কিষ্কিন্ধ্যা মুরমু,বান্দোয়ান :- সানতাড়ি সাঁওহেৎ রেন কবিগুরু সাধু রামচাঁদ মুর্মু আঃ সৗগুন জানাম মাহা মানাও কেদায় সানতালি লিটারেরি ফোরাম পুরুলিয়া। আখড়া দ সেতাঃ ইরৗল টাড়াং অকতে পুরুলিয়া জেলা রেনাঃ বান্দোয়ান কে.ডি স্পোর্টস বাখোল বাস স্ট্যান্ড সোররে সৗহিজুহি লেনা।
আখড়ারে অনড়হিয়ৗ আঃ জিয়ন আর সাঁওহেৎরে উনিয়াঃ এনেম লৗইতে অড়ে অড়পাত গালমারাও হোয়েনা। নওয়া গালমারাও আখড়ারে সেটের কো তাঁহেলেনা মৗনান পেড়া মানতান সত্যরঞ্জন হাঁসদা, মানতান সীতেন মান্ডি, প্রফেসার মানতান জিতেন্দ্রনাথ হাঁসদা, মানতান রামদাস মান্ডি আর মানতান রূপচাঁদ হাঁসদা।
অনড়হিয়ৗ আঃ মুঠৗনরে বাহামালা আরাও তায়ম আখড়ারে অনলিয়ৗ ইদি কাতে গালমারাও সাঁওতে অনড়হেঁ বাখেড় রেনাঃ হ বনধেজ তাঁহে কানা।
অনড়হেঁ বাখেড় সাঁওতে সেরেঞ তালাতে আখড়া মজগে জমকাও লেনা। আখড়া দ নাপায়গে এতহব খন মুচৗৎ ধৗবিচতে চাচালাওরে তাঁহে কা্নায় "তেতরে" পাথাম সাসাপড়াওইচ্ মানতান মহাদেব হাঁসদা।
মুচৗৎরে, সেটের লেন অনলিয়ৗ , অনড়হিয়ৗ, কলেজ পৗঠুওয়ৗ আঁজমিয়ৗ সানাম ক গুনমানাও জহার এ চালাৎ কোওয়া সানতালি লিটারেরি ফোরাম রেন সেক্রেটারি মানতান অরুন কুমার সরেন।
.webp)
.webp)
