নেতাজী সুভাষ ওপেন ইউনিভার্সিটি রেহঁ সান্তাড়ি পৗরশি চৗলুয় রেনাঃ দৗবি রাকাব এনা

 

আবোওয়াঃ ডিজিটাল ডেস্কঃ- হলা  ২৪ এপ্রিল’২৩  ভারত জাকাত সান্তাড় পৗঠুওয়া গাঁওতা পনত কুমুট পাহটা  খন নেতাজী সুভাষ ওপেন ইউনিভার্সিটি রেনাঃ হেড অফিস সল্ট লেক,কলকাতা আর বিকাশ ভবন রে ওপেন ইউনিভার্সিটি রেহঁ লগন সান্তাড়ি সাতাম আতে BA-Hons,pass Course আর MA Course  রে অল পাড়হাও এতহবঃ মা মেনতে মিৎ দৗবি সাকাম কো চাল কেদা।

বাডায় আকানা বাংমা নিৎ হৗবিচ্‌ নেতাজী সুভাষ ওপেন ইউনিভার্সিটি রে সান্তাড়ি পৗরশিতে অলঃপাড়হাও অকা রেহঁ বাং চৗলু আকানা মেনখান নঁতে পনৎ রেনাঃ স্কুল খন এহব কাতেৎ আয়মা কলেজ,বিশ্ববিদ্যালয় রেগে সান্তাড়ি পৗরশিতে অলঃপাড়হাও চৗলু আকানা। নেতাজী সুভাষ ওপেন ইউনিভার্সিটি রে সান্তাড়ি পৗরশিতে অলঃপাড়হাও চৗলু তাঁহেলেন খান আয়মা পৗঠুওয়া হুনৗং দাও কো ঞাম কেয়া। অনা দিশৗ কাতেৎ গে ভারত জাকাত সান্তাড় পৗঠুওয়া গাঁওতা নংকান দৗবিয় সাব রাকাব কেদা।

দৗবি সাকাম দ NSOU রেন VC ই   মৗন সালাঃ এ আতাং দারাম আকাদা আর সান্তাড়ি সাতাম NSOU রে এতহব রেয়াং কৗমি হরায় সাব আ মেনতেহঁ গাঁওতারেন মাড়তে কোঠেন এ লৗই সদর আকাদা। ইনৗ বেগর বিকাশ ভবন রেন Special Secretary হঁ আজা  লৗকতিয়ানা কৗমিরে গড়য় এম আ মেনতে সহেৎ কঠেন এ লৗই সদর আকাদা।

নোওয়া দৗবি সাকাম চাল অক্তে BJSPG রেন তালমা কুমুট পারসেৎ মানতান শৈলেন বেসরা, BJSPG ঝাড়গ্রাম জেলা কুমুট জগ সুতরেৎ মানতান সরগ হেমব্রম, সুকু মুর্মু মেসা BJSPG গাঁওতারেন আর  সাঁওহেদ দরদিয়ৗ ক সেটের তাঁহে কাতেৎ দৗবি সাকাম এম চালরে গড়ঃ ক এম আকাদা।