আবোওয়াঃ ডিজিটাল ডেক্স- পারমেন ৩০ মে '২৩হিলোঃ বান্দোয়ান বাইপাশ খন চক বাজার ধৗবিচ রোড রেলি হোয়েনা বান্দোয়ানরে। কুড়মি মাহাত গাতাক রেন হড় বেনিয়ম তালাতে আদিবাসী লৗগিৎকো রিকৗয়েৎ খৗতিরগে কডরা রড় দারাম তালাতে আদিবাসী ক জুমিদ লৗগিৎ গে রোড রেলি সাঁওতে ডাহার মিদুন সাপড়াওলেনা মেনতে আয়ুরিয়ৗ কুমুট পাহটা খন বাডায় আকানা।
নোওয়া রোড রেলি
দ সাপড়াও লেনা পশ্চিমবঙ্গ আদিবাসী কল্যাণ সমিতি পুরুলিয়া জেলা চাঙ্গা সাঁওতে আয়মা আদিবাসী গণসংগঠন কোওয়াঃ জুগুৎতে । ডাহার তাড়ামরে ঞেল এনাকো ভারত জাকাত মাঝি পারগানা মহল, আদিবাসী ভূমিজ সমাজ, কোঁড়া সমাজ, আদিবাসী ভূমিজ মুন্ডা কল্যাণ সমিতি, আদিবাসী মাহালী সমাজ লেকান আয়মা কেটেজ সংগঠনগে।
মিদুন খন বাড়ায় ঞাম এনা বাংমা ফেক এসটি সার্টিফিকেট বিরুধ লৗইতে আর আর্থ সামাজিক সেনতে লাহা আকান অ আদিবাসী কুড়মিকো এসটি তালিকারে বাকো সেলেৎ দাড়েয়াঃআ, রাজৗ্রি লেকাতে জোর জুলুম কাতে এসটি বাং গানঃআ, জৗরুড়ান এলেখারে এস পি টি অ্যাক্ট ১৯৮৯ লাগু হোয়োঃমা। মেনখান ঞেল ঞাম আকানা কুড়মি গাতাক রেন হড় যেলেকা তপসিলি উপজাতি তালিকারে সেলেৎ লাগাৎ যাঁহা রিকৗরে মেনাঃ কোওয়া অনা রড় দারাম লৗগিৎগে রোড রেলি সাঁওতে ডাহার মিদুন
দহ হুয় লেনা।
.webp)
ইনৗ হিলোঃ রেনাঃ মিদুনরে আদিবাসী গণসংগঠন সেনখন মানতান সতন কুমার সরেন (সভাপতি,আদিবাসী কল্যাণ সমিতি) রতনলাল হাঁসদা (পুরুলিয়া জেলা পারগানা, ভারত জাকাৎ মাঝি পারগানা মহল ),
যগেন্দ্রনাথ টুডু (বারহা মুলুক পারগানা ),
মনীন্দ্রনাথ সরেন(কুইলাপাল মুলুক পারগানা ), সুচাঁদ মুদি (পুরুলিয়া জেলা সহ সভাপতি, কোঁড়া সমাজ), গনেশ চন্দ্র মাহালী ( মাহালী সমাজ) ,
রামপদ সিং সর্দ্দার (ভূমিজ মুন্ডা কল্যান সমিতি) ,
সাঁওতে সমাজ কৗমিয়া নিবারণ কিসকু, সূর্যকান্ত মুরমু এমান কো সেটের তাঁহেলেনা।
.webp)
.webp)
