আবোওয়াঃ ওয়েব পেজ্- হলা ১৭জুলাই এইচ্.এস.রেনাঃ উডুক এনা।
নোওয়া রেহঁ সান্তাড়ি পঠুৗওয়ৗ বৗবু-মৗই তাকো নাপায় রেজাল্ট আকাদাক মেন্তে বাডায় ঞামঃকানা।
যাঁহারে বাংলাতে পাশ রেনাঃ হার ৯০.১৩% অঁডে সান্তাড়িতে ৮৬.৪৬% । নিহৗতি কম দ বাং কানা।
যাঁহারে বাংলাতে সানাম লেকান পুরিবেশ আর পরিকাঠামো তাঁহেকানা। অনা জায়গারে ঞেল আকনা
সান্তাড়ি মিডিয়ামতে অনকা চেৎ পুরিবেশ আর পরিকাঠামো গে বাং তাঁহে কানা বরং অলঃ পাড়হাওরে
আয়মা লেকান এটকে টঁড়ে ঞেল আকানা।
বাডায় আকানা সান্তাড়ি
মিডিয়ামতে পাড়হাও আকান পৗঠুওয়ৗ বৗবু-মৗই তাকোওয়াঃ অৗডি লেকান আনাট। অকারে ভরতি করেনাঃ
আনাট, অকারে লৗগ্তিয়ানাঃ পুঁথি-পতব রেনাঃ আনাট, অকারে সান্তাড়ি সাতাম ভিত্তিক মাচেৎক
রেনাঃ আনাট। বাডায় আকানা নোওয়াক দাবি পুরুন
লৗগিৎ ঘানে ঘানেগে আন্দোড়রে লাহা হেচ্ আকানাকো ভারত জাকাত মাঝি পারগানা মহল,ভারত জাকাত
মাঝি যুওয়ৗন মহল, আসেকা, আদিবাসী সান্তাড়ি পৗঠুওয়ৗ গাঁওতা লেকান আয়মা সান্তাড়ি সংগঠন।
ঞেল্ আকানা নোওয়াক দাবি পুরুন লৗগিৎ আয়মা জায়গারে রেল রোকো,ডাহার জাঁগে দারাম, ডি.আই.
আপিস ঘেরাও সাঁওতে ডেপুটেশনক এম হোয় আকনা। অনাতে তেহেঞ সান্তাড়ি মিডিয়ামতে অলঃপাড়হাও
রেনাঃ মিৎ নাগাম তেয়ার এনা মেন্তে আয়মা বুরধিজীবিক আকোওয়াঃ মত ক সদর আকাদা। আর উনকু
পৗঠুওয়ৗ বৗবু-মৗই তাকো যাঁহায় কদ নুনৗ আনাট তালাতেহঁ আকোওয়াঃ অলঃপাড়হাও রে খৗমতি বাং
দহ কাতে লাহা হেচ্ আকানাক আর নাপায়কো রেজাল্ট আকাদা উনকু সানাম পৗঠুওয়ৗ বৗবু-মৗই তাকো
দিশম হড় আয়মা আয়মা সারহাওকো চাল আকাৎ কোওয়া সোস্যাল মিডিয়া তালাতে। উনকোয়াঃ অৗখির জিয়ন
আরহঁ নাপায়ঃমা আরহঁ হাপেন দিন রেনাঃ বিনিড করে চেতান ঠাঁওরে দাও ঞাম্মা মেন্তে দুলৗড়
আশীষক চাল আকাৎ কোওয়া।
আবোরেন খবরিয়ৗ নিৎ ধৗবিচ্তে জাঁহা তিনৗঃ পৗঠুওয়ৗ
বৗবু-মৗই তাকোওয়াঃ অর্জয় তুমৗল দাড়েয়াকাদা নঁডে উন্ কোওয়াঃ ঞুতুম আর গুট নম্বর সদর
হোয় এনা-
সান্তাড়ি মিডিয়ামতে -অমরদ্বীপ টুডু-৪৪০,বাঁকুড়া শালতোড়া রেনাঃ
চাঁদড়া কল্যান হরিজন হাইস্কুল খন। বিজয় মুরমু-৪৩৮, সীতানাথপুর এস.এস. হাই স্কুল, চন্দনা
মুরমু -৪৩৬, পছিম্মেদিনীপুর রেনাঃ দামোদর ধীরেন্দ্র বিদ্যাপীঠ, শিবানী মান্ডি-৪৩১,বাঁকুড়া
হীড়বাঁধ হাই স্কুল,শোমবারি হাঁসদা-৪২৬,সীতানাথপুর এস.এস. হাই স্কুল, ধানশোল আদীবাসী
হাই স্কুল, কল্পনা টুডু-৪১৭,বাঁকুড়া হীড়বাঁধ হাই স্কুল,সালখান হেম্ব্রম-৪১০, ধানাড়া
বিক্রমপুর ভি.এস.পি.এম. হাই স্কুল, সঞ্জু মুরমু-৪০৯,সীতানাথপুর এস.এস. হাই স্কুল, কবিতা
মান্ডি-৪০৫, বাঁকুড়া হীড়বাঁধ হাই স্কুল, ভোলানাথ টুডু-৩৯৭,নেপুরা বিজলী রাণী হাই স্কুল,
মার্শাল কিস্কু-৩৯৪,বাঁকুড়া হীড়বাঁধ হাই স্কুল, বীরমল হেম্ব্রম-৩৮৬, লক্ষীকান্ত মুরমু-৩৮৫,পছিম্মেদিনীপুর
রেনাঃ দামোদর ধীরেন্দ্র বিদ্যাপীঠ, জয়শ্রী সরেন-৩৭৭,বাঁকুড়া হীড়বাঁধ হাই স্কুল, এভেন
সরেন-৩৭৭,বাঁকুড়া হীড়বাঁধ হাই স্কুল, শ্রীমন্ত হেম্ব্রম-৩৭৩,পছিম্মেদিনীপুর রেনাঃ
দামোদর ধীরেন্দ্র বিদ্যাপীঠ খন।
 |
| রাহলা মান্ডি |
বাংলা মিডিয়ামতে –নিৎ ধৗবিচ্ বাডায় আকানা অলংকিনী বাস্কে-৪৭৩,পুরুলিয়া
জেলা রেনাঃ বান্দোয়ান আর.এন.ঝাঁ. হাই স্কুল খন, অর্ক মাঝি -৪৭৩,বর্ধমান রেনাঃ মেমারি
বিদ্যাসাগর স্মৃতি বিদ্যামন্দির, রাহ্লা মান্ডি-৪৬৭,বাঁকুড়ারেনাঃ ইন্দপুর গোয়েঙ্কা
হাই স্কুল খন, দেবদাস মুরমু-৪০১, বর্ধমান রেনাঃ বার্ণপুর সুভাষ পল্লী নিকেতন খন।
বাডায় আকানা ৩১
জুলাই মুদ্রে মার্কশীটক ঞামা আর দারায় কান চাঁদো রেনাঃ ১০আগস্ট খন কলেজ রেক ভরতি দাড়েয়াঃআ।
.webp)
