আবোওয়াঃ ওয়েব পেজ –
অনলিয়ৗ বৈদ্যনাথ মান্ডি দ আর বৗনু গেয়া। বাডায় আকানা হলা ২৪ জুলাই উনিদ খড়গপুর রে মেনাঃ
আয়াঃ অড়াঃরে যায়যুগ লেকা নোওয়া ধুড়ি ধৗরতি বৗগি হট আদায়। উমের দ হুয় লেন তায়া ৭৭ সেরমা
লেকা। বৈদ্যনাথ মান্ডিয়াঃ জানাম দ ১অক্টোবর ১৯৪২ সালরে বাং হৗটিঞ মেদিনীপুর জিলৗরেনাঃ
বিনপুর থানারে মেনাঃ বেনা চাপড়া আতোরে। আচ্ বাবাহাঃ ঞুতুম দ বাবুলাল মান্ডি আর আয়ো
ঞুতুম দ তাঁহেকানা সলমা মান্ডি।
বৈদ্যনাথ মান্ডি
দ রামগড় হায়ার সেকেন্ডারি স্কুল খন এইচ্.এস পাশ তায়নম খড়গপুর রেলওয়ে ওয়ার্কশপ্ কৗমিরে
বহাল লেনায়। উনিদ অৗডি পৗহিল খনগে সান্তাড়ি পৗরসি চারচাওরে আঁড়গলেন তাঁহেনা। উনিয়াঃ
উছৗন আকান পুঁথি কদ হুয়ুঃ কানা- ‘অলঃদুরাং’ (প্রাইমার)-১৯৭৭, ‘সাঁওতালি লোক সংস্কৃতি’
(বাংলাতে)-১৯৮৩, ‘তারাস’ অনড়হেঁ পুঁথি-১৯৯২, ‘লোকায়ত্ত জীবনে আদিবাসী’-১৯৯৬ (বাংলাতে),
‘সাঁওতা আর সাঁওহেৎ আহ্লা’ অনল পুঁথি-২০০৮সালরে উছৗন আকান তায়া। অনাবেগর উনিদ বাংলা
খন সান্তাড়িতে তর্জমা কাতে ছাপাও সদর আকাদায় (১)ভারত জাগাওনারে লৗউড়িয়ৗ স্বামী বিবেকানন্দ
-২০১২, (২) অবেড়া-২০১৮ সালরে।
বাডায় আকানা উনিদ
তুরুই চাঁদ কিয়ৗ সান্তাড়ি পাথাম ‘দুপুলৗড়’ হঁয় ছাপাও সদরেৎ তাঁহেকানা। অনা পুঁথিদ ১৯৯৬
খন ২০০২ সাল হৗবিচ্ উছৗন লেনা। অনাতায়ম চাঁদ কিয়ৗ পাথাম ‘পৗরসি ডগর’ ২০০১ খন ২০০২
মেনেত্ মিৎ সেরমা লেকা উছৗন লেনা। বাডায় আকানা ‘জ-বাহা’ মেন্তে মিৎ গামাম হঁয় অল
লেদা। মেনখান অনাদ বাং ছাপাও সদর আকানা। আর মিৎ দ ‘আচ্তে আয়াঃ কাথা’(অটো বায়োগ্রাফি)
অলেৎ তাঁহেকানায় মেনখান অনাহঁ পুথি লেকাতেদ বাং ছাপাও সদর আকানা।
উনিয়াঃঅল কদ পছিম্
বাংলা পত্রিকা যাঁহাদ মিৎ অক্তে তাঁহেকান ‘গাল মারাও’, ‘সাগেন সাকাম’, ‘হড় সম্বাদ’
‘তেৎরে’ ‘যুগ জারপা’ এমান এমান পাথাম করে ছাপাও সদর লেন তায়া মেন্তে বাডায়ঃ কানা।
বাডায় আকানা উনিদ আসেকা, অল ইন্ডিয়া সান্তাল রাইটার্স
অ্যাসোসিয়েশন, অখিল ভারতীয় আদিবাসী বিকাশ পরিষদ এমান গাঁওতাক সাঁও জপড়াও এ তাঁহে কানা।
আর আসেকা, অল ইন্ডিয়া সান্তাল রাইটার্স অ্যাসোসিয়েশন পাহ্টা খন গুন-মানাও সারহাওক
চাল আদে তাঁহে কানা মেন্তে বাডায় আকানা।
আরহঁ বাডায় আকানা
উনিদ আয়াঃ অড়াঃরে ‘অল বেল’ ঞুতুম্ তে মিৎ টাং লাইব্রেরী হঁয় বেরেৎ লেৎ তাঁহেকানা।
.webp)
