অৗসুড় কাতে ঞেল কোওয়া কিন বাড়ে দারে রেন কিশনি দ পৗহিল লেকাগেক চেরবেরঃ কানা। মনে মনেতে মেন জং কানাকিন জুমিদ্ তে তাঁহেন রেনাঃ রাসা গে যুদৗ গেয়া।
দাঃ অৗসুড় কাতে ঞেল কোওয়া কিন বাড়ে দারে রেন কিশনি দ পৗহিল লেকাগেক চেরবেরঃ কানা। মনে মনেতে মেন জং কানাকিন জুমিদ্ তে তাঁহেন রেনাঃ রাসা গে যুদৗ গেয়া।
.webp)
