আবোওয়াঃ ওয়েব পেজ- নিয়ৗবার নে গে পোয়লো সান্তড়ি তে এইচ্.এস. কো পাশ কেদা সান্তাড়ি মিডিয়াম তে পাড়হাও আকান পৗঠুওয়ৗক। নোওয়াদ রৗস্কৗ আর গরব রেনাঃ কাথা কান গেয়া মেন্তে দিশম হড়ক সদর আকাদা। মেনখান নিত অৗডি লেকান কুক্লি রাকাপ্ হিজুঃ কানা পৗঠুওয়ৗ সেন খন সাঁওতে অড়াঃ হড় পাহ্টা সেন খন হঁ। নিত নোকো অকা কলেজ রে সান্তাড়ি মিডিয়াম তে অলঃপাড়হা রেনাঃ দাওক ঞামা? বাডায় আকানা নিৎ ধৗবিচ্ পছিম্ বাংলা রে অকারেগে সান্তাড়ি মিডিয়াম কলেজ বৗনু আকাদা আর বন্দেজ হঁ বৗনু আকাদা। নিত ঞেলঃ গঃ কানা যাঁহায় সান্তাড়ি বাংখান ইংরেজী অনার্স লৗইতে পাড়হা আয় উনি ঠেনদ উনা আনাট বাং হোয় লেন রেহঁ উনিয়াঃ আরহঁ এটাঃ পাশ সাতাম লৗইতেদ অৗডিগে আনাট কানা মেন্তে কাথা রাকাপ্ কানা। চেদাসে উন কোওয়াঃ কাথাদ যাঁহায় গিদ্রৗ মিৎ কৗটিচ্ খন সান্তাড়ি পৗরসিতে পাড়হাও হেচ্ এনায় উনি চেৎ লেকারে আরহঁ বাংলাতেয় পাড়হা আয় ? রাপচাঃ দ নঁডেগে। আর কুক্লি হঁ নঁডে খন গে রাকাপ্ কানা।
বাডায়ঃ কানা আয়মা পৗঠুওয়ৗ কগে ভূগোল,বিঞ্জান,ইতিহাস, রাষ্ট্র বিঞ্জান এমান লৗইতে বাংখান অকয় কদ সায়েন্স স্ট্রিম তেহঁ ফিজিক্স, কেমিস্ট্রি, মেথেমেটিক্স এমান সাতাম লৗইতে পাড়হাওক মেন দাড়েয়াঃআ। অনা বেগর বোটানি,জুলুজি লৗইতেহঁ পাড়হাও ক লৗই দাড়েয়াঃআ। মেনখান নোওয়া সাতাম করেনাঃ মাঃ পাশ আর অনার্স অকাহঁ সান্তাড়ি মিডিয়ামতে বৗনু আন। আরহঁ অনকাগে অকয় কদ কমার্স আর এগ্রিকালচার লৗইতে হঁ পাড়হাও রেনাঃ দাবিক দহ দাড়েয়াঃআ। অনালেকাতে আয়মা সেচেৎ দরদিয়ৗ কোওয়াঃ রড়- মিৎ কাথাতে লৗই গানঃআ সান্তাড়ি মিডিয়ামতে পাড়হাও বাং হুয় লেনখান পাড়হারেদ আয়মা আনাটগে সিরজাঃ আ সে তিঁগুনা।
অনালেকাতে নিৎ ধৗবিচ্ হঁ সরকারি অনকান আরিবাঁধি বাং ঞেলঃ গঃ কানা। মেনখান নোওয়াক ইদিকাতে আয়মা সেনতে নিৎ দাবি রাকাব্ কানা আর এনাং খন গে দাবি রাকাব্ হেচ্ আগুওয়াকানা যে নোওয়া তায়নম যাতে নোকো পৗঠুওয়ৗ কোওয়াঃ চেৎহঁ পাড়হা রেয়াঃ এঁটকে টঁড়ে আল হোয়োঃমা। বাডায় আকানা, নোওয়া কাথাহঁ রড় আকানা যে অকয়হঁ যাতে সেচেদ্ অৗইদৗর খন আল কো পুচুজঃমা।
অনাতেগে আরহঁ নিত্দ সানাম সান্তাড়ি সংগঠন সাঁওতে সানাম সেচেৎ দরদিয়ৗক লৗইতে সরকার ঠেন দাবিক দহয়েদা যাতে সান্তাড়ি মিডিয়ামতে পাশ আকাৎ পৗঠুওয়ৗক কলেজ রেক ভরতি দাড়েয়াঃমা।
অনালেকাতে ভারত জাকাত মাঝি পারগানা মহল পাহ্টা খন বাডায় আকানা যে নোওয়াক ইদিকাতে পনৎ সরকার ঠেন আয়মা ধাও চিঠি এম হোয় আকানা। ভারত জাকাত মাঝি পারগানা মহল পাহ্টা খন নোওয়া দাবিহঁ রাকাব্ কানা যে সানাম ইউনিভার্সিটি কহঁ সান্তাড়ি মিডিয়ামতে কলেজ রেনাঃ ইদিকাতে অলবেল তালাতে উইহৗর সাকাম চাল হোয় আকানা। মেনখান নিৎ ধৗবিচ্ অনারেনাঃ চেৎ তেলা গে বাং ঞাম আকানা মেন্তে মহল এ দাবিয় এদা। আরহঁ বাডায় আকানা সান্তাড়ি মিডিয়ামতে কলেজ লৗগিৎ আঁদোড় এহব গৎ আকানা এনরেহঁ চেৎ বন্দেজ পনৎ সরকার বায় হাতাও খান ভারত জাকাত মাঝি পারগানা মহল অৗডি মারাং আঁদোড়তে বাধ্য তাঁহেনায় মেন্তে বাডায় আকানা। অনাতে নিত্ তামাম দিশম হড়ঠেন কুক্লি রাকাপ্ কানা - তবে চেৎ সান্তাড়ি মিডিয়াম কলেজরে ভরতি লৗগিৎ আঁদোড় আর ডাহার জাঁগেদারাম গে ভরসা ?
.webp)
