সিঁগি মাহা রেনাঃ সাকাম ‘চেরেচ্ আড়াং’ লেখা- ১৫০

 

“আবোওয়াঃ কাথা” ডিজিটাল ডেস্ক রে সানাম সিঁগি মাহা হিলোঃ গে গিদ্‌রৗ সাঁওহেদ্‌ বাখরা গিদৗর বৗউলি ‘চেরেচ্‌ আড়াং’ লেতাড়গে উছৗনঃ কানা। তায়ম দারাম নংকাগে আরহঁ সাঁগে অল ভেজায় তাবোন পে। অল ভেজায় রেনাঃ বুটৗ- Whatsapp- 8942955829 : E-mail Id:- abowagkatha@gmail.com।   

 

তেহেঞা আখড়ারে যাঁহায় কো সেলেদ্‌ আকান- ᱥᱩᱵᱩᱫᱤᱭᱟᱹᱢᱩᱨᱢᱩ, ᱜᱳᱯᱮᱥᱣᱚᱨ ᱢᱟ.ᱱᱰᱤ,  ᱠᱤᱥᱠᱤᱱ ᱫ ᱷ ᱟ   ᱢ ᱩᱨᱢ ᱩ, ᱥᱟᱹᱜᱩᱱ ᱥᱤᱠᱟᱹᱨᱤᱭᱟᱹᱯᱩᱨᱱᱚ ᱪᱚᱸᱫᱽᱨᱚ ᱠᱤᱥᱠᱩ,  সমর লাল টুডু, সীতেন মান্ডি, শিবু সরেন,  দুগাই টুডু।

 

১।।

ᱡᱚᱢ ᱧᱩ

ᱥᱩᱵᱩᱫᱤᱭᱟᱹ ᱢᱩᱨᱢᱩ

ᱡᱚᱢ ᱧᱩ ᱦᱚᱨᱚᱜ
ᱩᱞᱤ ᱫᱟᱜ  ᱡᱚᱨᱚᱜ ᱿

ᱠᱷᱩᱲᱤᱭᱟᱹ  ᱥᱤᱢ  ᱥᱟᱺᱰᱤ
ᱤᱥᱤᱱ   ᱫᱚᱦᱚ ᱦᱟᱺᱰᱤ  ᱿

ᱫᱩᱲᱩᱵ ᱵᱩᱥᱩᱵᱽ ᱵᱤᱸᱰᱤ
ᱫᱷᱩᱛᱤ  ᱫᱟᱹᱲᱦᱤ ᱥᱟᱺᱰᱤ ᱿

ᱪᱩᱢ ᱪᱩᱢ ᱪᱩᱢᱟᱹᱲᱟ
ᱨᱟᱹᱥᱠᱟᱹ ᱥᱟᱸᱜᱮ ᱯᱮᱲᱟ ᱿

ᱯᱮ.ᱲᱟᱢᱟ ᱛᱷᱟᱨᱮ ᱛᱷᱟᱨᱮ
ᱨᱟᱪᱟᱨᱮ   ᱦᱟᱨᱮ  ᱯᱷᱟᱨᱮ ᱿

ᱦᱚᱨᱚᱜ   ᱪᱤᱱ  ᱦᱚᱨᱚᱜ
ᱥᱟᱺᱰᱤᱭ   ᱦᱚᱨᱚ  ᱵᱚᱨᱚᱜ ᱿

ᱩᱰᱟᱹᱣ   ᱩᱯᱤ  ᱵᱷᱚᱡᱽ
ᱵᱟᱱᱩᱜ ᱫᱩᱲᱩᱵᱽ  ᱥᱚᱡᱽ ᱿

ᱡᱚᱢ ᱻᱻ    ᱧᱩ ᱻᱻ   ᱦᱚᱨᱚᱜ
ᱡᱚᱛᱚᱞᱮ  ᱪᱮᱦᱚᱨ ᱵᱮᱦᱚᱨᱜ ᱿

************ ᱞ ᱧ ************

২।। 

ᱠᱩᱛ

ᱜᱳᱯᱮᱥᱣᱚᱨ ᱢᱟ.ᱱᱰ

 

ᱡᱷᱩᱯᱩ ᱛᱩᱲᱩ ᱠᱩᱛ ᱫᱟᱨᱮ

ᱦᱮᱢᱟᱞ ᱩᱢᱩᱞ ᱮᱢᱚᱜ ᱵᱟᱲᱮ ᱾

 

ᱯᱷᱟ.ᱜᱩᱱ ᱵᱚᱸᱜᱟ ᱠᱩᱛ ᱵᱟᱦᱟᱜ

ᱯᱳᱸᱰ ᱜᱮ ᱧᱮᱞᱚᱜ ᱱᱟᱦᱟᱜ ᱾

 

ᱛᱷᱚᱯᱮ ᱡᱚ ᱦᱟ.ᱲᱭᱟ.ᱨ ᱜᱮ

ᱵᱮᱨᱮᱞ ᱡᱚᱦᱚᱫ ᱧᱮᱞᱚᱜ ᱜᱮ ᱾

 

ᱥᱤᱛᱩᱝ,ᱡᱟ.ᱯᱩᱫ ᱧᱮᱞᱚᱜ ᱜᱮ

ᱠᱩᱛ ᱵᱮᱞᱮ ᱱᱤᱞ ᱜᱮ ᱾

 

ᱡᱚᱢ ᱟᱠᱚ ᱥᱤᱵᱤᱞ ᱜᱮ

ᱯᱟᱸᱡᱟᱭ ᱟᱠᱚ ᱟ.ᱰᱤ ᱜᱮ ᱾

 

 ************ ᱞ ᱧ ************

৩।।

ᱟᱞᱮᱭᱟᱜ  ᱵᱟᱠᱷᱩᱞ

ᱠᱤᱥᱠᱤᱱᱫᱷᱟ   ᱢᱩᱨᱢᱩ

  

ᱢᱟᱹᱡᱷᱤᱰᱤ  ᱟᱛᱳ ᱛᱟᱞᱟᱢᱟᱞᱟᱨᱮ

       ᱵᱟᱹᱠᱷᱩᱞ ᱛᱟᱞᱮ ᱢᱮᱱᱟᱜ ,

ᱥᱟᱸᱜᱮ ᱵᱚᱭᱦᱟ ᱵᱟᱵᱟ ᱛᱟᱠᱚᱨᱮ

          ᱯᱟᱱᱛᱮ ᱚᱲᱟᱜ ᱦᱮᱱᱟᱜ  ᱾

 

ᱚᱰᱚᱠ ᱵᱚᱞᱚᱜ ᱧᱟᱯᱟᱢ ᱟᱞᱮ

   ᱫᱤᱱᱟᱹᱢ ᱫᱤᱱ ᱜᱮᱛ ,

ᱚᱰᱚᱠ ᱜᱚᱫᱚᱜ ᱯᱩᱲᱥᱤ ᱛᱟᱞᱮ

   ᱵᱟᱝᱞᱮ ᱟᱞᱮ ᱢᱚᱛ ᱾

 

ᱦᱟᱱᱤ ᱱᱟᱹᱭᱟᱜ ᱨᱟᱲ ᱠᱟᱛᱷᱟ ᱫᱚ

     ᱟᱸᱡᱚᱢ ᱧᱟᱢᱚᱜ ᱜᱮᱭᱟ  ,

 ᱚᱲᱟᱜ ᱫᱩᱭᱟᱹᱨ ᱡᱟᱸᱦᱟᱭ ᱠᱚᱫᱚ

    ᱛᱟᱸᱦᱮ ᱧᱟᱢᱚᱜ ᱜᱮᱭᱟ  ᱾

 

ᱢᱤᱦᱩ ᱢᱮᱨᱚᱢ ᱜᱟᱹᱭ ᱰᱟᱸᱹᱜᱽᱨᱤ

   ᱥᱟᱜᱟᱞ ᱚᱰᱚᱠ ᱵᱚᱞᱚᱜ ,

ᱛᱟᱢ ᱛᱟᱥᱮᱜᱮ ᱠᱟᱹᱢᱤ ᱠᱟᱥᱱᱤ

   ᱠᱚᱭᱚᱜ ᱛᱚᱨᱟ ᱧᱮᱞᱚᱜ  ᱾

 

ᱥᱮᱛᱟᱜ ᱚᱠᱚᱛ ᱵᱟᱹᱫᱽ  ᱴᱟᱱᱰᱤ

  ᱠᱟᱹᱢᱤ ᱚᱰᱚᱠ ᱠᱚᱜ-ᱟ ,

ᱧᱩᱦᱩᱢ ᱛᱚᱨᱟ ᱵᱟᱹᱠᱷᱩᱞ ᱚᱲᱟᱜ

    ᱨᱚᱲᱛᱮ ᱟᱸᱫᱳᱲ ᱠᱟᱜ-ᱟ  ᱾

 

 

************ ᱞ ᱧ ************

৪।।

ᱪᱮᱫᱟᱜ ᱜᱤᱱᱴᱤ ᱜᱮᱭᱟᱢ

ᱥᱟᱹᱜᱩᱱ  ᱥᱤᱠᱟᱹᱨᱤᱭᱟᱹ

  

ᱟᱢᱟᱜ ᱠᱟᱛᱷᱟ ᱫᱚ ᱟᱸᱡᱚᱢ ᱛᱟᱢᱟ

ᱵᱟᱢ ᱟᱸᱡᱚᱢ ᱟᱢ ,

ᱟᱢᱮᱢ ᱠᱚᱭᱟ ᱮᱢ ᱜᱚᱫᱟᱢᱟ

                            ᱵᱟᱝᱜᱮ ᱮᱢᱚᱜ ᱟᱢ  ᱾

 

ᱟᱢᱟᱜ ᱵᱤᱫᱟᱹᱞ ᱡᱟᱸᱦᱟᱢ ᱠᱷᱚᱡᱚᱜ

ᱚᱱᱟᱜᱮ ᱵᱷᱟᱜ ᱟᱢᱟ  ,

ᱦᱟᱹᱴᱤᱧ ᱨᱮᱫᱚ ᱩᱠᱩ ᱵᱟᱲᱟᱭ

                            ᱪᱩᱠᱩ ᱮᱥᱮᱫ ᱛᱟᱢᱟ  ᱾

 

ᱠᱟᱹᱴᱤᱡ ᱛᱮᱫᱚ ᱵᱟᱢ ᱠᱩᱥᱤᱜ-ᱟ

ᱞᱟᱹᱴᱩ ᱨᱮᱜᱮ ᱛᱷᱚ ᱢᱚᱱᱮ ,

ᱮᱱᱦᱚᱸ ᱜᱮᱨᱟᱝ ᱞᱮᱛᱟᱲ ᱠᱟᱜ-ᱟ

                   ᱩᱥᱟᱹᱫ ᱜᱚᱫᱚᱜ ᱚᱱᱮ  ᱾

 

ᱛᱟᱢ ᱛᱟᱥᱮᱜᱮ ᱛᱷᱟᱨᱤ ᱵᱟᱴᱤ ᱠᱚ

ᱡᱚᱛᱚᱢ ᱪᱟᱯᱟᱫ ᱜᱤᱰᱤ ,

ᱦᱟᱯᱮ ᱫᱚ ᱵᱟᱢ ᱵᱩᱡᱷᱟᱣ ᱛᱟᱠᱚ

                       ᱨᱟᱜᱤ ᱫᱚ ᱛᱟᱢ ᱟᱰᱤ  ᱾

 

ᱪᱮᱫᱟᱜ ᱜᱤᱱᱴᱤ ᱥᱮᱲᱟ ᱟᱠᱟᱫ

ᱵᱟᱝ ᱵᱷᱟᱜᱮᱭᱟ  ᱥᱟᱨᱤ ,

ᱜᱤᱱᱴᱤ ᱢᱚᱱᱮ ᱵᱩᱡᱷᱟᱜ ᱨᱟᱜᱟᱫ

                  ᱜᱟᱛᱮ ᱢᱚᱱᱮᱨᱮ ᱯᱟᱨᱤ  ᱾

 

ᱵᱮᱥ ᱵᱮᱥᱛᱮ ᱥᱟᱱᱟᱢ ᱥᱟᱸᱣᱛᱮ

ᱜᱟᱯᱟᱱ ᱢᱮᱥᱮ ᱫᱮᱞᱟ  ,

ᱛᱤᱱᱟᱹᱜ ᱨᱟᱹᱥᱠᱟᱹ ᱢᱮᱱᱟᱜ ᱢᱤᱫᱛᱮ

           ᱩᱱ ᱯᱟᱨᱤᱢ ᱧᱮᱞᱟ   ᱾

 

************ ᱞ ᱧ ************

৫।।

ᱥᱚᱥᱚ ᱰᱤ ᱨᱮᱱ ᱥᱚᱥᱚ

ᱯᱩᱨᱱᱚ ᱪᱚᱸᱫᱽᱨᱚ ᱠᱤᱥᱠᱩ

  

ᱥᱚᱥᱚ ᱰᱤ ᱨᱮᱱ ᱥᱚᱥᱚ

ᱨᱚᱲᱟ ᱢᱟᱭ  ᱯᱷᱤ ᱥᱚ ᱯᱷᱚᱴᱚ

ᱦᱚᱲᱢᱚ ᱛᱟᱭ ᱫᱚ ᱜᱚᱥᱚ

ᱦᱮ ᱥᱨ ᱟᱜ  ᱟ ᱯᱦᱚᱥ ᱯᱷᱚᱥ

 

ᱧᱟᱯᱟᱢᱮᱱᱟ ᱵᱷᱚᱥᱚ

ᱚᱠᱟ ᱭᱮ ᱱᱟᱭ ᱟᱯᱮ ᱞᱚᱥᱚ?

ᱠᱤᱨᱤᱧ ᱟᱧ ᱥᱚᱥᱚ

ᱜᱤᱫᱨᱟᱹ ᱵᱟᱝ ᱠᱳ ᱟᱦᱟ ᱚᱥᱳᱜ᱾

 

ᱜᱚᱱᱚᱝ ᱫᱤᱱ ᱪᱷᱚ_ᱥᱚ

ᱢᱟᱱᱛᱟᱨ ᱡᱚᱥ ᱚᱜ

ᱮᱠᱟᱞ ᱵᱟᱝ ᱴᱷᱚᱥ ᱚᱜ

ᱠᱤᱨᱤᱧ ᱢᱮ ᱢᱤᱥᱚᱨ

 

ᱢᱟᱨᱮ ᱥᱚᱥᱚ

ᱧᱮᱞᱛᱮ ᱦᱮ ᱫᱮ ᱜᱚᱥᱚ

ᱢᱮᱱᱟᱜ ᱟ ᱨᱚ ᱥᱚ

ᱜᱤᱫᱨᱟᱹ ᱠᱳ ᱥᱚᱹᱥᱚ᱾

 

 ************ ᱞ ᱧ ************

৬।।

সানতাড়গে  কানাম

মরলাল টুডু

 

ধৗরতি   রিনিজ্   গিদরৗ   আমদ

             সানতাড়   জুদি   কানাম্,

পৗহিল   উতৗর্   পোইলো   গিদরৗ

             সিঁয়ত্   দিশোমরে  জানাম্  ।

 

নামাল্   কাছাড়্   বাজার   সাহার

                  যাঁহা   রেগে   মেনাম,

ছৗতিক্   তালা    দালান   কোঠা

              এঁডেরেহঁ  সানতাড়গে  কানাম ।

 

ভিতৗর  অড়াঃ  পেড়া  পৗরভা

      মেনাঃ  কতাম সানতাড়,

লাকচার  রেয়াঃ এনেচ্  সেরেঞ

      বাহা  সহরায়  জানথাড়  ।

 

যাঁহা  রেগেম  তাঁহেন  সোনামিরু

       তুকাদ  আমাঃ  দিশায়মে,

বাহা  সহরায়  বাংএম   হিরিখান

       আমদো  সৗরিকো  ইশৗইমে  ।

 

হুডিঞ  হুডিঞ  বালে  বেকের্

      ছুটাঃমে  সেসের্  মাসের,

তবেই  আমাঃ  জতিয়ৗরি সাপাব্

         হুয়োঃ  আডি লাসের  ।

 

চেমাদ্  জংমে  এনেজ  সেরেঞ

        লৗগতি  আনাঃ  রাহা,

হুলসৗই  আড়াং  রাড়াং  রাড়াং

       সানতাড়  হুল্   মাহা  ।

 

হিরিমে  হিরিজ্  জানাম  আতো

      আলোম  কলসা  গিডি,

তিনাঃ  দিনেম  তাঁহেন  আমদো

       চুঁডুঃ  তুলকাতেদ  ইডি  ।

 

জানাম  পৗরশি  এনেজ  সেরেঞ

       বাং  জুদিম  বাডায়,

লিলি  বিছি  সানতাড়  সমাজ

      আম্  তেগেম  রাঁডায়  ।

************ ᱞ ᱧ ************ 

৭।।

ঝারণা

সীতেন মাণ্ডি

 

ঝারণা ঝারণা ঝারণা

লিঙ্গি আকানাম আম মা

বুরু সংঘা ধিরি ধাঁদের

জানাম আয়ো তাম মা।

 

মেৎ তে মাম ঞেলঃ চেহরা

ছেমেক ছেমেকেম সাডে

মৗনমি মনে লুতুর রেমা

তার কঃ আমাঃ তাড়াম রাহা।

 

সিঞ ঞিদৗ বাম একলাঃ

বাম বাছাও ক অকয় হঁ

দারে সাকাম চেঁড়ে চিপরুৎ

জীব জিয়ৗলিয়াঃ জিউয়িম‌ রাড়েচ্ কাঃ।

 

মনে রেনাঃ‌ আমাঃ কাথা

বিকল আড়াং সে রৗস্কৗ

আঁকা বাঁকা কুচিৎ হর হঁ

বৗনুঃ খিজলাও বাম ‌জিরাঃ‌আম মা।

 

আম ঞেলতে তাড়াম হর রে

আমাঃ কাথাগেঞ‌ উইহৗর

বাঞ্চাঃ রেনাঃ লাহাঃ রেনাঃ

 ‌দাড়েঞ‌ ঞামা  ইঞ মা।

 

 ************ ᱞ ᱧ ************

৮।। 

আলে বাবু

শিবু সরেন

 

আলে বাবু আলে বাবু

মেনায় তালে সোহাগরে,

সিদু কৗনু কিন আদ্ আকান

আলে বাবু জৗপিৎরে।

 

আলে বাবু জৗপিৎ আকাদ্

দাড়ে চাতম উমুলরে,

গাপা বাবুই বেরেদ তালে

ফুলগনৗল দিশম তালালে।

 

আয়ৌ রাগে মিসরা আদ্

বাবু বাঞে উইহৗরদ,

বাবু উরৗগ ঞুতৗৎরে

ঝালকাও বৗতি বাংদ।

 

 ************ ᱞ ᱧ ************

৯।। 

আর্নেস্ট সরেন

দুগাই টুডু

  

আর্নেস্ট সরেন তাঁহে কানে

  লৗইকো জত গেকো

আপাত্‌ নদ্যারচাঁদ সরেন

   সানাম বাডায় আকো।

 

জানামাতো রামবলি দ

    হানে সিমলা পাল সোররে,

বাঁকুড়া জেলা পছিম বাংলা

    রেদ পাড়াঃ থোররে।

 

তুরুই ক্লাস পাশ আতে

  নর্মাল হঁয় পারম আনা,

বাঁকা দহ ইস্কুল রেথো

    মাচেৎ বাহাল এনা।

 

সারেঙ্গা মিশন ইস্কুল রেচো

    তায়মতে মাহাশয় এনা।

অঁডে চৗকরি কাতেৎ গেথো

   হেড মাস্টার লেনা।

 

ডাব্লু.জে. কালসো সাহেবাঃ অল

   ‘ট্রাইবাল হেরিটেজ’ অনা

উনি কাথায় সপহৎ লেনা

    অৗডি হড়কো মেনা।

 

ডব্লু. জি. আর্চার সাহেবাঃ জাওরা

    সান্থাল হুল সেরেঞ কোদ,

আমদা অকচ্‌ ঞাম লেদা

    উনিঠেন খনগে আদ,

 

আপনার সমাজ উৎনৗও গেচো

   চিনতৗ বাড়া কেদে,

লাকচার লাহায় লৗগিৎ তেগে

     দমে হুদিশ লেদে।

 

সান্তাড় আতো দাঁড়া লেৎতে

   সেরেঞ তুমৗল লেদা,

পতব ছাপা সদর এনতেঃ

      মনতে গাঁডন লেদা।

 

‘সারেঙ্গা সেরেঞ পুঁথি’ উছৗনরে

     কুরুমুটু লেদায়,

উনগে অনে মঁজগে আদ

    মিশন পারশাল কেদায়।

 

সাঁওহেৎ লাহান্তি বাবৎউনদ

    আয়মা কৗমি লেদায়।

সাঁওতা ভৗলৗই খৗতির উনি

     সুসৗরিয়ৗ দক মেতায়।

 

হড়াঃ নাপায় লাগাৎ তেদ

     এনেম দহ লেনায়,

নেতার হঁচো একাল তেচো

    দিসৗ রেগে হেনায়।

************ মুচৗৎ ************