(হুডিঞ মাছা কৗহ্নি)
সন্তর
 |
| নিকোলাস মারানডি |
আসাড় সান চাঁদো , দাঃতে পুখরিক পেরেচ্ আকানা। আতোরেন গিদরৗ দ দিনৗম পুখরিরে ডৗবরাঃ কো চালাঃআ । নতে খদে আর ফদে দ অৗকিন বানার বয়হা অনকো অৗকিন খন লৗটু গিদরৗ কিন কুদৗউ ইদি কোওয়া । এনতে উনকিন দ কিন হুডিঞ মাছা গেয়া। আর অৗকিনাঃ কৗমি দ কানা অঁডে ডৗবরাঃ গিদরৗ কোওয়াঃ পেন্ট, আঁগরপ কো হরহ। এনতে অৗকিনাঃ ডৗবরাঃ দ মানা গেয়া আর পায়রাঃ হঁ বৗকিন বাডায়া। উনকিন দ একেন গিদরৗ কোওয়াঃ খেল্ ,কদ গেকিন ঞেলা ডাঁগি খনগে। আর রৗস্কৗ কিন ঞামা । মেনখান মাঝে মাঝে অৗকিনাঃ মনেহঁ ছাটপাটাঃ তৗকিনা। এনকাথায় নিতগে জামা পেনট কো তোৎ কাতে পুখরি দাঃরে ঝাপাং মারতে দন গৎ কাঃ। মেনখান অড়াঃরে গগয় মেন আকাদা " বেটা পুখরি করে দাঃ কো পেরেচ আকানা, অনা করে আলবেন চালাঃআ। অড়াঃ করেগে তাঁহেন বেন। আর অৗলিঞ আম বাবা তৗলিঞ দ হোড়ো রহয় কৗমিলিঞ চালাঃ কানা।
মেনখান গগ আঃ কাথা বাং দহ কাতে অকো কমড়ো আতোরেন গিদরৗ সাঁওকিন ঞির চালাঃআ পুখরি। যত গিদরৗ পুখরি কো চালাঃআ আর অৗকিন দ অড়াঃ রেকিন তাঁহেনা, মঁজ বৗকিন আইকৗয়আ , অনাতে অৗকিনহঁ অনকো আতোরেন গিদরৗ সাঁকিন সঁগেঃআ । আর নংকা দিনৗম পুখরি কিন চালাঃ আচ গগ বাবা বৗকিন বাডায় কান তাঁহেনা ।
মিৎ দিন রেয়াঃ কাথা কানা। তিকিন তারাসিঞ আতোরেন গাদরা ডাবরাঃকো চালাঃ কানা। অড়াঃরে গগ বাবা বৗকিন তাঁহে কানতে খদে আর ফদে হঁ পুখরি চালাঃ কিন সাপ্ড়াও এনা। আর,অৗকিনাঃ কৗমি দ দিনৗম লেকা ডৗবরাঃ গিদরৗ কোআঃ পেন্ট, আঁগরপ হরহ। আর ঢিপরে দুড়ুপ কাতে অনকো ঞেলকো । উনহিলোঃ লাটু বয়হা খদে দ মন বাং সাঁম্ভাড়াও লেনতায়া আদ আচ বয়হায় মেতাদেয়া- " বৗবু ফদে , আমদ নন্ডে দুড়ুপ লেনমে , ইঞদ থড়াঞ ডৗবরা লেনগে। " আদ ফদেয় মেন গৎ কেদা , " বাং দাদা বাং আলম ফেডঃআ। গগ দাঃ রে বলঃএ বারন আকাদা। তাছাড়া আম পায়রাঃ বাম বাডায়া। মেনখান খদে দ আচ বয়হা আঃ কাথা বায় আঁজম লেদা। আর পেন্ট, আঁগরপ দহকাতে পুখরি দাঃ রেয়ে দন খাদলয়েনা । সাঁগে গিদরৗ তালারে থাপাথোপো ডৗবরাঃএ এহপ আকানা। আদ মিৎ দম দ আচকা ঢের দাঃ সেচ এ হেওলা চালাও এনা। তায়ম তেমা ডাবাচ্ ডুবুজঃএ এহপ এনা। নতে ঢিপ সেচ্ হিজুঃএ মেনেদা। মেনখান বায় হেচ্ দাড়েয়াঃ কানা। আর গোটা ধুঁদগেয়ে বেঁগেৎ কেদা । ইনৗ পরে চেৎ হোয়েনা বায় দিসা লেদা ।
নতে খদে আচ্ বয়হা ফদে দ আচ্ গগ বাবা ঠেনে দৗড় ইদি আকাদা । এনকাথায় দাঃ রেয়ে উনুম আকানা মেনতে । উনহিলোঃদ আকো সোর বৗয়হৗড় রেগে হোড়োকিন রহয় কান তাঁহেনা । নোওয়া কাথা আঁজমতে এগাঁত আপাত দ ধাঁওড়া ধৗওড়ি রারাঃ তুলুচ্ পুখরি কিন দৗড় হেচ্ এনা অকারে অৗকিনরেন হপন খদেয় উনুম আকান ।
গগ বাবা দ পুখরি কিন সেটেরেন খান কিন ঞেলেৎ কোওয়া । আয়মা গিদরৗ তেকো ঘেরাও এসেৎ আকাদেয়া খদে । আর উনিয়াঃ লাচ্কো অতায়েৎ কান তাঁহেনা। আদ গিদরৗগে আচ গগকো লৗই আদেয়া যে, উনুমঃ কান অক্তরে ডৗবরাঃ কান গিদরৗ গেকো বান্চাও লেদেয়,। তবে দাঃ এ ঞু আকাৎতে লাচ্ ফুলৗউ আকান তায়া। আর বেঁহুস আকানা । " আদ খদে দ লাচ্ খন দাঃ অডোঃ থড়ায় ফারনাও এনা। আরে বেঁগেৎ বারনাও কেৎখান আচ গগয় ঞেল্ঞাম কেদেয়া । আর আচ্ গগ ঠেনে হৗড়ুপ এনা। গিদরৗ দ বেসগে ঞাম কাতে আচ গগ বাবা হঁ কিন কুসিয়েনা । আর আতোরেন গিদরৗ কিন সারহাও কেৎ কোওয়া। আর অঁডে খন গে উনি গিদরৗ লৗইতে ডাক্তর অড়াঃ সেন কিন মঁহডায়েনা।
.webp)
