“আবোওয়াঃ কাথা” গে উছৗনঃডিজিটাল ডেস্ক রে সানাম সিঁগি মাহা হিলোঃ গে গিদ্রৗ সাঁওহেদ্ বাখরা গিদৗর বৗউলি ‘চেরেচ্ আড়াং’ লেতাড় গে উছানঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com।
তেহেঞাঃ
আখড়ারে যাঁহায় কো সেলেদ্ আকান- ᱥᱩᱵᱩᱫᱤᱭᱟ. ᱢᱩᱨᱢᱩ, ᱠᱤᱥᱠᱤᱱᱫᱷᱟ ᱢᱩᱨᱢᱩ, ᱥᱟᱹᱜᱩᱱ
ᱥᱤᱠᱟᱹᱨᱤᱭᱟᱹ, ᱨᱟᱢᱯᱚᱫᱚ ᱠᱤᱥᱠ, ᱜᱳᱯᱮᱥᱣᱚᱨ ᱢᱟ, ᱱᱰᱤ, বাড়তাং সরেন, সমরলাল টুডু, ঠ্যেন্টা মুর্মূ, সনাতন টুডু, সিতেন মান্ডি।
ᱵᱮᱞᱮᱧ ᱵᱮᱞᱮᱧ
ᱞᱟᱹᱵᱤᱫᱽ ᱜᱮᱜᱮᱛᱮᱨᱮᱧ ᱿
ᱞᱮᱧ ᱞᱮᱧ
ᱥᱟᱸᱜᱮ ᱜᱮᱜᱮᱛᱮᱨᱮᱧ ᱿
ᱞᱩᱭᱩᱢ ᱞᱩᱭᱩᱢ
ᱚᱛᱨᱮ ᱵᱩᱞᱩᱭ ᱵᱩᱞᱩᱭ ᱿
ᱯᱩᱸᱡᱤ ᱯᱩᱸᱡᱤ
ᱧᱤᱨᱠᱚ ᱜᱩᱞᱩᱭ ᱜᱩᱞᱩᱭ ᱿
ᱯᱮᱸᱰᱚᱜ ᱯᱮᱸᱰᱚᱜ
ᱱᱟᱶᱟ ᱜᱮᱜᱮᱛᱮᱨᱮᱧ ᱿
ᱛᱷᱩᱯᱤ ᱛᱷᱩᱯᱤ
ᱞᱟᱦᱟᱜᱠᱚ ᱠᱮᱨᱮᱧ ᱫᱚᱨᱮᱧ ᱿
ᱚᱫᱟ ᱚᱛᱨᱮ
ᱡᱮᱞᱮᱧ ᱜᱮᱜᱮᱛᱮᱨᱮᱧ ᱿
ᱥᱟᱥᱟᱝ ᱦᱮᱸᱫᱮ
ᱠᱟᱵᱽᱨᱟ ᱜᱮᱜᱮᱛᱮᱨᱮᱧ ᱿
ᱮᱠᱞᱟ ᱮᱠᱞᱟ
ᱛᱟᱲᱟᱢ ᱡᱮᱞᱮᱧ ᱡᱮᱞᱮᱧ ᱿
ᱟᱲᱮ ᱜᱷᱟᱸᱥᱨᱮ
ᱴᱩᱸᱰᱟᱹᱝ ᱜᱮᱜᱮᱛᱮᱨᱮᱧ ᱿
ᱨᱩᱢᱩᱭ ᱨᱩᱢᱩᱭ
ᱡᱟᱸᱜᱟ ᱠᱤᱱᱮ ᱧᱮᱧᱮᱞ ᱿
ᱫᱟᱠᱟ ᱡᱚᱡᱚᱢ ᱢᱟᱲᱟᱝ ᱛᱤᱠᱤᱱ
ᱟᱨᱩᱵᱽᱚᱜ ᱥᱟᱸᱣᱛᱮ ᱢᱚᱪᱟ ,
ᱛᱤ ᱨᱮᱱᱟᱜ ᱵᱟᱨ ᱯᱟᱦᱴᱟ ᱫᱮᱱ
ᱥᱟᱯᱷᱟᱭ ᱡᱚᱛ ᱠᱚᱪᱟ ᱾
ᱥᱮᱛᱟᱜ ᱵᱮᱨᱮᱫ ᱛᱚᱨᱟᱜᱮ ᱫᱮᱥᱮ
ᱫᱟᱹᱛᱟᱹᱱᱤᱜ ᱢᱚᱪᱟ ᱰᱟᱴᱟ ,
ᱧᱤᱫᱟᱹ ᱡᱟᱯᱤᱫ ᱪᱟᱞᱟᱜ ᱢᱟᱲᱟᱝ
ᱟᱨᱩᱵᱽᱚᱜ ᱵᱟᱨ ᱠᱟᱴᱟ ᱾
ᱨᱟᱢᱟ ᱪᱤᱨᱮᱫ ᱛᱤᱱᱟᱹᱜ ᱢᱟᱹᱭᱞᱟᱹ
ᱥᱚᱜᱮ ᱛᱟᱸᱦᱮᱱᱟ ᱟᱰᱤ ,
ᱡᱚᱡᱚᱢ ᱢᱟᱲᱟᱝ ᱵᱮᱥᱛᱮ ᱚᱱᱟ
ᱥᱟᱯᱷᱟᱥᱟᱯᱤ ᱜᱤᱰᱤ ᱾
ᱛᱳᱯᱳ ᱯᱷᱟᱨᱪᱟᱜ ᱯᱷᱟᱹᱨᱚᱭᱟᱹ
ᱫᱟᱜᱨᱮ
ᱫᱤᱱ ᱫᱤᱱᱟᱹᱢ
ᱜᱮᱛ ,
ᱱᱮᱭᱟᱢ ᱠᱟᱛᱮ ᱠᱟᱹᱢᱤᱛᱮ ᱫᱚᱨᱮ
ᱵᱮᱥᱮᱢ ᱛᱟᱸᱦᱮ ᱟᱛ ᱾
========ᱞ
ᱧ=========
ᱛᱷᱳ ᱫᱚ ᱟᱰᱤ ᱵᱟᱲᱤᱪ ᱜᱮᱭᱟ
ᱟᱡᱟᱨᱛᱮ ᱛᱚᱞ ᱢᱮᱭᱟ,
ᱛᱷᱳ ᱠᱷᱟᱨᱟᱜ ᱡᱟᱸᱦᱟᱛᱟᱸᱦᱟᱨᱮ
ᱵᱟᱝᱜᱮ ᱵᱷᱟᱜᱮ ᱫᱚᱨᱮ᱾
ᱨᱳᱜ ᱟᱡᱟᱨ ᱯᱟᱨᱪᱟᱣ ᱩᱪᱟᱹᱲᱟᱨᱮ
ᱫᱩᱲᱩᱵ ᱛᱤᱜᱩᱱ ᱴᱷᱟᱸᱣᱨᱮ,
ᱵᱟᱲᱤᱪ ᱜᱚᱫᱟᱭ ᱱᱟᱯᱟᱭ ᱛᱟᱸᱦᱮᱱ
ᱪᱤᱠᱤᱪᱪᱷᱚᱠ ᱠᱚᱠᱚ ᱢᱮᱢᱮᱱ᱾
ᱦᱟᱸᱰᱮᱱᱟᱰᱮ ᱵᱟᱝ ᱜᱤᱰᱤ ᱠᱟᱛᱮ
ᱡᱚᱛᱷᱟᱛ ᱴᱷᱟᱸᱣᱨᱮ ᱛᱷᱳᱭᱢᱮ,
ᱵᱮᱲᱦᱟᱭ ᱱᱟᱯᱟᱭ ᱫᱚᱦᱚᱭ ᱞᱟᱜᱤᱫ
ᱟᱢᱜᱮ ᱞᱟᱦᱟ ᱦᱤᱡᱳᱜᱢᱮ᱾
========ᱞ ᱧ=========
ᱰᱟᱝᱨᱤ ᱜᱩᱯᱤ ᱪᱟᱞᱟᱣ ᱞᱮᱱᱟᱭ
ᱟᱞᱮ
ᱟᱛᱳ ᱡᱷᱟᱲᱩ
ᱛᱟᱞᱟ ᱦᱚᱨ ᱨᱮ ᱧᱟᱢ ᱠᱮᱫᱮᱭᱟᱭ
ᱢᱟᱨᱟᱝ ᱩᱛᱟᱹᱨ ᱦᱟᱸᱲᱩ ᱿
ᱦᱟᱸᱲᱩ ᱫᱚᱭᱮ ᱫᱚᱱ ᱟᱪᱩᱨᱮᱛᱽ
ᱰᱟᱝᱨᱤ ᱢᱮᱨᱚᱢ ᱛᱟᱞᱟ
ᱢᱮᱨᱚᱢ ᱰᱟᱝᱨᱤ ᱦᱟᱱᱛᱮ ᱱᱟᱛᱮ
ᱧᱤᱨᱮᱱ ᱠᱚ ᱵᱚᱛᱚᱨ ᱡᱟᱞᱟ᱿
ᱡᱷᱟᱲᱩ ᱠᱷᱟᱱᱮ ᱵᱟᱡᱟᱨ ᱮᱱᱟ
ᱦᱟᱸᱲᱩᱣᱟᱜ ᱠᱟᱢᱤ ᱧᱮᱞᱛᱮ
ᱫᱟᱞᱮ ᱞᱟᱜᱤᱛᱽ ᱪᱟᱞᱟᱣ ᱮᱱᱮ
ᱢᱟᱨᱟᱝ ᱦᱟᱯᱟ ᱟᱱᱛᱮ ᱿
ᱦᱟᱯᱟ ᱧᱮᱞ ᱛᱮ ᱦᱟᱸᱲᱩ ᱫᱚ ᱛᱮ
ᱫᱚᱱ ᱫᱮᱡ ᱮᱱ ᱫᱟᱨᱮ
ᱫᱟᱨᱮ ᱠᱷᱚᱱ ᱮ ᱤᱥᱤᱲ ᱟᱭ ᱠᱟᱱ
ᱟᱫᱚ ᱦᱟᱨᱮ ᱯᱷᱟᱨᱮ ᱿
ᱰᱟᱝᱨᱤ ᱢᱮᱨᱚᱢ ᱥᱟᱢᱴᱟᱣ ᱠᱟᱛᱮ
ᱨᱩᱣᱟᱸᱲ ᱮᱱᱟᱭ ᱡᱷᱟᱲᱩ
ᱫᱟᱨᱮ ᱪᱚᱴ ᱨᱮ ᱞᱟᱸᱫᱟ ᱡᱚᱝ ᱠᱟᱱ
ᱩᱱᱤ ᱦᱟᱲᱟᱢ ᱦᱟᱸᱲᱩ ᱿
========ᱞ
ᱧ=========
ᱟᱥᱟᱲ
ᱥᱟᱱ ᱡᱟ.ᱯᱩᱫ ᱫᱤᱱ
ᱤᱛᱩᱱ
ᱟᱥᱲᱟᱧ ᱪᱟᱞᱟᱜ,
ᱡᱷᱤᱯᱤᱨ
ᱡᱷᱤᱯᱤᱨ ᱫᱟᱜ ᱛᱟᱞᱟ
ᱪᱟᱛᱚᱢ
ᱯᱷᱩᱴᱟ.ᱣ ᱥᱟᱞᱟᱜ ᱾
ᱦᱚᱲᱢᱚ
ᱜᱳᱴᱟ ᱩᱢᱩᱞ ᱠᱟᱜᱼᱟᱭ
ᱫᱟᱜ
ᱡᱟ.ᱲᱤ ᱨᱮ,
ᱥᱟᱥᱮᱛ
ᱦᱟᱨᱠᱮ ᱥᱟᱦᱟ ᱠᱟᱜᱼᱟᱭ
ᱤᱧ
ᱛᱟᱞᱟ ᱨᱮ ᱾
ᱦᱟᱱᱮ
ᱛᱤᱥ ᱥᱮᱫᱟᱭ ᱠᱷᱚᱱᱟᱜ
ᱪᱟᱛᱚᱢ
ᱢᱮᱱᱟᱜ ᱟᱠᱟᱫ,
ᱦᱚᱲ
ᱦᱚᱯᱚᱱ ᱡᱟ.ᱯᱩᱫ,ᱥᱤᱛᱩᱝ
ᱥᱚᱸᱜᱮ
ᱛᱚᱨᱟᱣ ᱟᱠᱟᱫ ᱾
========ᱞ ᱧ=========
এ গ, তওয়া
দারে, ইঞ হঁ
মিৎ দিন ,
ইঞ বাবা লেকাঞ
হারাবুরুঃআ।
বাবা লেকা সাজাও
সাপড়াও কাতে
সাঙ্গিঞ দিশম কৗমিয়িঞ সেনঃআ
।
বাবা লেকাঞ হারাবুরু
লেন খান
অকয় হঁ ইঞ
দ বাকো এগেরিঞা
দৗই, হিলি, দাদা
তাকো উন দ
হানা নাওয়া একাল
বাংকো আচুয়িঞা।
এ গ, তওয়া
দারে ,ইঞ হঁ
মিৎ দিন
ইঞ বাবা লেকাঞ
হারাবুরুঃআ
যাঁহাঁ গেঞ মেনা,
ঘারঞ্জ তালারে উন
দ
লৗটু কৗটিচ ইঞাঃ কাথাকো
আঁজমা।
অকয় হঁ ইঞাঃ
কাথা বাংকো গিডিয়া
যাঁহাঁঞ খজা অনাগেকো
ইমৗঞা
দাদা আর দৗই তাকো
সৗরি সৗরি
আডিগে সানাম ইঞকো
বতরাঞা ।
আতো দিশম হড়দ
ইঞকো মানেঞা
দুক দয়িপরে পরামশকো
হাতাও আ
সাঙ্গিঞ দিশম হড়কোহঁ মানত আতে
ইঞাঃ নাপায় কাথাকো
মানাও বাতাওআ ।
এ গ, নায়ো
, ইঞহঁ উশৗরাতে ,
ইঞ বাবা লেকাঞ
হারা বুরুঃআ
সাঁওতা সুসৗর কৗমিরে ইঞ হঁ
জুয়ৗন কড়া কুড়িঞ
আয়ুর ইদি কওয়া
।
এ গ, তওয়া
দারে , ইঞ হঁ
মিৎ দিন,
বাবা লেকা বুদ
আকিলিঞ হামেটা
ঞুতৗত কাড়াং সাঁওতাঞ
মারশালা
তায়মাকান সমাজ দঞ
সুতুঃ লাহায়া ।
========ᱞ
ᱧ=========
বেরেদ্ বেরেদ্ বেরেদ্ কাতেগে
সেতাঃ জৗপিৎ্ আঁগারে,
বহঃ রেনাঃ উদগৗর্ দাঃদ
জর হচয়পে জাঁগারে ।
নিফুট্ হড়মো দারমট্ লৗগিৎ
সানাম লেটকা মাঠতে,
উদগৗর্ দাঃদ জরয় লৗগিৎ
সেটেরঃপে আডি আঁটতে ।
আপান্ আপিন কারহা উলটৗও
ছনটাল সহর্ সেটেরঃপে,
দাড়্ দাড়তে হড়মো রাঁজাওপে
মাঠরে হড়মো পেটেরঃপে ।
হড়মো মায়াম্ ছিলকৗ
ছিলকি
ভিতরি গোটায় লহদ্,
বাডায় তাঁহেনমা রোগ্ বিঘিন্
টেকাও দারামে তহদ্ ।
হপন্ হপন্ গিদরৗ
হপন্
যাঁহাগে নাপায় হেওয়া,
সানাম খনাং নিছরা সৗরিয়া
সরেশ এঁগাৎ তোওয়া ।
এঁগাৎ বাংখান ধৗরতি ঞুঁতৗত
আমদ একাল টুওয়ৗর্,
হড়মোরে আজার্ বাসা লেনখান্
অকয়হঁ বাংকো অওয়ার্ ।
সাফা সুতরৗ
নাপায় দহয়পে
চাঁদো লেকা মারশাল,
আয়ুব্ খনাং সেতাঃ ধৗবিজ্
তাড়াম্ তেদপে আরশাল ।
হড়মো আপেয়াঃ জিউই লৗগিৎ
অকোয়হঁ বাংকো তিঁগুন,
যতন জোগাওপে আপে আঁপড়েতেগে
আপেয়াঃ হড়মোদপে সৗগুন ।
========ᱞ
ᱧ=========
হেঁদে রিমিল গুরলৗঃ
সেরমা সৗড়িম রে
ঝাম ঝামে জৗড়ি দাঃ
আষাঢ় শান্ রে ।
হুড্ হুড্ সাডে য়া
বিজলি মালকাঃ
খেত বৗইদ্ চাপে আ
নৗই গাডা ছিলকৗঃ ।
লাপালোপো পুঁড কঃ
ঝোপো তোড়ো ঝুড়্ রে
ফির্ ফির্ ঊডৗঃ আক
ঊপি কদ বুনুম রে ।
ঊল বিলি কাঁন্ঠাড়
আম্বাবতী তাক রে
লাদ লুদ ঞুরু আ
তালে বিলি শান্ রে ।
খাদ বাদ চৗষি ক
সিয়ঃ আক খেত রে
সার সার তিরলা ক
তলা তোৎ বৗইদ রে ।
ফাদা ফোদো সিম সাঁডি
দাঃ কটা ভেদ্ রে
ফাট ফট জঁডরা
রাপাগ্ আক চুলহা রে ।
ঘুগ্ রী রটে রাঃ
ঞিদৗগেয় আন্দোড়া
কঁ কাঁ বৗরুডাং
জৗপিদ এ ভাঁগড়া ।।
========ᱞ
ᱧ=========
সেতাঃ খনাঃ হেঁদে রিমিল
ঝিপির দাঃএ জৗড়ি ,
দারে সাকাম লেহের কদর
হিলৗঃ সারা ঘৗড়ি ।
সরজ পটজ মিহু মেরম
বাং সানাকো লহদ ,
গুতি কড়াহঁয় রুয়ৗড় হিজু:
হরতে তহদ তহদ ।
গেডে কদো পায়রা আতেদ
খিলডু এনেজ আকো ,
সিম এঁগা বুসৗঃ আতেদ
উকু বাড়া আকো ।
সেতাঃ খনাঃ আয়ুব এনা
গারজাও এ হেঁদে রিমিল,
অকয় চেদকো মেতাদেয়া
রৗগ: হেঁদে রিমিল ।
ঝুরকৗ খনাঃ উয়ুং কাতেদ
ঝতোয়াঃ ইঞ ঞেল,
হেঁদে রিমিল সেরমা লাফাং
লাঁদায় খেল খেল ।
========ᱞ
ᱧ=========
আষাঢ় শান বঙ্গা
সেতাঃ বেড়ায় দাগা।
মনে মনে বৗবুয় কুশিঃ
স্কুল বাং চালাঃ
হুয়ুঃ।।
অড়াঃ হড় ক মেতায়
নিত গে
দাঃ দয় আসুড়া।
নোওয়া দাঃ হয়
বাড়ায় গেয়া
গিদরৗ ক চালাঃ ইতুন আসড়া।।
চেদাঃ ভালা বায়
বুজৗ
গিদৗর মনে কাথা।
জৗপুদ্ দিন মা
যত হড় গে
অকা হঁ চালাঃ
বাং সানা।।
মনে মনে বৗবুয় মেনা
এ দাঃ
নিত বেড়া আলম
থিরঃ আ।
আম শালাঃ বাং
খান
তিশ হঁ বাঞ
গাতেঃ বাঞ রড়া।।
উসুঃ আশকেৎ বৗবুয়াঃ আশ
পুরৗও তায়মে মাসে
বাছা।
বৗবু লেকা আয়মা
পৗঠুয়ৗ গে
আম ক কুশিয়াম সেতাঃ বেড়া।।
========ᱞ
ᱧ=========
এ রিমিল,অটাং রিমিল
হাপে তিগুঁন মে,
অল আকাৎ ইঞাং চিঠি
আমদ গেমের মে।।
চিঠি মাসে অল আকা
সাঁওতা জৗতি লৗগিৎ,
গেমের অকত এ রিমিল
একাল আলম জৗপিৎ।
ইদিয় মে নুয়া চিঠি
টঠা খন টঠা
পাসনাওমে নুয়া চিঠি
জেগেৎ দিশম গঠা।
নাসাকান আব জৗতি
নাসা কান আরি,
অড়াঃ ক রৗপুদ এদা
আবরেন বৗইরি।
এ রিমিল অটাং রিমিল
মেতা কম হর
সাঁওতারে বল আকানা
বৗইরি কই ঢড়।
এ রিমিল অটাং রিমিল
হাপে তিঞুন মে,
অল আকা ইঞাং চিঠি
আমদ গেমের মে।
========ᱞ ᱧ=========
গেল
ইরৗল শায় ইরৗল গেল তুরুয়
তায় উনিয়াঃ জানাম,
বেবাক
এনতে নিয়ৗ গেচো
তেবাঃ আনকো সানাম।
অকয়
কদ লৗইকো হানে
গায়নাহার দকো মেতায়,
অনলিয়ৗ
তেঁহ লেখা লেন,
ঞুতুম বাডায় গেতায়।
বামদা
মিশন রেগে কাথায়
উনি কৗমি লেদায়,
সাঁওতা
সুসৗর মনে উনরে
আয়াঃ অর কেদায়।
সেরেঞ
অনড়হেঁ অল আকাৎ রেহঁ
অনল অল লেৎ মেনকো,
অনা
অকত সান্তাড়ি পাথাম
পৗদরি উছৗন আনকো।
‘হড়
হপনরেন পেড়া’ আরহঁ
‘পেড়া হড়’ মেনগে,
‘ঢৗ্রওয়ৗ’
রেহঁয় অল লেদা
দমে পাসনাও লেনগে।
সাঁওহেৎ
চারচা জৗতি উৎনৗও
এনেম দহ কেদায়,
উনখন
গেথো হড়কো তালা
একাল দিসৗ মেনায়।
======== মুচৗৎ =========
.webp)
.webp)
