আবোওয়াঃ ডিজিটাল
ডেস্ক- হলা ১৬ বৗইশৗখ, মাহাকবি সাধু রামচাঁদ মুরমু
আঃ ১২৬ আনাঃ জানাম মাহা চাঁদোকিয়ৗ ঞুতুমান ‘সিলি’ পাথাম আঃ সৗহিজুহিতে মানাওয়েনা বাঁকুড়া
জিলৗ রেনাঃ খাতড়ারে। অনা আখড়ারেগে ‘ট্রাইবোপ্যাথস’ ঞুতুমতে মিৎ চ্যারিটেবল ডিস্পেনসরি
উনুঢৗও তরাওয়েনা।বাডায় আকানা নোওয়া ‘ট্রাইবোপ্যাথস’রে আদিবাসী হড় হপন কো লৗগিৎ বিন
গনংতে চিকিৎছৗ আর রান মুরগৗন ঞাপামা।
সান্তাড়ি সাঁওহেৎ রেন আয়মা অনলিয়ৗ আর অনড়হিঁয়ৗ
কো মুদ্রে মিৎ অৗগিল অনড়হিঁয়ৗয় হোয়োঃ কানা সাধু রামচাঁদ মুরমু।সান্তাড়ি সাঁওহেৎ রে
উনিয়াঃ এনেম দ অসাম্ভেড় গে তাঁহেনা। অনা দিশৗ কাতেৎ গে নিৎহঁ উনিয়াঃ এনেম আয়াঃ জানাম
মাহা মানাও তালাতেকো উইহৗর এৎ কানা। তেহেঞ শোস্যালমিডিয়া তালাতেহঁ বাডায়ঃ কানা বাংমা
আয়মা গাঁওতা, সংগঠন, ক্লাব এমন চেৎ আপনার অড়াঃ অড়াঃ রেহঁ মাহাকবি সাধু রামচাঁদ মুরমু
আঃ জানাম মাহা কো মানাও কেদা।
এখেন হর-ডাহার আর বিশ্ববিদ্যালয় রেনাঃ ঞুতুম সুমুং
দ বাং সাধু রামচাঁদ মুরমু ঞুতুমতে রিসার্চ সেন্টার চৗলুয় রেনা দৗবিহঁ রাকাব কানা। সাঁও
সাঁওতে নংকান দৗবিহঁ রাকাব কানা বাংমা উনিয়াঃ আৎ-তোৎ পান্ডুলিপি কো পাঁজা সামটাও কাতে সরকারি পাহটা খন ছাপাও সদরঃমা।
সাধু রামচাঁদ মুরমু বিশ্ববিদ্যালয় খন আরহঁ আয়মা কিছু হোয়োঃ মা নংকান আঁশ কো দহ কেদা
আখড়ারে সেটের লেন আয়মা গৗখুড়িয়ৗকোগে।
‘সিলি’ পাথাম আঃ সৗহিজুহিতে মানাওয়েন অনড়হিঁয়ৗ
সাধু রামচাঁদ মুরমু আঃ জানাম মাহা আখড়ারে মৗন আন পেড়া লেকাতে সেটের কো তাঁহেকানা ‘সিলি’
পাথাম শিরৗ সাসাপড়াওয়িচ্ মানতান কলেন্দ্রনাথ মান্ডি, অনড়হিঁয়ৗ কাজলি সরেন, ডাঃ অসিত
সরেন, সুজলা হেম্ব্রম, শিলা হেম্ব্রম আর পুরুলিয়া জেলা আদিবাসী কল্যাণ সমিতিরেন প্রেসিডেন্ট
মানতান সতন কুমার সরেন।
এতহব খন মুচৗৎ হৗবিচ্ আখড়া চাচালাওরে তাঁহে কানায়
ঞুতুমান অনলিয়ৗ ডাঃ সুরেন্দ্রনাথ মান্ডি।
.webp)
.webp)
