সারি ধরম হাঁসদা
বিচৗর রেনাঃ অরজো যুদি
লমপুটিয়ৗআঃ তিরেম চাল কাদা ।
তবেখান মিৎটেন সুসৗর কৗমি ঞুম কাতে
আরহঁ- মিৎটেন বৗড়িজ কৗমিরেনাঃ ইতৗ দ
পালেন আমগেম এর কাদা ?
বাডায় কাঃমে-বিচৗর দ ইঞাঃ আমাঃ
সানাম হড়াঃ সমান মেৎতেয় ঞেঞেলা।
অরজো দ সৎ হড়াঃ তিরে চালমে।
ঞেলাম উনি দ অৗওহৗ অৗনকৗড়ৗ বুসুব বোল লেকা দ বায় খেলা।
আরহঁ বাডায় কাঃমে ইতৗ দ আমাঃ,
আমাঃ জতন জগাওরে মেনাঃ
অনা দ এর লেখান অতরে অমনঃআ, দারেঃআ-বাহাঃআ- জঃআ।
জৗরিতে দ অনা দ আমাঃ কানরেহঁ ভোগ জংআ ক হড়
হড় ঠেনগে অনাদ চালাঃআ।
আমদ অকা বিচৗর রেনাঃ সনমেল অরজোম গসেজ ওডোকেৎ কান।
অঁডেদ মেনাঃআ হাপেন বাঁঞ্চাও তাহেন রেনাঃ জিউয়ি রেহেৎ রান।
আম-ইঞ-উনিয়াঃ সানাম হড়আঃ সৗগৗই আসান
অনাতে মেনগঃআ- আলম দহয় বিচৗররে পাহটা আজার,
হাপেন অনা আজারতেগে আম হঁয়- তরজ কামা ডাহাও আতার।
বিচৗরদ বাং কানা খেলাং খুচি
বাং কানা অকয় লৗগিৎ নিসড়ৗও উনুম হৗরওয়ৗ দুচি।
অনাদ কৗমি রেনাঃ অরজো আরোজ,
বোগে হরতে তাড়াম রেনাঃ রুখিয়ৗ কবজ।
মৗন মৗনতে মৗনরেগে মেনাঃআ অঁডেদ ধরম দাড়ে,
তবে ত হৗরওয়ৗ রেয় তাহেনা অপার নিরিঘিন বৗড়িজ এড়ে।
.webp)
